InfoHub Logo

Ardaqty aǵaıyn! Kóppen kórgenniń armany joq, el qarıasy – el qazynasy degen. Qarty bar úıdiń quty bar deıdi. Búgin aıaýly ákemizdiń Paıǵambar jasy – 63 jyldyq mereı toıyn Sizdermen birge atap ótip otyrǵanymyzǵa qýanyshtymyz. Ata-anamyzdyń, olardyń qatarynyń ómir joly qaısarlardyń zamany boldy. Bizdi búgingi kúnge jetkizgen osy ákelerimiz ben analarymyzdyń eńbegi. Ákemiz anamyzben ekeýi qatarymyzdan qaldyrmaı ósire bilgenine rızashylyqpen basymyzdy ıemiz.

Osy oraıda zamandastaryn, aǵaıyn-týystardy jıyp, ákemizdiń 63 jasqa kelýin toılap, mereıin kóterýge uıǵardyq. Eń jaqsy qurmet olardyń adal atyna kir keltirmeý dep oılaımyz. Adaldyq, adamgershilik, aldymen ózińe talapshyl bolý – ata-anamyzdyń kórsetken ónegesi.

Qadirli aǵaıyn! Bárińizge de osyndaı qýanysh tileımiz, ákemizdiń jasyna jetińizder. Al ata-anamyzǵa uzaq ǵumyr, densaýlyq tileımiz. Ákemiz – asqar taýymyz. Biz eseıip ketsek te, panamyz. Ata-ananyń qadirin balaly bolǵanda bilesiń demekshi, bul kúnde ózimiz ata-ana bolǵan kezde olardyń eńbegin tolyq túsinip otyrmyz. Bizdiń kóz aldymyzda ómirge qýanyp júre berýlerin Alladan tileımiz.  

Meniń atyma da aıtqan tilekterińizge myń da bir rahmet.
Kórgenimiz únemi toı bolsyn, toıda jolyǵyp júreıik aǵaıyn!

*****  *****  *****  *****  ******  ******

Qurmetti hanymdar men myrzalar, myna jınalǵan týǵan-týysqan, dos-jaran! Sizderge aıtarym, toıymyzǵa kelgenderińizge kóp rahmet. Toıda jaqsy, kóńildi otyrdyńyzdar. Sonyń arqasynda toıymyz jaqsy ótti dep oılaımyz. Osy qýanyshymyzben ortaqtasyp, ystyq lebizderińizdi bildirip, qanshama tamasha tilekter aıttyńyzdar. Bári de qabyl bolsyn jáne ózderińizge juǵysty bolsyn, Sizderge de ıgi tilekter tileımiz. Alda áli toı kóp. Basymyz únemi toıda qosylyp júrsin. Rahmet.

*****  *****  *****  *****  ******  ******

Saýyqqanǵa tilek

Baja, baldyz, kúıeýler, týystarym
Baqytty bol keleshekte osy báriń.
Dám tatsyn dep bárińdi shaqyryp em,
Jýaıyn dep jubaıymnyń jazylǵanyn.
Janashyrym jalǵyz ul, súıgen jarym,
Kim oılaǵan bulaı bop aýyraryn.
Janyń qalmaı báriń de júgirdińder,
Osy otyrǵan týystar barlyqtaryń.
 
Al aıtarym tyńdasań saǵan, jarym,
Eń keregi adamǵa zor densaýlyq.
Jalǵyzyńnyń qyzyǵyn kórem deseń
Alańdamaı esh nársege janyńdy kút.

---