InfoHub Logo

Ál - Farabı atyndaǵy Qazaq Ulttyq ýnıversıtetiniń fılologıa jáne álem tilderi fakúlteti, jalpy til bilimi jáne Eýropa tilderi kafedrasy, aýdarma isi mamandyǵynyń 1 kýrs stýdenti t. ǵ. d profesor Qozybaqova F. A ǵylymı jetekshiligimen Qurmanbekqyzy Aqnıet.

Uly otan soǵysynyń batyrlary.
Búginde ekinshi dúnıejúzilik soǵystyń aıaqtalǵanyna 75 jyl tolyp otyr. Tarıhymyzda erekshe oryn alǵan, jer anamyzdyń betine qandardyń tógilýine sebep bolǵan, qanshama otbasynyń qara jamylýyna túrki bolǵan ekinshi dúnıejúzilik soǵys Amerıkadan basqa barlyq el úshin qıyn kezeńder bolǵany aqıqat. Uly otan soǵysy jyldary týraly jazylǵan kez - kelgen shyǵarmany oqyǵan saıyn kózimizge eriksiz jas keletini belgili. Áli kúnge deıin Saıyn Muratbekovtyń "Jabaıy alma", Shyńǵys Aıtmatovtyń "Qus joly", Ǵabıt Músirepovtyń" Qazaq soldaty", Márıam Hakimjanovanyń " Mánshúk" jáne taǵy basqa kóptegen shyǵarmalardy oqyǵan saıyn júregimiz dúrsilde shyǵarma keıipkerlerimen birge kúlip, birge qaıǵyramyz. Árıne, sol jyldary jazylǵan kitaptardyń ishinde baqytty sátterge qaraǵanda, qaıǵyly, qıynshylyq kezder basymyraq. Barlyǵymyz biletindeı qazaq elinen soǵysqa attanǵandar sany, qaza tapqandar jáne tiri qalǵandar sany áli kúnge deıin naqty emes. Táýelsizdik úshin soǵysqa attanǵan ata - babalarymyzdyń aty – jónderi de tolyq derekter joq. Degenmen de, osyndaı shyǵarmalardy oqyǵan soń, tarıh derekteri boıynsha bolǵan oqıǵalardy izdengen soń biz kez - kelgen sol jyldary ómir súrgen adamdardy - "batyr"dep ataı alamyz. Sebebi: ol kezde er azamattar qarý asynyp soǵysqa ketse, analarymyz men kishkentaı balalar, qarttar soǵystaǵy áskerdiń azyq - túlegi men kıim - kesheginiń sapaly bolýy úshin aıanbaı eńbek etti. Mysaly, Qazaqstan jerinen oq dáriler, maqtalar, jemis - jıdekter, kókónister, arpa, bıdaı, un, qant, júgeri, et jáne taǵy da basqa kerekti materıaldar jiberilip otyrdy. Soǵysqa qarý alyp soǵyspasa da, óz jerinde Táýelsizdik úshin ash bolsa da, baryn bergenderi úshin kez - kelgen qazaq azamatyna batyr ataǵyn berýge bolady.
Eger dál qazir 2020 jyly elimizde bolyp jatqan pandemıa men 1945 jyly bolǵan soǵysty salystyratyn bolsaq, uqsastyqtardy taba alamyz. Sebebi ekeýinde de aıtyp kelmeıtin - ólim qorqynyshty. Soǵysqa ketken adamnyń aman - saý keletindigi nemese kelmeıtindigi bir Jaratýshyǵa ǵana aıan. Dál qazir sol sekildi vırýsty juqtyrǵan adamnyń saýyǵyp ketýi belgisiz. Qazir bolyp jatqan jaǵdaıdyń da, tarıhta úlken oryn alatyndyǵy anyq. Al, burynǵy biz úshin janyn qıyp soǵysqa attanǵan batyrlarymyzǵa qaraǵanda bizdiń jaramyz jeńil. Sebebi, dál qazirginiń batyrlary eń birinshi orynda dáriger, ustazdar jáne polıseıler. Olar el tynyshtyǵy úshin óz ómirlerine qaýip tónýi múmkin bolsa da, halqymyzdyń amandyǵy úshin uıyqtamaı qyzmet etýde. Al, biz jastar osyndaı elimizge kelgen qıyndyqqa bilim alý arqyly úles qosa alamyz. Kez - kelgen mamandyqtyń sheberi bolý úshin bilim kerek. Bilimimizben myńdy jyǵaıyq. Bizge eki oqıǵaǵa da úlgi bolatyn Baýyrjan Momyshulynyń mynandaı sózi bar" Erlik – tabıǵat syıy emes, sanaly áskerı tárbıeniń jemisi, Otan aldyndaǵy qasıetti paryzyńdy oryndaý úshin adamzattyń eń asyl sezimimen jigerlenip, ózińdi sanaly túrde qaýip - qaterge bas tigýge májbúr etýdiń nátıjesi." Biz de, bolashaq Qazaqstanymyz úshin eńbek eteıik!