InfoHub Logo

Bastaýysh synyp muǵalimi: Erǵazıeva Á.A.
Ana tili 1 synyp
Sabaqtyń taqyryby: Tóldi qalaı shaqyrady? Daýyssyz dybystar
Sabaqtyń maqsaty:
Bilimdilik: Oqýshylardyń tórt túlik týraly túsinikterin keńeıtip, ár maldyń erekshelikteri, paıdasy týraly bilimderin tekserý, izdenýshilik qyzyǵýshylyqtaryn arttyra otyryp, tórt túlik malǵa baılanysty maqal — mátelder, áńgimeler taqpaqtar aıtqyzyp, bilimderin tolyqtyrý.
Damytýshylyq: Oqýshylardyń sóıleý sheberlikterin, oı — óristerin damytý.
Tárbıelik: Tórt túlik maldy qasterleýge, otan súıýge, ulttyq dástúrdi qurmetteýge tárbıeleý.
Sabaqtyń túri: aralas sabaq
Pán aralyq baılanys: dúnıetaný, matematıka
Sabaq ádis - tásili: Suraq — jaýap, taldaý — jınaqtaý, salystyrý, izdenýshilik.
Kórnekiligi: Slaıd, sýretter, syzbalar.

Sabaqtyń barysy:
1. Uıymdastyrý kezeńi.
- Oqýshylarmen amandasý.
- Oqý - quraldaryn túgendeý.
- Sabaqqa zeıinin aýdarý.
- Psıhologıalyq daıyndyq.
Oıǵa tolsyn sanamyz,
Bestik bolsyn baǵamyz.
Balasyndaı bir úıdiń,
Tatý bolsyn aramyz.

1. Úı tapsyrmasyn tekserý.
-«Qoıan» mátinin áńgimeleý. 2 - 3 oqýshy

III. Ótkendi qaıtalaý.
«Janýarlardy mekenine apar» oıynyn oınatý.
Balalarǵa janýarlardyń sýretteri taratyp beriledi, artyna suraqtar jazylady. Suraqqa jaýap bergen oqýshy janýarlardy taqtadaǵy «ormanǵa nemese óriske» aparyp qoıady.
— Sóılem neden quralady?
— Sóz neden quralady?
— Dybys degenimiz ne?
— Sóılemniń sońyna qandaı tynys belgiler qoıylady?
— Alfavıtte árip bar? (42)
— Neshe daýysty dybys bar? (15)
— Neshe daýyssyz dybys bar? (25)
— Daýysty dybystar neshege bólinedi? (2) jýan, jińishke
— Daýyssyz dybystar neshege bólinedi? (3) qatań, uıań, úndi
Slaıdtan daýyssyz dybystar kórinip turady.

IV. Jańa sabaq.
Balalar ormanda mekendeıtin janýarlar olar jabaıy janýarlar. Al, óriste jaıylatyn janýarlar úı janýarlary dep atalady. Úı janaýlaryna qandaı janýarlar jatady. Sıyr, jylqy, ıt, mysyq, qoı t. b. sol úı janýarlarynyń ishinde tórt túlik maldar bar. Tórt túlik maldyń qazaq halqynyń turmys tirshiliginde alatyn ornyn túsindirý. Qazaq halqynyń ómiri tórt túlik malmen tyǵyz baılanysty bolǵan. Sebebi tórt túlik mal – qazaq halqynyń kún kórinisiniń, sharýashylyǵynyń negizgi salasy. Tórt túlik mal soısa - et, saýsa – sút, minse kólik, kıse – kıim boldy. Sondyqtan tórt túlik maldy qazaq halqy qadir tutyp, óleń jyrlaryna, maqal – mátelderge, tıym sózderge qosqan.

1. «Tólin tap» oıyny.
Tórt túlik maldardyń tóli nemese balalary bolady. Sol tólderdi anasynyń qasyna aparyp qoıamyz. Ol úshin matematıka sabaǵynda biz sandarmen tanystyq sandy reti boıynsha tańdap alyp, artyndaǵy sýretke qarap qandaı tól ekenin aıtamyz jáne sol sózge dybystyq taldaý jasaımyz.
1. Qozy – 4 árip, 4 dybys, 2 daýysty jáne 2 daýyssyz dybys, 2 býyn
2. Qulyn – 5 árip, 5 dybys, 2 daýysty jáne 3 daýyssyz dybys, 2 býyn.
3. Laq – 3 árip, 3 dybys, 1 daýysty jáne 2 daýyssyz dybys, 1 býyn
4. Bota – 4 árip, 4 dybys, 2 daýysty jáne 2 daýyssyz dybys, 2 býyn
5. Buzaý – 5 árip, 5 dybys, 2 daýysty jáne 3 daýyssyz dybys, 2 býyn.

2. Oqýlyqpen jumys. 21 - bet. 17 - jattyǵý.
1. Óleńdi túsinip oqy. «Mal atasy»
2. Kórkem jazý.
3. Búgingi kúnniń jadyn jazamyz.
4. Qambarata, Zeńgibaba, Oısylqara, Shopanata, Seksekata sózderin jazyp, daýyssyz dybystardyń astyn syz.

Sergitý sáti. Oqýshylardyń nazaryn ekranǵa aýdarý.

3. Oqýlyqpen jumys. 18 - jattyǵý.
1. Óleńdi mánerlep oqyńdar.
2. Qara árippen jazylǵan sóılemdi kóshirip, ár sózdegi daýyssyz dybys áripteriniń astyn syz.
Qulynshaǵym
Qulynshaǵym – qundyzym
Quldyraıdy, shabady.
Jyltyldaǵan juldyzym
Qustaı qanat qaǵady.

4.«Kim jyldam? oıyny. Maldyń dybystaryn tabý. Maldyń dybysyn estip qandaı janýar ekenin aıtamyz.

5. Oqýlyqpen jumys. «Tóldi qalaı shaqyrady?»
1. Óleńdi mánerlep oqy.
2. Óleńde neshe shýmaq bar?
3. Tólderdi qalaı shaqyrady?
4. Mysyqty, ıtti qalaı shaqyrady?

VII. Sabaqty bekitý.
Shyǵarmashylyq tapsyrma: Maqaldan daýyssyz dybystardy tap.
1. Maly bardyń – jany bar
2. Eldiń kórki – mal
3. Sıyr saýǵan shóldemes
4. Sıyrdyń súti – tilinde
5. At – erdiń qanaty

Sabaqty qorytyndylaý.
1. Tórt túlik maldy ata - babalarymyz qadirlep, qasterlegen. Tórt túlik maldyń adamǵa qandaı paıdasy bar? Slaıdpen kórsetilip turady.
2. Ótken 2015 jyl qandaı jyl? Qoı jyly
3. Bizdi anamyz ne dep erkeletedi? Maldyń tólderi attarymen erkelete me? (qulynym, botaqanym, qoshaqany)
— Biz búgin ne úırendik? — Tórt túlik mal týraly ne bildik? — Tilimizde daýyssyz dybystar nesheý?
— Balalar búgingi sabaǵymyz túsinikti boldy ma? Túsinsek bas barmaǵymyzdy joǵary kóteremiz. Jartylaı túsinsek bas barmaǵymyzdy qısaıtamyz. túsinbesek bas barmaǵymyzdy tómenge túsiremiz.

VIII. Úıge tapsyrma. 23 - bet 19 - jattyǵý.
«Tóldi qalaı shaqyrady?» óleńin mánerlep oqý. 19 - jattyǵý kóshirip jazý. Baǵalaý. Sabaqqa belsene qatysqan oqýshylardy baǵalaımyn.