InfoHub Logo

2021 jyldyń 16 sáýirinde Ál-Farabı atyndaǵy Qazaq Ulttyq ýnıversıtetiniń fılosofıa jáne saıasattaný fakúltetiniń  stýdentterimen (uıymdastyrýshylar G.Qozǵambaeva, ıslamtaný mamandyǵynyń 1-shi kýrs stýdentteri) onlaın formatynda ult maqtanyshy Álıhan Bókeıhanov týǵanyna 155 jyl tolýyna oraı arnaıy tárbıe saǵaty ótkizildi.

Asa kórnekti memleket jáne qoǵam qaıratkeri Á.Bókeıhanov  XX ǵasyrdyń  I-jartysynda qazaq dalasynda keńinen qanatyn jaıǵan ult-azattyq «Alash» qozǵalysynyń negizin qalaýshy , ári jetekshisi, Alashorda ulttyq avtonomıasy Halyq keńesiniń tóraǵasy bolǵan.

İs-shara barysynda stýdentter Álıhan Bókeıhanovtyń ómiri men eńbek jolyn, elge táýelsizdik jolynda sińirgen eńbegi men qyzmetine jekeleı toqtalyp ótti.  Sonymen qosa, uly tulǵaǵa arnap arnaý óleńderdi de shyrqaı ketti. Kóp qyrly talant ıesi Álıhan Bókeıhanovtyń jazba muralary az emes, alaıda solardyń ishinde, bizdiń nazarymyzdy erekshe aýdarǵan bir shoǵyry qanatty sózderi dep aıtýǵa bolady. Bar ómiri halyq qamyn oılaýmen qaıratkerdiń qanatty sózderindegi táýelsizdik taǵylymy bizdiń nazarymyzdy erekshe aýdartty. Ótken ǵasyrdyń bas kezinde halqymyzdyń san alýan problemalary bolǵan shyǵar, alaıda eń bastysy bostandyq jolyndaǵy kúres edi. Ulttyń qamyn oılap, basyn báıgege tigip kúresken azamattyń ár kezderi, ár jyldary aıtqan qanatty qaǵıdattarynyń da búgingi jas urpaq úshin, táýelsiz qazaq eli úshin berer ǵıbraty mol dep oılaımyz. Bilim kenishi mol, kórgen-bilgeni, oqyǵan-toqyǵany kóp Álıhan atamyzdyń keıingi urpaqqa qaldyrǵan qanatty sózderiniń taqyryby ár alýan. Búgingi maqsatymyz qaıratker tulǵanyń el, jer, til taǵdyry jaıyndaǵy tolǵanystary, azattyq, bostandyq, teńdik, táýelsizdik jaıyndaǵy tebirenisteri tóńireginde ǵana oı sabaqtaǵandy jón dep taptyq.

Qorytyndalaı kele, uly baba amanatyna ǵasyrlar boıy júrgizgen kúrestiń nátıjesinde qazaq halqy 1990 jyldary ǵana qol jetkizdi, taza jolmen týra jolǵa bastaıtyn Tuńǵysh Prezıdenti N.Á.Nazarbaevpen birge azattyq aıdynyna shyqty. Kósh túzeldi, el egemendigi baıandy bolyp keledi, ǵumyr boıy kúresti kúnderdi basynan ótkizgen Bókeıhanovtyń týǵanyna bıylǵy jyly 155 jyl tolyp otyr. Rýh maıdanynyń shyn mánindegi kúreskeri bolyp ómirden ótken aıaýly jannyń týǵan halqynyń qamyn oılap aıtqan qadaý-qadaý qaǵıdattary jaıynda ǵana oı bólistik. Tanymy mol, taǵylymy tereń oılardyń berer ǵıbraty keshe men búginniń, erteńgi bolashaqtyń jemisi bolyp táýelsiz urpaqtyń sanasynda máńgi jańǵyrary haq.

 

---