InfoHub Logo

Ortańǵy topqa uıymdastyrylǵan ashyq oqý is - áreketi
Taqyryby: “Túımedaqqyz ben elf dostarynyń sıqyrly álemi ” Bilim berý salalary: «Tanym», «Shyǵarmashylyq» Bólimderi: “Qorshaǵan ortamen tanystyrý”, “Mýzyka” Maqsaty: Balalarǵa ertegi arqyly mýzykalyq kompozısıamen baılanystyryp estetıkalyq tárbıe berip, shyǵarmashylyq qabiletterin arttyrý, mýzykalyq yrǵaqty qıalyn damytý, elestetý arqyly artıkýlásıalyq gımnastıkany jáne qol matorıkasynyń qımyl áreketterin damytý.

V. Shaınskııdiń “Ýlybka” ánine balalar zalǵa kiredi, sheńber boıymen kishkene júrip turady. Shattyq sheńberi: Araılap atqan tańymyz, Qaıyrly bolsyn kúnimiz. Shýaqty kúnniń sáýlesi Jaınasyn búgin jarqyrap! Mýzyka jetekshisi:- Balalar, biz qos tilde amandasa bilemiz be? - Iá, sálemetsiz be! zdravstvýıte! «Zdravstvýıte» mýz Kartýshındiki. (Balalar ándetip amandasyp shyǵady.)
Mýzyka jetekshisi:-- Balalar, sender ǵajaıyp sátterge senesińder me? (balalardyń jaýaby) - Búgin men senderdi tańǵajaıyp gúlder álemine shaqyrǵym kelip otyr, myna sıqyrly gýlder bizdi tez - aq jetkizedi. ( Balalar gúlderge otyrady.) - Gúlder, gúlder Ádemi gúlder Sender bizdi Tańǵajaıyp gúlder álemine jetkizińder! (balalar kózderin jumady, mýzyka oınalady, kózderin ashady alaqandaryn sozyp keriledi. )
İ Mýzykalyq - yrǵaqty qımyldar qıalyn damytý, elestetý. (G. Gladkovtyń «Dobraıa feıa» mýzyka áýenine balalar mýzykalyq yrǵaqty qımyldar jasaıdy.) 1 - qımyl – gúl uıyqtap jatyr. 2 - qımyl – gúl oıanady. 3 - qımyl – gúl ashylady. 4 - qımyl – gúl ósedi. 5 - qımyl – jaıqalyp bıleıdi.

