InfoHub Logo

Sabaqtyń taqyryby: Ul bala men qyz bala
Sabaqtyń maqsaty: Ul bala men qyz bala arasyndaǵy syılastyq týraly túsinik qalyptastyrý
Oqýshylardyń ózara syılastyq qarym – qatynastaryn damytý

Oqýshylardy ınabattylyqqa, dostyqqa, syılastyqqa tárbıeleý
Kórneki quraldar: Úntaspa, dápter, oqýlyq, eki plakat, marker.
Shattyq sheńberi: Balalar sheńber quryp turady, bir - birimen sálemdesedi, birge án salady.
Biz - týǵan el balasy
Sózin jazǵan: Q. Ydyrysov
Ánin jazǵan: K. Qýatbaev
Asyr salǵan talasyp, Otanym keń kósilgen,
Biz - týǵan el balasy Tósinde yrys tógilgen.
Qandaı baıtaq Otanym, Qaptaǵan mal, alyp dán,
Jan - jaǵyńa qarashy. Bári meniń nesibem.
Bárin kórip kelemiz,
Bolashaqqa senemiz.
Jaqsy oqýmen, eńbekpen,
Bizder jaýap beremiz.
Úı tapsyrmasyn suraý:
- Balalar úıge qandaı tapsyrma berildi?
- Ótken taqyryptardy qaıtalaý
- Merekelik kesteni kim aıtyp bere alady?
-«Qyzǵanyshtyń kesiri» mátininen túsingenińdi aıtyp ber?
- «Birlik» týraly áńgimeden ne túsindiń? jáne sol taqyryptyń dáıeksózin jatqa aıt.

Áńgimelesý:
- Ul bala men qyz balanyń boıynda qandaı qasıetter bolýy kerek?
- Ul bala men qyz bala arasyndaǵy dostyq degendi qalaı túsinesińder?
Jaǵdaıattardy taldaý
1 - jaǵdaıat: Sanjar men Samal synypta qatar otyrady. Sózge talasyp qalǵan Sanjar Samalǵa dóreki sóz aıtty. Samal jylap jiberdi.
- Sanjardyń áreketi týraly óz pikirlerińdi bildirińder.
2 - jaǵdaıat: Synyp jetekshisi oqýshylarǵa synyp bólmesin jýyp, tazalaý kerektigin aıtyp, tapsyrma berdi. Sultan:- Bólmeni jýý qyzdardyń jumysy emes pe?! Men istemeımin.- dedi.
- Sultannyń ornynda bolsańdar, sender ne istegen bolar edińder?
3 - jaǵdaıat: Álıany júgirip kele jatqan Ǵalym baıqamaı qaǵyp, toqtamaı óte berdi. Yza bolǵan Álıa Ǵalymdy ıterip jiberdi, otyra qalyp jiberdi.
- Álıa men Ǵalymnyń ornynda bolsańdar, qandaı sheshim qabyldar edińder?
4 - jaǵdaıat: Jánıa aýyr oryndyǵyn áreń degende kóterip kele jatty. Sáken oǵan járdemdesti. Jánıa úndemegen kúıi synyptan shyǵyp ketti.
- Sáken men Jánıanyń ornynda bolsańdar, ne ister edińder?
- Oqýshylar, óz oılaryńdy erkin jetkize alǵandaryńa men qýanyshtymyn. Synyptas dosyńa, ol ul bolsyn, ne qyz bala bolsyn dóreki sóz aıtý, mynaý qyzdyń jumysy, mynaý uldyń jumysy dep bólý, ol qyz ǵoı nemese ol ul ǵoı dep, keshirim suramaý ádeptilikke jatpaıdy.
Mátinmen jumys: «Kimniń jumysy» T. Dáýrenbekov
Oqýshy oqyp shyǵady. Muǵalim suraqtar qoıý arqyly balalardyń bilimin baıqaıdy.
- Qyz bala men ul bala ózara syılastyqqa qalaı qol jetkizdi?
- Osy áńgimeden qandaı qorytyndy shyǵarýǵa bolady?
- Qyz bala men balanyń ózara syılastyǵy týraly ne aıta alasyńdar?
- Ul bala men qyz balanyń dostyǵy degende neni túsinesińder?
- Durys aıtasyńdar. Mektepte qyzdar da, uldar da birdeı bilim, tárbıe alady, «oqýshy» mártebesi bárińe ortaq. Synypta tatý - tátti bolyp, syılastyqty qarym - qatynas jasaı bilý - ádeptiliktiń bir belgisi. Tek mektepte ǵana emes, aýlada da kórshilerińmen ul, qyz bolyp syılasyp, dos bola bilgen jón.

