InfoHub Logo

(Dóńgelek stol janynda áńgime) 2 - synyp

Tyıym sózder
Maqsaty: Tárbıeniń negizgi maqsaty - deni saý, ulttyq sana - sezim oıanǵan, rýhanı dárejesi bıik, mádenıetti, parasatty, ar - ojdany mol, eńbekqor, isker, boıynda basqa da ıgi qasıetter qalyptasqan urpaq tárbıeleý

Tyıym sózder – ata - babalarymyz balany besikten jaqsy ádetterge baýlyǵan. « Úlkendi syıla», « Sálem ber, jolyn kesip
ótpe», degen ulaǵatty sózderdiń máni óte zor. Jaqsy adamgershiliktiń qasıetterdiń túp negizi otbasynda qalyptasatyny
belgili. Tyıym sózder adamgershilik qasıetterdi izgilikpen ushtastyrady. Tyıym sózder arqyly durys daǵdylar men ózin - ózi ustaý daǵdylarynyń normalary, uıymdaǵy, synyptaǵy
otbasyndaǵy qarym - qatynas mádenıetiniń turaqtylyǵyn qalyptastyrady.

Tyıym sózder:
1. Nandy baspa, nandy bir qolyńmen úzbe, nannyń ústine zat qoıma.
Bul sózderde nan qasıetti taǵam, as atasy nan ekeni túsinikti.
2. Tuzdy shashpa. Tuz ashshy, ashshy nárseni shashýǵa bolmaıdy, ári tuz da qasıetti taǵam, tuzsyz taǵamnyń dámi bolmaıdy.
3. Bas kıimmen oınaýǵa bolmaıdy, bas kıimdi joǵary qoıý kerek.
4. Bosaǵany kerýge bolmaıdy.
5. Tabaldyryqta turýǵa jáne tabaldyryqty basýǵa bolmaıdy.
6. Úıge júgirip kirýge bolmaıdy.
7. Túnde sýǵa barýǵa bolmaıdy.
8. Maldy tebýge bolmaıdy.
9. Bos besikti terbetýge bolmaıdy.
10. Kópshiliktiń ortasynda esineýge, qatty jótelýge, qatty túshkirýge bolmaıdy.
11. Pyshaq pen oınaýǵa bolmaıdy.
12. Qustyń uıasyn buzýǵa bolmaıdy.

Tyıym sózder arqyly qarapaıym ádetterdi tárbıeleı otyryp, balanyń bar isti shyn peıilmen, ári sanaly atqarýyna qol jetkizedi, ıaǵnı syrtqy unamdy minezderi onyń ishki jan dúnıesin aıqyndaıdy.
Tyıym sózder negizinde adamnyń minez - qulqy qalyptasady.
Tyıym sózder arqyly ar - uıat, ózin-ózi baǵalaý jáne adamgershilik sapalary damıdy. Munyń ózi meıirimdilikke, izgilikke shaqyrady.
Tyıym sózder arqyly taǵamdy qadirleý, kúndelikti ómirde kezdesetin jaǵdaıattardy eskerý, tórt túlik maldy qadirleý.
Mádenıettilikke, adamgershilikke tárbıeleý.
Adamzattyq qundylyqtar bala boıyna is - áreket barysynda, ártúrli oıyndar, hıkaıalar, ertegiler, qoıylymdar arqyly beriledi.