InfoHub Logo

Taqyryby: Úıdi nemen turǵyzamyz
Bilim berý salasy: «Qatynas», «Shyǵarmashylyq»
Kiriktirilgen bilim salalary: Sóıleýdi damytý, Japsyrý.
Uıymdastyrylǵan oqý is - áreketi: «Men qurylysshy bolamyn», «Biz úı salamyz».
Maqsaty:
1. Bilimdiligi: Balalardy qurylysshy mamandyǵymen tanystyrý, qurylys materıaldarynan óz úıin qurastyrý, oılanýǵa, ózdiginen áreket etýge baýlý;
2. Damytýshylyǵy: Qurylysshy mamandyq ıeleriniń qyzmeti týraly bilimderin damytý, úı qurastyryp japsyrý daǵdylaryn qalyptastyrý.
3. Tárbıeliligi: Eńbeksúıgishtikke baýlý, amandyq ıeleriniń jumysyn qurmetteýge tárbıeleý.
Ádis – tásilderi: Suraq – jaýap, oıyndar oınaý, sýret boıynsha jumys.
Kórnekilik quraldary: Sýretter, jelim, túrli - tústi qaǵazdar, qaıshy, slaıdshoý.

Shattyq sheńberi
Bizdiń úıden án tarap,
Dýmandatar ómirdi.
Bizdiń úıde saltanat,
Bizdiń úıde kóńildi.
Balalar óleń joldaryn naqyshyna keltire oryndaıdy.
Áńgimelesý: Balalarǵa ózderi turatyn úıleri jaıynda áńgimeletý. Meken jaıyn suraý.
Balalar óz úıleriniń neshe qabattan turatynyn jáne meken jaıyn aıtady.

Dıdaktıkalyq oıyn: Bul qandaı úı?
Balalar sýret boıynsha úılerdi tańdap, onyń neshe qabatty, qandaı ekenináńgimelep aıtyp beredi.

Balalarmen birge birneshe úılerdiń sýretterin qarap, taldaý jasaý.
Tárbıeshi balalardan óz úılerin qalaı qurastyrýǵa bolatynyn oılanýdy ótinedi, balalar kóz aldaryna elestetedi. Balalar úlgiden kórgen úılerden óz úıine uqsastyǵy barma ekenin aıtady. Ár bala qurylys materıaldarynan óz úılerin qurastyrady, úıdiń irge tasy, qabyrǵalary, tóbesi, terezeleri t. b. bólikterin naqtylap alady. Balalarǵa úıdiń aınalasynda ne bar ekenin beıneleý úshin qaǵazdar, usaq oıynshyqtar t. b. beriledi.
Qurastyryp bolǵan soń balalar bir - biriniń úıleri týraly áńgimeleıdi.
Sergitý sáti:
Jaqsy bala eńbekshil,
Er azamat bolady.
Qıyndyqty jeńip kil,
Qushaǵy gúlge tolady.
Eńbekshil osyndaı
Bolaıyqshy dosym - aı.

Maqal mátel:
Er súrinbeı, el tanymas.
At súrinbeı, jer tanymas.

Er jigit ne kórmeıdi,
Er kóńili ne bermeıdi.
Tárbıeshi:
- Balalar, sender úı qurylysyn baqylap kórdińderme?
- Ia
- Úı qurylysy neden bastalady?
- Jerden, irgetastan
- Adamdarǵa qandaı mashınalar kómektesedi?
- Kran
- Qurylysqa qandaı mamandyqtyń adamdary qatysady?
- Qurylysshylar

Qurylysshy
Tas qalaýshy úı salyp,
Alǵys aldy birinshi.
Úı bolmasa, mysaly,
Ne ister edi tiginshi.
Qurylysshylar salady,
Biz turatyn jerlerdi.
Úlken bolyp óskende
Salamyn ásem úılerdi.
Qımyl qozǵalystar jasap, óleń sózin naqyshyna keltire oryndaıdy.

Tárbıeshi balalarǵa úı qurylysy beınelengen sýret kórsetedi. Úı, kótergish kran jáne júk mashınasyn qandaı geometrıalyq fıgýralar arqyly beıneleýge bolatynyn muqıat qaraýdy usynady. Tárbıeshi balalarǵa terezeleriniń kólemi ártúrli, syrtqy esigi men shatyry nashar jelimdengen qısyq úı, dóńgelekteri ártúrli mashına beınelengen aplıkasıany kórsetedi.
Oıyn «Qateni tap», maqsaty: osy taqyryp boıynsha japsyrylǵan jumystaǵydaı qatelik boldyrmaý.
Balalar qateni tabady.
Tárbıeshi:
- Osyndaı úıde turǵylaryń keler me edi?
- Joq
- Olaı bolsa, balalar, ózimiz durystap úı salaıyq.
- Ia
Tárbıeshi balalarǵa túrli - tústi qaǵazdardan geometrıalyq fıgýralardy: úı qabattaryn, esik - terezelerin, dóńgelekterdi durystap, qatparlap búkteý arqyly teń qıýdy kórsetedi.
Balalar nazar salyp tyńdaıdy jáne ózderi jelimdep úı salýǵa kirisedi.
Balalar qandaı sýretti beınelep, qıyp, japsyrǵandaryn áńgimeleıdi.
Tárbıeshi balalardyń jasaǵan jumysyn tekserip qarap, baǵalap, qatelikterin kórsetip, uqypty jumystardy madaqtaıdy.

Kútiletin nátıjeler:
Neni bilý kerek: óz úılerin kóz aldaryna elestete otyryp qurylys materıaldarynan
qurastyra bilýge úırenedi
Qandaı túsinikterdi ıgeredi: úılerdiń qurylysy jaıynda: irgetasy, qabyrǵalary, tóbesi, terezesi, esigi t. b. túsinikter ıgeredi.
Meńgergen daǵdylary men iskerlikterdi qoldana alady: qurylys materıaldaryn paıdalanyp qurastyra alýǵa daǵdylanady.

Atyraý qalasy,
№55 «Jadyra» balabaqshasy
II sanatty tárbıeshi
Daýtova Bıbigúl Saıynqyzy
Úıdi nemen turǵyzamyz. júkteý