InfoHub Logo

Leonard Eıler
(1707-1783)
XVIII ǵasyrdyń uly matematıgi. Shveısarıada týǵan. Uzaq jyldar Rossıada turyp, jumys istegen, Peterbýrg ǵylym akdemıasynyń múshesi. Eılerdiń zor ǵylymı muralary matematıkalyq analızge, geometrıaǵa, sandar teorıasyna, varıasıalyq esepteýge, mehanıkaǵa jáne basqa matematıkanyń qosymshalaryna qatysty alǵan tamasha nátıjelerden turady.

Rene Dekart
(1596-1650)
Fransýzdyń uly fılosofy, matematıgi. Analıtıkalyq materıany jasaýshylardyń biri. Aınymaly shamalar uǵymyn engizgen. Onyń ıdeıalary kóptegen óziniń izbasarlaryn – «kartezıanshylardy» (Dekarttyń latynsha aty – Kartezıı) tapty. Negizgi eńbekteri – «Geometrıa», «Rassýjdenıe o metode».

Isaak Núton
(1643-1727)
Aǵylshynnyń uly ǵalymy. G.Leıbnıspen bir mezgilde matematıkalyq analız negizderin jasady. Klasıkalyq mehanıkany jasaýshy. Nútonnyń asa kórnekti jańalyqtary optıkaǵa, fızıka men matematıkanyń basqa da salalaryna jatady. Onyń eń basty eńbegi – «Matematıcheskıe nachala natýralnoı fılosofıı» - tabıǵat jónindegi ǵylymdardyń damýyna asa úlken yqpal etti.

Leıbnıs Gotfrıd Frıdrıh
(1646-1716)
Nemistiń uly ǵalymy. Fılosof, matematık, fızık, ıýrıst, til zertteýshi. Matematıkalyq analızdi qurýshy (Nútonmen qatar). Úlken matematıkalyq mekteptiń negizin salýshi. Leıbnıs ıdeıalary matematıkalyq logıkanyń damýyna zor yqpal jasady.
Ferma Per
(1601-1665)
Fransýz matematıgi jáne ıýrısti. Óz zamanynyń iri matematıkteriniń biri. Ferma sandar teorıasy salasynda da kórnekti jumystar istedi. Analıtıkalyq geometrıany quryp, sol arqyly asa úlken nátıjelerge qol jetkizgen.

Koshı Ogústen Lýı
(1789-1857)
Fransýzdyń kórnekti matematıgi. Analız salasyndaǵy birqatar tamasha teoremalardy, kompleksti aınymalyly fýnksıalar teorıasyn, dıfferensıaldyq teńdeýler teorıasyn jáne t.b dáleldedi.

Georg Kantor
(1845-1918)
Nemis matematıgi. Kantordyń ıdeıalvry men jumystary matematıkanyń tutas damýyna, onyǵ negizderin túsinýge zor yqpal etti. Sheksiz jıyndar teorıasyna, naqty sandar teorıasyna qatysty birqatar tamasha nátıjelerge qol jetkizdi.

Veıershtrass Karl Teodor Vılgelm
(1815-1897)
Matematıkanyń ár túrli salalarynan klasıkalyq teoremalardy dáleldegen nemis matematıgi. Veıershtrasstyń matematıkalyq analızdi negizdeý jónindegi jumystary, shyn máninde, syndarly qatań teorıa qurýdy aıaqtady.


Rıman Georg Frıdrıh Bernhard
(1826-1866)
Nemis ǵalymy, HİH ǵasyrdyń iri matematıkteriniń biri. Sandar teorıasy men kompleks aınymalysy bar fýnksıalar teorıasynda tamasha jańalyqtar ashty. Evklıdtik emes jańa geometrıanyń negizin saldy, ol rımandyq geometrıa dep atalady. Koshı alǵan nátıjelerdi jalpylaıtyn ıntegral teorıasyn jasady.

Pafnýtıı Lvovıch Chebyshev
(1821-1894)
Orys matematıgi jáne mehanıgi. Onyń álemge tanymal zartteýlerifýnksıalardyń kópmúshege jýyqtaý teorıasyna («Chebyshev kópmúsheleri» eń jaqsy jýyqtaý) ıntegraldyq esepteýge, yqtımaldyqtar teorıasyna, mehanızmder teorıasyna qatysty.

Djon Neper
(1550-1617)
Aǵylshyn matematıgi. Logarıfmderdi oılap tapqan, matematıka qosymshalarynyń damýyna zor yqpal etken jáne kóptegen urpaó eseptegishteriniń jumysyn jeńildetetin tuńǵysh logarıfmder kestesin qurǵan.