InfoHub Logo

Taqyryby: «Uly jeńis jasasyn!»
Maqsaty: Oqýshylardy adamgershilikke, otanyn súıýge, ony qorǵaýǵa baýlý. Otanǵa degen súıispenshiligin arttyrý. Olarǵa patrıottyq tárbıe berý. Oqýshylardy Uly Otan soǵysymen, qazaqstandyqtardyń erlik isterimen tanystyryp, oı - órisin damytý. Oqýshylardy úlken adamdardy syılaı bilýge, olardy qadirleýge tárbıeleý.
Kórnekiligi: úntaspa, Uly Otan soǵysy týraly kitaptar, gúlder, sharlar.
Túri: kezdesý
Barysy:
Bólme ishin bezendirý. Mýzyka oınap turady.
Tarıh keshi únemi jańalanyp otyrady. Dese de umytylmaıtyn, eskermeıtin tarıhı oqıǵalar bolady. Sonyń bári álemdi dúr silkindirgen ekinshi dúnıejúzilik soǵystyń qasireti men Uly Jeńistiń qasıetiń batyr aǵalarymyz ben apalarymyzdyń erligin eshkim de eshqashan umytpaq emes. Álemdi dúr silkindirgen oqıǵa 1941jyly maýsymnyń 22 - de bolǵan edi. Biraq sol kezdegi Keńes eliniń birligi men dostyǵynyń arqasynda 1945 jyly 9 - mamyrda buǵa Uly Jeńispen aıaqtaldy. Mine, sodan beri 71 jyl merzim ýaqyt ótti. Bıyl Uly Jeńistiń 71 jyldyǵy.
Úntaspadan tyńdaý: Tyńdańyzdar, tyńdańyzdar! 1941 jyly 22 - maýsymda tań shapaǵy jańa ǵana araılanyp kele jatqan kezde elimizge qaýip tóndi. Halqymyz adam aıtqysyz qıyn - qystaý kezeńge dýshar boldy. Fashısik Germanıa elimizge opasyzdyqpen basyp kirdi. Soǵystyń alǵashqy kúnderinen bastap - aq Keńes halqy jan tánimen Otanyn qorǵady. Árbir selo, árbir qala úshin keskilesken urys boldy. Qanisher nemis basqynshylarymen Keńes azamattary aıanbaı shaıqasty.
Oqýshy:
Soǵys jalmap aǵa - ini baýyrdy,
Zar jylatty tynysh jatqan aýyldy.
Jalǵyzynan aıyrypty anany,
Ákesinen aıyrypty balany.
Osy soǵysta Keńes odaǵynyń basqa respýblıkalarymen birge bizdiń Qazaqstan Respýblıkasy da jan aıamaı shaıqasty. Dańqty qarýly kúshterdiń jáne eńbek armıasynyń quramynda 1 mln 870 myń qazaqstandyqtar bolǵan.
At aýyzdyǵymen sý ishken, er etegimen sý keshken surapyl soǵysta erlermen birge qoldaryna qarý alyp, Otanyn qorǵaýǵa bizdiń batyr apalarymyz Shyǵys juldyzdary Álıa Moldaǵulova men Mánshúk Mámetova erlik kórsetip, batyrlyqpen qaza tapty.
- Iá, keýdesin oqqa tósegen qazaqtyń qarapaıym qyzy Mánshúk qas dushpanynan elin qorǵaǵan edi. Ol anasyn, týǵan jerin qatty saǵynǵanda, qoly qalt bosaǵanda anasyna jazǵan saǵynysh hattary bir tolastaǵan emes.
Mánshúktiń hatyn oqý. (oqýshy)
«Álıa - Mánshúk» (taqpaq).
- Iá, surapyl soǵys eshkimdi aıamady. Ana jarynan aıyryldy, bala ákesinen aıyryldy. Biraq úmit oty esh óshken joq. Bala ákesin kúte berdi, kúte berdi.
Soldattar jaraly maıdannan oralady.
Ajal bop tóngen jaýyna,
Daýyldy kóktiń qyrany.
Oraldy Alataýyna,
Erliktiń ójet bir áni.
Tańǵaltqan batyrlyqtarymen,
Tarlanboz batyr aǵalarymyz.
Radıo sóıleıdi. 1945 jyl.
(Barlyǵy ýlap - shýlaıdy, qushaqtasady).
Dúnıe júzi halqy bostandyq aldy. Halyq Otan uǵymyń tereń sezine tústi. Qaharman erlik pen eńbek jeńip shyqty. Zulymdyq, basqynshylyq tize búkti. Birlik, erlik, halyqtar dostyǵy nyǵaıa tústi. Bizdiń Otanymyz - Qazaqstan.
Búgingi Qazaqstan dúnıe júzindegi kóptegen memleketter tanyǵan el. Onyń óz Eltańbasy, Týy, Ánurany bar. Elimiz óz egemendigin, táýelsizdigin 1991 jyly 16 – jeltoqsanda aldy.
Oqýshy:
Táýelsizdik kindigin
Kesken halyq birligi.
Yntymaǵy barsha ulttyń
Nuryn shashqan kún búgin.
(Eskertkish. Ana gúl qoıady. Eki qyz bala).
Uly Otan soǵysyna qatysqan: Baýyrjan Momyshuly, Mánshúk Mámetova, Álıa Moldaǵulova, Málik Ǵabdýllın, Talǵat Bıgeldınov t. b. óz jerlesterimiz: Týlaqbaev Aron ata, Aıapbergenov Qamesh ata.....
Ol kisilerge qurmetpen bas ıemiz. Al osy beıbit ómirge jete almaǵan, erlikpen qaza tapqan aǵalarymyz ben apalarymyzdyń rýhyna bas ıip, eske alaıyq. 1 mınýt eske alý.