InfoHub Logo

Trenıńte uıymdastyrylatyn psıhologıalyq oıyndar
Qazir barlyq adam jigerlendirý (motıvasıa) men kóńil aýdarýǵa (vnımanıe) zárý. Kóp jastar bir isti bastaıyn desem motıvasıa ala almaı júrmin, ıaǵnı kirisip ketýime túrtki bolatyn eshteńe tabylmaı júr dep shaǵymdanady. Suranysqa oraı, usynys ta bar. Jer - jerde túrli trenıń ótkizý sánge aınalǵaly qashan. Trenıńter ázil aıtýmen bastalyp, jan men sanany sergitýge arnalǵan oıyndarmen qyza túsedi. Al kúnderdiń kúninde sizge de aıaq asty el aldynda sóıleýge týra keletin jaǵdaı týsa, tyńdarmandardy qalaı qyzyqtyrýǵa bolady? Bile júrińiz.
Aldymen tanystyqtan bastaıyq. Munyń ózin qyzyqty saýyqqa aınaldyrýǵa bolady. Eki tásilin usynaıyq:
– Otyrǵandar aldymen óz atyn aıtyp, sodan soń janyndaǵy janǵa madaq sóz aıtady. Tizbek osylaı sońyna deıin jalǵasa beredi. Mysaly: Meniń esimim – Kerbez, (oń jaǵynda otyrǵan) Marjan – názik qyz. Kelesi qatysýshy: Meniń esimim – Marjan (oń jaǵynda), Azamat – salmaqty jigit. – Birinshi adam óz esimin jáne esiminiń bas árpinen bastalatyn ózine tán syn esim aıtady, janyndaǵy adam kórshisiniń aıtqanyn qaıtalap jáne óz atyn aıtady. Mysaly: Men – Ermekpin, Ermek – erjúrek. Kelesi adam: Ermek – erjúrek. Men – Álımamyn, Álıma – ádemi. Úshinshi adam: Álıma – ádemi. Men – Ǵarıfollamyn, Ǵarıfolla – Ǵajap. Osylaı jalǵasa beredi.

Odan soń qatysýshylarǵa qalta toly kámpıt (ne basqa da tátti) berińiz. Bireýi barlyǵyna úlestirip shyǵa ma, ózderi bólip ala ma – ony erikteri bilsin. Tek basty sharty: tátti eshkimge jetpeı qalmaýy kerek jáne qaltany bosatý qajet. Talap oryndalǵan soń, kelesi shartymen tanystyrasyz. Kimge eń kóp tátti túskenin anyqtańyz. Bireýge 2 kámpıt, bireýge 5 kámpıtten tıýi múmkin. Endi eń kóp tátti alǵan adam qolyndaǵy kámpıtiniń sanyna qaraı óziniń jaqsy qasıetterin aıtyp shyǵady. Mysaly: 4 kámpıti bolsa, men aqkóńilmin, sabyrlymyn, meıirimdimin, jaıdarymyn dep óziniń tórt jaqsy qasıetin aıtýy tıis.

Táttiler bir jaǵynan oıynǵa arqaý bolsa, ekinshi jaǵynan baqyt gormondaryn kóbeıtip, kóterińki kóńil kúı syılap, trenıńti asqan qulshynyspen tyńdaýǵa jeteleıdi.

Kelesi oıyn – telefon. Qatysýshylar birneshe topqa bólinedi. Uıymdastyrýshy neshe top bolsa, sonsha jańyltpash daıyndap ákelýi kerek. Oıynshylar biriniń artyna biri qatarǵa tizilip turady. Birinshi turǵan adamǵa jańyltpashtardy sybyrlap aıtasyz. Barlyǵy tolyq estigen soń, toptar oıyndy birge bastaıdy. Áp degennen jyldamdatyp artynda turǵan adamǵa jańyltpashty sybyrlap aıtyp jetkizýi kerek. Qaı top birinshi aıaqtap jáne qatesiz aıtsa, sol top jeńimpaz atanady. Jańyltpash qatardyń sońyna deıin jetkenshe, san qubylyp, bastapqy qalpynan múlde ózge sózder shyǵady.

Túıin: jańyltpash sıaqty kez kelgen jańalyqty árkim árqalaı estıdi, árkim óz shamasynsha túsinedi, ártúrli qabyldaıdy, basqa adamǵa estigeninen basqasha jetkizedi, muny qate ekenin ózi de bilmeýi múmkin. Sondyqtan estigen sózimizdiń barlyǵyn shyn dep qabyldaýǵa bolmaıdy.

Trenıń sońyna qaraı qatysýshylarǵa ártúrli qanatty sózder jazylǵan qaǵaz taratyp berińiz. Tek munda avtory kórsetilmeýi tıis. Sharty: osy naqyl sózdiń avtory kim ekenin ózi taýyp ne gýglge jazyp, sol tulǵanyń ómirbaıanymen tanysýy tıis. Ár tulǵanyń ómirinde úlgi alarlyq, motıvasıa bolarlyq qasıetter kezdesedi.
Derekkózi: massaget. kz