Shyǵarmashylyq jumys:
Oqýshylardyń ul bala men qyz bala arasyndaǵy syılastyq qarym - qatynastaryn damytý maqsatynda shyǵarmashylyq jumys uıymdastyrylady.
Uldarǵa: «Qyz balanyń boıynan qandaı jaqsy qasıetterdi kórgiń keledi?»
Qyzdarǵa: «Ul balanyń boıynan qandaı jaqsy qasıetterdi kórgiń keledi?»
Mysaly: Qyz bala: ádepti, sulý, názik ınabatty, aqyldy, ádemi, meıirimdi, uqypty t. b Ul bala: ádepti, batyl, erjúrek, qaıratty, shydamdy, ádil, aqyldy, bir sózdi t. b

Dáıeksóz:
«El ulymen berik, qyzymen kórik» ıaǵnı qazaq halqy ul dúnıege kelgende el qorǵaıtyn azamat týdy dep maqtanyp, masattanady. Sondyqtan da ul balany asqar taýǵa, alynbas qamalǵa, almas qylyshqa, qaıratty búrkitke teńeıdi. Batyrlardyń kópshiligi uldardan shyqqan. Qobylandy batyr, Alpamys, Raıymbek, Abylaı, Syrym jáne t. b. Qyzdardan shyqqan batyr bolsa, halyq olardy er minezdi deıdi. Al qyz dúnıege kelgende elge, ómirge kórik berer qyz týdy, dep máz - meıram bolady. Óıtkeni qyz bala tán sulýlyǵymen ǵana emes jan sulýlyǵynyń baılyǵymen ómirdi mándi de, sándi etedi. Olardy gúlge, kúnge, aıǵa teńeıdi. Danalyqtary erlerden kem túspegen qyzdar da joq emes. Mys: Uldaı han, Qarashash sulý, Aısha bıbi, Domalaq ana jáne t. b

Oıyn:
Uldardyń qyzdar týraly, qyzdardyń uldar týraly jaqsy oılaryn bilý maqsatynda «Eger ul bolsam....., eger qyz bolsam...» atty oıyn uıymdastyrylady.
Oqýshylar kezektesip ul bolsa «eger men qyz bolsam» degendi jalǵastyryp aıtady, qyz bolsa «eger men ul bolsam..»degendi óz oıymen jalǵastyryp aıtady. Aıta almaı qalǵan oqýshy aıyp tartady.

Kútiletin jaýaptar:
Egen men ul bolsam elimdi qorǵaımyn, qyzdarǵa kómektesemin, qyzdardy eshqashan renjitpeımin, qyzdarǵa aýyr sóz aıtpaımyn jáne t. b
Eger men qyz bolsam óte taza júremin, dóreki sóz aıtpaımyn, daýysymdy kóterip sóılemeımin, adamdardyń bárine qýanysh syılaımyn, bárine meıirimmen qaraımyn, uldarǵa kómektesemin, uldarmen qyz balamen dostasqandaı dostasa alamyn, uldardy syılaımyn jáne t. b

Dáptermen jumys:
Tapsyrma: Dápterde berilgen ul bala (Alpamys) pen qyz balanyń (Mahabbat) sýretteriniń jan - jaǵyna «Men qandaımyn?» degen suraqqa jaýap jazyńdar.

Mys: súıkimdi, kórikti, uqypty, batyl, kópshil, meıirimdi, ádepti, shynshyl, názik jáne t. b
Júrekten - júrekke
Bir ul, bir qyz bolyp aralasyp sheńber quryp turady. Qatar turǵan kórshisine «Men seni syılaımyn, senimen dostasqym keledi»dep, onyń qolyn qysady. Sońǵy oqýshyǵa jetkenshe osylaısha jalǵasady.
E. Ótetileýovtiń «Ul bala men qyz bala» atty óleńin bári birge aıtady.
Ul bala men qyz bala
Úıge birge qaıtady
Bir mektepte oqıdy.
Bar syrlaryn az ǵana
Ulǵa da ortaq, qyzǵa da
Bir - birine aıtady.
Bilimdi oıǵa toqıdy.
Ul bala men qyz bala
Ul bala men qyz bala
Túsinisti, dostasty.