InfoHub Logo

Bir qap bıdaıdy esekke artyp, Qojanasyr dıirmenge bara jatady. Shaıhananyń tusynan ótip bara jatyp, ol birneshe qydyrympazdyń súıek oınap jatqanyn kóredi. «Oınap kóreıinshi, — deıdi Ápendi, — bálkim, jolym bolyp keter!». Ápendi asyǵys bolǵan soń, oıynshylarǵa syǵylysa kirip, oıynǵa qosýyn ótinedi.

— Al aqshań bar ma? — dep suraıdy odan.

— Bir qap bıdaıǵa oınaımyn, — deıdi Ápendi.

— Á degennen-aq bir qap bıdaıyn utqyzyp qoıady. Eki ıyǵy salbyrap úıine qaıtady.

— Un qaıda? — deıdi áıeli.

— Un, un! — dep mińgirleıdi Ápendi. — Bıdaıdyń azdyǵy sonsha bir ýys un da shyqqan joq.

— Al qap qaıda?

— Al qapty tartqyzǵan aqysyna alyp qaldy, — depti Ápendi.

 

---