InfoHub Logo

Tisterimizdi kúnine úsh ret tazalap turýymyz kerek. Tis pastalarynyń tis kútimi turǵysynda áseri kóp bolmaıtynyndaı, tis mindetti túrde sútteı appaq bolýy kerek degen de qaǵıda joq. 

Tis shetkalaryn tańdaǵanda ortasha qattylyqty, oqshaý qýystaryna jetetin jáne mindetti túrde plasıkalyq shetkalardy qoldanǵan jón. Óıtkeni qyldan jasalǵan shetkalar dońyz nemese at qyldarynan jasalady. Qyldar kóp mólsherde sý sińiredi. Árbir qyl talshyǵynda bolatyn sańylaýlar bakterıalardyń kóbeıýine óte qolaıly bolyp tabylady. 

Bir tis shetkasyn bir adam qoldanýy kerek jáne 3-4 aıda aýystyryp turý kerek. Tis tazalaǵanda tis pastasymen tazalaý májbúrligi joq. Az mólsherde tuzben nemese sodamen de tazalaýǵa bolady. Pastamen qoldanǵanda noqat mólsherindeı ǵana jetkilikti. Shetkamen tazalaǵanda tis etterine de massaj jasalýy kerek. Alǵashqyda tis etteri qanaıdy, biraq júıeli túrde tazalaý arqyly tis etteri beriktenedi. Shetkamen tazalaý etten tiske qaraı baǵyttalýy kerek. Aýzynda tis tastary bolǵandar kóp keshiktirmeı tis dárigerine kórinip tazalatýy kerek.

Aýyz jáne tis kútiminde mısýak qoldanýdyń da mańyzy óte zor. Hosh ıistiligi jáne alyp júrý qolaılyǵy jaǵynan da tıimdi. Mısýakty turaqty qoldanǵandarda tis shiriginiń toqtaǵany, tis etteriniń myqty bolǵandyǵy, aýyz ıisteriniń qalmaǵandyǵy baıqalady. Mısýak - Arabstanda ósetin Erak aǵashynyń butaǵy. Tis jipterin de shetkanyń jete almaǵan tustarynda qoldanýǵa bolady.

Oqýǵa keńes beremiz:

Aýyz qýysynyń tazalyǵy

---