Mýzyka toqtaǵanda, balalar sharftyń ishindegi jyltyrlardy jeńil názik qımyldarmen jan - jaǵyna shashady. - Mine balalar bárimiz ǵajaıyptar álemine keldik, al mynaý eń ádemi gúl. (zaldyń ortasynda úlken gúl ornalasqan, japyraqtary lentamen baılanǵan.)
- Balalar, gúl ishinde bireý bar sıaqty, kim eken? Lentany sheshken kezde ishinen kóńilsiz túımedaqqyz shyǵady.
İİ Balalardyń qıalyn damytý.
- Balalar túımedaqqyzdyń kóńilin mýzyka arqyly ajyratyp kóreıik. (kóńilsiz áýen estiledi) Balalardyń jaýaby: - Kóńilsiz, muńly. (bet álpetinen baıqaıdy)
- Túımedaqqyz dostarynyń úıin búıe urlap ketkendigin aıtyp, kómek suraıdy.
- Biraq qaıdan izdeımiz, qaıda baramyz? Shyrshada qonyp otyrǵan kókekten kómek suraıdy. (Kókek shyrshanyń tómengi jaǵynda qonyp otyr)
İİİ Daýystaryn keltirý - Tomarshaqtyń artynda izdegen gúlderińdi tapsyrma arqyly tabasyńdar. (taqtada úsh túrli bıiktiktegi tomarshaqtyń sýreti ornalasqan) - Myna tapsyrmany oryndaý úshin esimizge túsireıikshi, balalar neshe regıstr bar?
- Úsh regıstr bar: tómen, ortasha, joǵary. - Durys balalar, endeshe regıstrdi mýzyka arqyly ajyrataıyq. «Kókek» daýys jattyǵýy kókekti ándetip joǵaryǵa shyǵýǵa kómektesedi Úntaspadan shyqqan mýzyka dybysyn ajyratyp tomarshaq bıiktigimen salystyrady. Tomarshyqtardyń astaryn, ashyp qaraıdy
İV Mýzykanyń dybys joǵarylyǵyn ajyrata bilý qabiletin damytý. Tomarshaq artyndaǵy gúl ústinde búıe otyrady.
- Mine balalar bizdiń Túımedaqqyzdy renjitken keıipkerdi taptyq. (búıe gúldiń ústinde renjýli, ashýly otyr) - Bárimiz ashýly búıeni bet qımylymen salyp, al qol matorıkasy arqyly órnegin kórsetemiz.
V Bet qımylymen jáne qol matorıkasynyń qımyl áreketterdiń qabiletin damytý. - Mynaý ne balalar? - Til - Tilimizdi búıe dep elesteteıikshi. Artıkýlásıalyq gımnastıka jasaý «Tilimiz – búıemiz» - Balalar búıe maǵan kelesi gúlderińdi tapqylaryń kelse, gúlbaqtan izdeńder deıdi, jolymyz kóńildi bolý úshin dostar týraly án oryndaıyq, dostarymyz kóp bolsa, qıyndyqtardy, dushpandardy jeńip shyǵamyz. Án: «Dostarym»
Vİ Rıtmıkalyq yrǵaqty kartochkalar arqyly balanyń deńgeıin damytý. (molbertte attyń, kirpiniń, tıinniń, aıýdyń, jolbarystyń kartochka sýretteri bir - birden ashylady.) - Óte jaqsy, endeshe sender muqıat tyńdańdar, men bir ańnyń mýzykasyn úntaspaǵa qosamyn, al sender qaı ańnyń áýeni ekenin aıyryp berińder, sol ańdar gúlderimizdi tyǵyp otyr. ( Balalar ańdardyń atyn atap jáne býynǵa bólip shapalaqtaıdy.
Balalar maldasyn quryp, qoldaryn tizelerine qoıyp, saýsaqtaryn bir - birine qosyp, kózderin jumyp mýzyka tyńdaıdy. - Balalar qalǵan gúlderimiz ózenniń ar jaǵynda eken, ózenimiz jaı ózen emes sıqyrly, ózin maqtaǵandy, mýzykasyn tyńdap elestetkendi jaqsy kóredi.

Vİİ Tyńdaý – mýzykalyq shyǵarmanyń minezin anyqtaý. Mýzyka: K. Sen - Sansa «Akvarıým» - Mine balalar mýzykany tyńdaý arqyly qalǵan gúlimizdi taptyq, Túımedaqqyzǵa jáne onyń dostaryna kómektestik. (Sıqyrly áýen estiledi, sol kezde kishkene Elf – kóbelekter keledi ) - mine olarda kelip qaldy, qane balalar elfterdi gúlderine ornalastyraıyq. Mýzyka jetekshisi kishkene kóbelekterdi balalarǵa úlestiredi. Balalar alańdaǵy gúlderge kóbelekterin ornalastyryp qoıady. Túımedaqqyz alǵysyn bildirip, mýzyka aspaptarynyń kartochkalaryn balalarǵa syıǵa tartady.
Mýzyka jetekshisi: Ertegi álemine kesh batty Qarańǵy tún jerimdi japty Ertegi tynysy maýjyratyp Kóbelekter ketti uıqyǵa batyp Olarǵa da ǵajaıyp tús ensin - Balalar senderge oqý is - áreketimiz unady ma? Nemen unady? (Balalar alǵan áserlerimen bólisip, óz oılaryn ortaǵa salady.) - Balalar maǵan da sendermen óte qyzyqty boldy. Kelesi joly senderdi jańa ertegi álemi kútedi. Saý bolyńdar! Balalar kóńildi mýzyka men zaldan shyǵyp ketedi