«Uıalam, no úı alam» 2024 jyldyń alǵashqy komedıasy
«Uıalam, no úı alam» 2024 jyldyń alǵashqy komedıasy
2023 jyly «Maǵan nazar aýdar» kınokartınasy 1 mıllıardqa jýyq qarajat jınap úzdikter qataryna qosylǵan. Nazar Audar Production bıyl taǵy bir úzdik komedıanyń tusaýyn kesti. Ol «Uıalam, no úı alam» komedıasy.
«Uıalam, no úı alam» komedıasy astarly oı men jas otbasylardyń basynan keshetin ashshy shyndyqty kórsetedi. Bul týraly fılmniń kınoprodúseri, senarısi jáne basty róldi somdaıtyn Aqbolat Ótebaı bylaı dedi: «Týyndynyń kórermenge aıtary kóp. Ázil arqyly astarlap jetkizetin oılar kóp bolady. Biz tipti senarı jazý barysynda óz ómirimizden alynǵan sátterdi de qostyq. Sondyqtan qazaq otbasyndaǵy árbir jup kelip kórýi tıis dep oılaımyz»
Eń qyzyǵy fılmde «Maǵan nazar aýdar» akterleri qaıtalanǵanymen ekeýi bir-birine uqsamaıtyn týyndy. Aıta keteıik, basty rólder quramy: Aqbolat Ótebaı, Madına Ospan, Aıana Baýyrjanova jáne Ǵazız Erbolattan bólek jańa aktrısamen tolyqty. Ol tanymal bloger, koých, kásipker Roza Ashırbaeva. Bul fılm Roza úshin debút jáne ol óz oqyrmandarymen fılmniń qyr-syry týraly bólisken edi.
«Bul kınoálemindegi meniń alǵashqy jumysym bolǵandyqtan qobaljýlar, kóp sharshaý boldy. Degenmen men qoǵamdaǵy antıqaharman adamdardyń bolatynyn jáne olardyń qurtıqy is-áreketterin jetkize bildim dep oılaımyn. Maǵan fılmniń ıdeıasy jáne aıtar oıy qatty unady. Qarym-qatynas týraly jıi aıtyp júrgen koých retinde bul fılmdi árbir juptarǵa kórýge keńes berer edim. Tipti siz áli otbasy qurmaǵan jas bolsańyzda sizge bul týyndynyń óteri sózsiz», - dedi bloger Roza Ashırbaeva.
XXI ǵasyrda jas otbasynyń úılenip, degenmen tezirek úı bolyp ketýi kúrdeli kezeń. Ózderi jas bolsa da bala-shaǵasymen árbir úıdi kúneltip júrgen qanshama otbasy bar. Tipti osy máselelerge shydamaı ajyrasyp ketken otbasylardy da kezdestirýge bolady. Úkimettiń úıine jete almaı, túrli qaıyrymdylyq uıymdar arqyly úıli bolyp jatqan otbasylar da bar. Sol sıaqty úıli bolamyn dep túrli joldary qarastyryp, elden uıalyp júrip biraq úı alǵysy keletin Aıjannyń oqıǵasy árbir kórermendi oılanyrary sózsiz…
«Uıalam, no úı alam» kıno komedıasy 25 qańtardan bastap elimizdiń barlyq kınoteatrlarynan kórsetiledi.
You Might Also Like
-
Seks týraly erlerdiń kózqarastary men uǵymdary ártúrli faktorlarǵa baılanysty bolady jáne áıeldermen salystyrǵanda biraz aıyrmashylyqtary bar. Ǵylymı zertteýler kórsetkendeı, ortasha alǵanda er adamdar seks týraly áıelderge qaraǵanda jıi oılaıdy.
-
Bilimdi qalaı durys alýǵa bolady? Bilim alý degen ne? «Bilimdi talap etý – árbir musylmanǵa paryz» Bilim alýdyń artyqshylyǵy
