InfoHub Logo

Synyby: 6
Taqyryby: Ustaz aty - bıik ári máńgilik
Maqsaty: Oqýshylardy ardaqty da aıaýly ustazdaryn qurmetteýge, syılaı bilýge, úlgi tuta bilýge úıretý, adamgershilikke, súıispenshilikke tárbıeleý.
Sabaq tıpi: ashyq tárbıe saǵaty
Kórnekilikter: taqyryp jazylǵan plakat, ustazdar týraly qanatty sózder, prezentasıa, sharlar, ashyq hattar.

Barysy:
Muǵalim:«Ustazdyq etken jalyqpas, úıretýden balaǵa» — degendeı, ár shańyraqtyń úmit kútken ul - qyzdary sizderdiń bilimderińiz ben bilikterińizge júginip, senip keledi. El erteńi bolyp tabylatyn ulandardyń boıyna bilim men ónerdi, adamgershilik pen adaldyqty, týralyq pen shynshyldyqty, rýhanı baılyq pen ulttyq qasıetterdi sińirip, olardy tulǵaly azamat etip qalyptastyrýda sizderdiń úlesterińiz orasan mol. Tól merekelerińiz qutty bolsyn deı otyryp, bilim salasynda qajymaı eńbek etip, ter tókken aıaýly da, abyroıly ustazdarymyzdyń kóńilderin bir sátte bolsa kóterip, qýantaıyq degen izgi nıetpen mektebimizdiń oqýshylary daıyndaǵan «Ustaz aty - bıik ári máńgilik» atty ashyq tárbıe saǵatymyzdy kórip tamashalańyzdar.

1 - júrgizýshi: Armysyzdar, qurmetti de aıaýly ustazdar!
Ustaz degen - jaryq kúni ǵalamnyń,
Ustaz degen - anasy ol adamnyń.
Búkil álem moıyndaıdy eńbegin,
Sen de odan adam bolyp jaraldyń.

2 - júrgizýshi: Ustaz sózin aıtyp júrdik án qylyp,
Odan basqa júrgen kim bar jandy uǵyp.
Ustaz degen - ulylardyń ulysy,
Qasıetine bas ıelik máńgilik!

1 - júrgizýshi: Muǵalimnen ónege - bilim alyp, ómir teńizine qulash urǵan, kez kelgen shákirt ustazymen maqtanady. «Mekteptiń júregi», «Bala janynyń baǵbany», «Bala janashyry». Iá, bul mektep muǵalimi - ustazǵa arnalǵan teńeýler, bul tizbektiń shegi barma eken deseńizshi. Mundaı madaqtaýlardy jalǵastyra bersek, ózderińizge arnalǵan danalyq sózderi tutas bir kitapqa aınalary sózsiz. Ardaqty ustazdar qaýymy, mereıli merekede denderińizge saýlyq, otbasylaryńyzǵa amandyq, kásipterińizge sáttilik tileımiz.
Sen qalaı oılaısyń, Shakızat? Meniń oıymsha, kez kelgen muǵalim ustaz bola almaıdy. Óıtkeni, ustazdyq - óner, taǵylymy tereń óner. Al ónerli bolý kez kelgen adamǵa qona bermeıdi. Olaı bolsa, shyn ustaz bolý úshin tabıǵı daryn izgilikti izdenis pen eren eńbekke ushtastyrylýy qajet. «Shákirtsiz ustaz tul» degen sóz tegin aıtylmasa kerek.

2 - júrgizýshi: Iá, Jahanger, men osy sóziń dáleldi bola túsý úshin myna jyr shýmaqtaryn qosaıyn.
Ustaz bolý - sezimniń aqyndyǵy,
Ustaz bolý - júrektiń batyrlyǵy.
Ustaz bolý - minezdiń kún shýaǵy,
Azbaıtuǵyn adamnyń altyndyǵy,- dep aqyn Ǵafý Qaıyrbaev aǵamyz jyrlaǵandaı, bizdiń mektebimizdiń sózi marjan, úni án ustazdardyń bar bolǵanyn maqtanysh etemin. Árıne, ustaz júgi - aýyr júk. Adamnyń jan dúnıesin túsinip, renjitpeı, qateligin sezdire bilý - bul naǵyz sheberlik emes pe?!
«Ustazym meniń» áni. Oryndaıtyn Sembi Raýshan

1 - júrgizýshi: Ustazdar qandaı ǵajap halyqsyzdar,
Shákirtke shyńdaı bıik alypsyzdar!
Jan bitken janaryna nur syılaǵan,
Kúndeı bop kúlimdegen jaryqsyzdar!
(Montaj)

Ásel: Bolsa meniń kishkene bir tabysym,
Qorǵaǵanym ustazymnyń namysyn.
Ustazymsha bilsem deımin ómirdi,
Ustazymsha bolsa deımin ár isim.

Aınur: Ulylyqtyń uıytqysynan jaralǵan,
Ónegeńnen barlyq shákirt nár alǵan.
Shapaǵatty shýaq sepken ustazdar,
Ózderińnen bastaý alar bar arman.

Maqsat: Ustazyńdy túsingin sen tereńnen,
Bar álemge eńbegimen elengen.
Seniń baǵyń órge qaraı órlese,
Ol da birge qýanyshqa kenelgen.

Araı: Ustazdar jaqsylyqtyń jol ashary,
Qolyńda shákirtińniń bala shaǵy.
Ómirdi alǵa qaraı órletetin,
Senderde Uly Otannyń bolashaǵy.
Dinmuhammed: Sol arqyly sen de ómirdi jalǵadyń,
İzgi is qoı ustaz tilin alǵanyń.
Maqtaý alsań ustazdardyń aldynda,
Ol ózińniń oryndalǵan armanyń.

Aıjan: Bilim berip, kózdi ashqan,
Aqylshym, dosym, ustazym.
Meıirińnen sen asqan,
Adaldyq jolyn nusqadyń.
Tárbıelep, mápelep,
Órletken ómir shyńyna.
Jón siltep, óziń jetelep,
Ǵylymnyń jańa tyńyna.