InfoHub Logo

Shalqar aýdany №8 jalpy orta bilim
beretin mektep muǵalimi Kýrmanbekova Gýlden Jýmabekkyzy

Sabaqtyń taqyryby: Týǵan jerdiń sulýlyǵyn sýretteıtin kompozıtor mýzykalary
Sabaqtyń maqsaty:
A) Bilimdilik: Oqýshylardyń mýzykalyq bilimin jetildirý. Mýzykalyq shyǵarmalardyń ózindik erekshelikterin taldaı bilýge daǵdylandyrý.

Á) Damytýshylyq: Mýzykalyq shyǵarmalardyń mazmunyn emosıalyq sezinýge tárbıeleý, kórkemdik talǵamyn damytý. Oqýshylardy basqa halyqtardyń mádenıetimen tanystyrý. Ár ulttyń mýzykalyq shyǵarmashylyǵyndaǵy sulýlyqty sezine bilýge baýlý.

B) Tárbıelilik: Mýzyka óneri damýynyń túp negizi retinde ulttardyń mádenıetine qurmetpen qaraýǵa, olardyń ásemdigi men mýzykalyq muralaryn túsine bilýge úıretý. Egemendik alǵan jas memleket – Qazaqstannyń basqa eldermen ultaralyq baılanysy arqyly otansúıgishtikke, ózge ulttardy qurmetteýge tárbıeleý.

Sabaqtyń tıpi: Jańa materıaldy meńgertý
Sabaqtyń túri: Aralas sabaq
Sabaqtyń ádis - tásilderi: túsindirmeli - ıllústratıvtik, reprodýktıvtik,
suraq - jaýap

Sabaqtyń barysy:
İ. Uıymdastyrý kezeńi.
1. Oqýshylarmen sálemdesip, synypty túgeldeý.
2. Oqýshylardyń sabaqqa daıyndyǵyn tekserý.
3. Oqýshylardy sabaqtyń maqsatymen tanystyrý.

İİ. Oı qozǵaý.
Daýys jattyǵýlary
a) Solfedjıo (dırıjerlaý arqyly)
á) Legato
b) Gamma

İİİ. Úı tapsyrmasyn tekserý.
Beriletin suraqtar:
1. Qyrǵyz halqynyń mýzykalary?
2. Qyrǵyz halqynyń aspaptary?
3. Bizdiń respýblıkamyzda qandaı halyqtar mekendeıdi?
4. Uıǵyr halqynyń mýzykasy men aspaptary?
5. Halyqty halyqpen baılanystyratyn ne? (dostyq, mádenıet, óner)
6. Sımfonıalyq poema degenimiz ne?
7. Ózbek halqynyń mýzykasy?
8. Sımfonıalyq poema jazǵan qandaı Qazaqstan kompozıtoryn bilemiz? (Qapan Mýsın «Jaılaýda»)
9. Qazaq halyq mýzykasyn óz shyǵarmalarynda paıdalanǵan qandaı orys kompozıtorlaryn bilesińder? (S. Rahmanınov)
10. Qazaq halqynyń mol mýzykalyq murasyn jınaǵan qandaı mýzyka zertteýshisin bilesińder? (A. Zataevıch)

IV. Jańa materıaldy meńgertý.

Tiri bári
(B. Jaqyp )
Sýret kórip týǵan jer kelbetinen,
Tabıǵat besiginde terbetilem.
Jel júgirip barady sý betimen,
Sý júgirip barady jer betimen.
Qalyqtaıdy aqsha bult kókti qarmap,
Turaq tappaı qańǵyryp ketti qańbaq.
Ushyp júrip áýede neshe aınalyp,
Dala tósin qyran qus ótti barlap.
Qaıyń, emen, tal, terek tyń - tyńdaıdy,
Laǵyl sáýle bulaqta jyltyldaıdy.
Bir sát aspan alqasy – Altyn Kúndi,
Keń dúnıeniń kózinshe bult urlaıdy.
Jolaýshylar – Tabıǵat, Adam, Ýaqyt,
Keledi jer ǵalamdy aralatyp.
…Bildirgisi kelgendeı tiri ekenin,
Taý da tasyn qoıady domalatyp.
Aq shýaqqa qyrattar jylynady,
Japyraqtyń jan syryn gúl uǵady.
…Qozǵalys bar úzdiksiz, sondyqtan da
Tirshiliktiń bári oıaý, tiri bári.

Óleńge taldaý jasaý arqyly jańa sabaqty ashý.
Týǵan jerdiń sulýlyǵyn sýretteıtin kompozıtorlarǵa M. P. Mýsorgskıı men E. Grıgti aıtýymyzǵa bolady. Eki kompozıtordyń ánderi men ómirbaıandarymen tanystyrý.

V. Jańa materıaldy bekitý.
a) Daıyndyq (halyqtyq, kompozıtorlyq, kásibı mýzykalar);

1 - deńgeı
Tyńdalatyn áýen ---Án--- Bı--- Kúı--- Marsh
1.
2.
VI. Sabaqty qorytyndylaý.
Oqýshylar Venn dıagramsynyń kómegimen qazaq jáne shetel kompozıtorlarynyń halqynyń halyq ánderin, mýzykalaryn salystyra otyryp, uqsastyqtaryn tabady.

VII. Baǵalaý.
Oqýshylardyń deńgeılik tapsyrmany oryndaýyn, sabaqqa qatysýyn eskere otyryp baǵalaımyn.
VIII. Úı tapsyrmasy.
Týǵan jerdiń sulýlyǵyn zerttegen kompozıtor mýzykalary men sýretterine taldaý jasaý.