Tuzdap qoıǵan ba?
Bizge kórshiles elde bir ataqty adamǵa as berildi. Sodan qaıtar jolynda bizdiń eldiń bir top jigitteri Aqbeket posel- kesin jaǵalaı ótedi. Bular kele jatqan joldyń jıeginde poselke turǵyndarynyń baqshasy bar eken. Qarbyz, qaýynnyń pisken kezi, attan túsip nemese eńkeıip alýǵa bolmaıdy. Baqsha ishinde myltyǵyn kezenip kúzetshi otyr.
Jigitter kúzetshiniń kózin boıaýdyń amalyn tabady. Árqaısysy qolyna quryqsha alyp, onyń bir ushyn ushtaıdy da, kishkene qarmaqsha jasaıdy. At ústinde otyryp, sol qarmaqty quryqshamen qarbyz, qaýyndardy ilip alady. Muny kúzetshi sezbeıdi.
Top ishinde iste paryqsyz, sózge ańqaý jigit Erjikuly Bazarbek bar eken. Ol quryqshasymen domalaq ósimdikterdiń bireýin alady da, eriniń basyna uryp jarady. Asta etti molyraq jep, shólirkep kele jatqan Bazkeń aýyz toltyra jeı bastaıdy. Dámi qarbyzǵa da, qaýynǵa da uqsamaıdy, kermek bolyp shyǵady. Sonda: «Myna eneńdi uraıyn, tuzdap qoıǵan ba?!» deıdi Bazkeń. Ańqaý sabaz jerden ilip alǵany qarbyz, ıa qaýyn dep oılapty. Sóıtse, ol kermek dámdi asqabaq eken.
You Might Also Like
-
Altybasar poselkesi alǵash ornaǵan jyldarda kórshiles qazaqtar poselok turǵyndarymen tanysyp, sharýashylyq jóninde birimen-biri ózara baılanys jasaı bastady.
-
Erterekte Myrzataı Qarnaqtaǵy dinı medresede oqyp, ony bitirgennen keıin Esil boıyndaǵy Tineı, Seıit eline keledi. Onda medrese ashyp, jastardy oqytady. Sonyń nátıjesinde «halpe» atanady.
