Men kórdim qyzyl gúldi túsi ketken,
Táninen álsizdenip kúshi ketken.
Maǵlum bir túıtkil bolyp kópten,
Sol túıtkil qazir oǵan kelip jetken.

Tolyp turǵan keýdeleri ot pen jalyn:
Esitip tura almastaı aıtqan zaryn.
Ańǵarttym bir-eki aýyz sóz mazmunyn,
Bildirip zarlaǵan soń maǵan halin,

Túskendeı bastaryna qalyń tuman,
Taǵdyrda jazylǵan soń osy... plan.
«Jazmyshtan ozmysh bolmas» degen sózge,
Bolsa da túsedi eken saıyp qyran.

Toltyrǵan qandy jasqa eki kózin,
Aıadym ishim erip onyq ózin.
Bir-eki nazymmenen men óteıin
Janymnyń jan dosty dep aıtqan sózin.

Kelmesteı túndegi uıqy, batpastaı as,
Taǵdyrǵa bas ıgen soq shyn gaýhar tas.
Kóp jazyp keńilińdi aýyrtpaıyn
Sonda da dostyń syry dostyna pash.

Qazaqty namys degen tentiretken,
Partıa, daý men janjal túpke jetken:
Namyspenen janyna qaıǵy shashyp,
Eginin orsyn endi, qoldan ekken.

Túser dep sizge qapa, kep jazbadym,
Sonda da, tipti, bosqa tek jazbadym.
Dármen joq is ótken soq ne shara bar,
Qur oıbaı paıda bermes dep jazbadym.

---