InfoHub Logo

Sabaqtyń taqyryby: Úı janýarlary
Sabaqtyń maqsaty: Úı janýarlary jáne olardyń adamǵa paıdasy týraly túsinik bere otyryp, tólderin durys ataı bilýin úıretý. Sózdik qoryn molaıtý, durys sóıleýge daǵdylandyrý. Estetıkalyq tárbıe berip, tórt túlikke degen súıispenshiligin arttyrý, úı janýarlaryna qamqorlyqpen qaraýǵa tárbıeleý.
Kórnekiligi: slaıd, úntaspa, sýretter, dıdaktıkalyq materıaldar

Júrisi:

* Jylýlyq sheńberi: Amansyń ba, altyn kún!
Amansyń ba, jer ana!
Amansyń ba, dostarym,
Senderdi kórsem qýanam!
* Áńgimelesý.
- Balalar, bizde qazir sýret sabaǵy. Sabaqty bastamastan buryn barlyǵymyz da «Ǵajaıypstanǵa saıahat» mýltı toptamasynan úzindi kóreıik.
- Úzindi ne týraly eken?
- Úı janýarlary jaıly.
- Eldos pen Aıajan qulynshaqqa kómektesý úshin kimge bardy?
- Umaı anaǵa bardy.
- Umaı ana ne aıtty?
- Úı janýarlarynyń adamǵa tıgizer paıdasy týraly áńgimelep berdi.
- Múltfılm senderge unady ma? Úılerińde qandaı úı janýarlary bar? Olar nemen qorektenedi?
- Shóp, jem, sýmen qorektenedi
- Endi balalar osy janýarlardyń tólderin qalaı ataıdy ekenbiz, kim aıtady?
- Buzaý, bota, qulynshaq, qoshaqan, laq, mysyq, kúshik.
- Durys aıtasyńdar, bizdiń búgingi sabaǵymyzdyń taqyryby «Úı janýarlary». Jylqy, túıe, sıyr, qoı, eshki, ıt, mysyq adamnyń úıiniń mańaıynda tirshilik etedi. Sol úshin úı janýarlary dep atalady.
Úı janýarlary adamǵa kóp paıda keltiredi. Jylqyǵa minedi, ony arba men shanaǵa jegedi, sútinen qymyz ashytady. Semizderin qysty kúni soǵymǵa soıady, terisin satyp, aqsha qylady. Túıege júk artady, jabaǵysy kúpige jaqsy bolady, satsa, júni pul bolady. Sıyr men qoı adamdardy etimen, sútimen asyraıdy. It qasqyr men urydan saqtap, qora kúzetedi. Osylardyń bári tegin qyzmet etpeıdi. Olardyń qyzmeti úshin adam asyraıdy, baǵady, qysty kúni aıazdan tońbaıtyn jyly qora jasaıdy, ury, bóriden saqtaý úshin baqtashy qoıady.
*«Ne qalaı dybystaıdy?» dıdaktıkalyq oıynyn.
Úntaspadan úı janýarlarynyń dybystaryn tyńdaı otyryp, qaı janýardyń dybysy ekenin ajyratyp aıyrýlaryń kerek (úntaspadan jylqy, túıe, sıyr, qoı, ıt, mysyqtyń únderin tyńdatý).
* Jumbaq jasyrý: Kishkentaı ǵana boıy bar,
Aınaldyryp kıgen tony bar. (Qoı)
(Balalar slaıdtaǵy úı janýarlary sýretteriniń ishinen qoıdy kórsetedi).
- Qoı - úı janýarlarynyń biri. Qoıdy qolǵa úıretýdiń adam úshin mańyzy zor. Qoı eti dámdi ári tamaqtyǵy mol. Qoı sútinen maı alynady. Qoı terisin ılep, óńdep jyly syrt kıim, ton, ishik, aıaq kıim de tigedi. Alaıda úı qoıy beretin ónimniń eń qundysy – olardyń júni. Odan pıma basyp, kilem, kıim, qolǵap, mata toqıdy.
* Dáptermen jumys. Qoıdyń dene qurylysynyń erekshelikterin durys berý úshin pedagog úlgi sýretti salyp túsindiredi. Balalar berilgen jumystyń salý retimen tanysyp, ózderi sýretti salady (balalardyń jumystaryn qadaǵalap, baqylap, qınalǵan balaǵa kómektesýi).

* Sergitý sáti «Qamajaı» mýzykasymen.
* Qorytyndylaý.
Balalardyń jumystaryn kermege ilý. Madaqtaý.
- Búgingi sabaqta biz ne bildik? Olardy nege úı janýary dep ataıdy? Úı janýarlaryna qandaı qamqorlyq jasaýymyz qajet?
- Úı janýarlary týraly qandaı taqpaq, sanamaq bilesińder
- Qandaı aqyldy balalarsyńdar! Barlyqtaryń da sabaqqa belsene qatystyńdar, jaraısyńdar!