InfoHub Logo

Bir túlki jortaqtap tamaq izdep kele jatyp, bıik aǵash basynda turǵan taýyqty kóredi de bul taýyqty aldap qapqanyma túsireıin dep oılaıdy.

Túlki:

— Taýyǵym, nege otyrsyń bıikte? Jerge tús, tilimdi alsań, dos bolaıyq, osy jerde namaz oqyp alaıyq, oınap-kúleıik, — deıdi.

Taýyq:

— Ras aıtasyń, túlkim, besin namazynyń mezgili bolyp qaldy, anaý jerde ımam jatyr, oıata ǵoı, — deıdi.

Túlki qýanyp ketip, bıiktegi taýyqty jeı almasam da jerdegi taýyqty jeımin ǵoı, — dep júgirip barsa, bir tazy uıyqtap jatyr eken, tura túlkini qýady. Túlki qasha jóneledi, taýyq ony namazǵa shaqyrady: «Baıtal túgil bas qaıǵy». Tazy túlkini qýyp jetip, alqymynan alady. «Bireýge or  qazba, óz basyńa keler» degen. Iapyrmaı, taýyq qandaı, túlki qandaı, túlkini taýyq pa edi aldaǵandaı.

---