InfoHub Logo

Uıymdastyrylǵan is - áreketiniń tehnologıalyq kartasy
Bilim aýmaǵy: Qatynas
Bilim bólimi: Til damytý
Taqyryby: «Úı janýarlary men jabaıy ańdar»
Maqsaty men mindeti: Balalardyń úı janýarlary týraly túsinikterin tereńdetý. Olardyń túrlerin bir - birinen ajyratýǵa, áńgimeni muqıat, zeıin qoıyp, tyńdaýǵa úıretý. Olardyń bizge tıgizer paıdasyn aıtý jáne olardy kútip - baptaýǵa, qorǵap qamqorlyq jasaýǵa tárbıeleý. Úı janýarlaryna baılanysty taqpaq, maqal - mátelderdi qaıtalaı otyryp, suraq - jaýap arqyly til baılyǵyn damytý. Sonymen qatar, Jabaıy janýarlardyń keıbir erekshelikterin salystyrý mekeni, qorektenýi týraly túsinik berý. Balalarǵa josparǵa saı áńgimeletip úıretý. Jan - janýarlardy qorǵaý olarǵa qamqor bolýǵa, nelikten jabaıy dep, atalatynyn túsindirý. Ańdardyń minez - qulqyn beıneleıtin áńgime arqyly balalardy anyq sóıleýge jáne olardy qorǵaýǵa úıretý.
Balalardy toppen birigip jumys jasaýǵa úıretý. Úı janýarlary jáne jabaıy ańdardy bir - birinen aıyra bilýge úıretý.
Kórnekilikter: úı janýarlary men jabaıy ańdardyń sýretteri, prezentasıa, tólderdiń úlgileri. (sýretter), plakattar.

Tárbıeshi qyzmeti
Shattyq sheńberden bastaý.
Partalardy biriktirip, eki komanda otyratyndaı etip biriktirý.

- Balalar, biz búgin úı janýarlary jáne jabaıy ańdar týraly áńgimeleımiz. Úı janýarlary dep biz úıde ustaıtyn janýarlardy aıtamyz. Olar mynalar: qoı, eshki, sıyr, túıe, jylqy. Sender kózderińdi jumyńdar da, kóz aldaryńa aýylda tólderdiń, úı janýarlarynyń júrgenin elesteteıik.
Al endi, myna suraqtarǵa jaýap berińder:
- Balalar, jabaıy ańdarǵa neler jatady?
- Nelikten jabaıy ańdar deımiz?
- Myna sýretterden ne kórip otyrsyńdar?
- Aıý balalarymen ne istep tur?
- Qasqyrdyń balalary nesheý?
- Túsi qandaı, olar ne jeıdi?
- Qoıannyń ereksheligi nede?

Jańa sabaq - Myna sýrettegi jaılaýǵa qarańdarshy. Úı janýarlary jaıylyp júr eken. Osy úı janýarlarynyń tólderin qalaı ataımyz?

- Túıeniń tóli - botaqan.
Qoıdyń tóli – qoshaqan.
Eshkiniń tóli - laq
Jylqynyń tóli - qulyn
Sıyrdyń tóli - buzaý.

Shóre, shóre laǵym
Tentek bolma shyraǵym.
Sekeńdemeı demińdi al,
Selteńdeme qulaǵyń,-

Qara kóziń móldirep,
Qyzyqtyrmaı qoımaıdy.
Jibek júniń úlbirep,
Qarasam kóz toımaıdy.