InfoHub Logo

Sabaqtyń taqyryby: Úıkelis kúshi
Sabaqtyń maqsaty:
a) Bilimdilik: Oqýshylarǵa úıkelis kúshiniń qandaı kúsh ekenin, onyń tabıǵat zańdaryndaǵy mańyzyn, ómirmen baılanystyryp túsindirý.
á) Tárbıelik: Óz bilimderiniń nátıjesinde ózderin baǵalaı bilýge tárbıeleý.
Sabaqtyń tehnıkalyq quraly: Kompúter, proektor, ınteraktıvti taqta, ekran.
Sabaqtyń kórnekiligi: Dınamometr, bileýshe, ártúrli deneler, elektrondyq oqýlyq, qozǵalysqa keltirilgen foto - sýretter.

Sabaqtyń barysy:
İ. Uıymdastyrý;
İİ. Úı tapsyrmasyn suraý;
İİİ. Jańa sabaq;
IV. Bekitý;
V. Úıge tapsyrma;
VI. Sabaqty qorytyndylaý (baǵalaý).

İ. Uıymdastyrý (oqýshylarmen amandasý, tekserý)
İİ. Úı tapsyrmasyn qaıtalaý
Qozǵalysqa keltirilgen sýret arqyly salmaqsyzdyqty eske túsirý. (Proeksıalyq apparat, kompúter arqyly)
İİİ. Jańa sabaq
Sabaqtyń barysy:
1) Oqýshylarǵa ózderiniń ómirimen baılanysty, kúndelikti turmystaǵy kezdesip júrgen zańdylyqtarǵa baılanysty birneshe suraqtar qoıý.
2) Suraqtardy proeksıalyq apparat arqyly ekranǵa shyǵaryp, jeke - jeke qysqasha jaýap qaıtarý.
Suraqtar:
İ. Adamdar, jan - janýarlar jáne tehnıkalar tómendegi eki jaǵdaıda júrýine sıpattama bereıik:
1) Qara jerde qalaı júredi
a) Qara Jermen júrý óte ońaı;
b) Ol tegis, kedir - budyr;
v) Ol qurǵaq, azdap dymqyl;
s) Jer adamdardy, tehnıkany, jan - janýarlardy alǵa tebedi nemese ıteredi;
d) Adamdar, jan - janýarlar, tehnıka Jerdi artqa qaraı tebedi nemese ıteredi.
2) Muzdy kók taıǵaqta qalaı júredi
a) Muzdy kók taıǵaqta júrý óte qıyn;
b) Ol óte tegis, dymqyl, sýly;
v) Muzdy kók taıǵaqta adamdar, jan - janýarlar jáne tehnıkany Jer alǵa tebýi, ıterýi óte az bolady;
s) Adamdardy, jan - janýarlar jáne tehnıka kók taıǵaq muzda Jerdi keıin qaraı óte az kúshpen tebedi nemese ıteredi;
d) Muzdy kók taıǵaqta Jer qurǵaq bolyp keledi.
İİ. Bul úıkelis kúshi qandaı kúshtermen árekettesedi?
Jaýap: Tartylys kúshi, Aýyrlyq kúshi, Serpimdilik kúshi.
İİİ. Oqýshylar sizder velosıpedpen nemese shanamen Jer betinde júrý týraly
málimet aıtyńdar.
IV. Osy qoıylǵan suraqtarynyń durys jaýaptaryn ár oqýshy ár túrli jaýap
aıtyp shyǵady, durysyna belgi qoıyp qysqasha atap ótemin.
Shanany qara jolmen súıregennen góri muz betimen, qar ústimen súıregen yńǵaıly. Tetik - bólshekteri maılanbaǵan velosıpedti tebý de, turmystyq jıhazdardy eden betimen jyljytý da qıynǵa túsedi. Jol boıymen kele jatqan mashınanyń qozǵaltqyshyn júrgizýshi óshirgennen keıin ol toqtaıdy. Muz aıdynynda kónkı teýip júrgen bala da, tóbeshikten syrǵanap túsken shana da, domalap kele jatqan dop ta birazdan soń toqtaıtyn bolady. Bul tájirıbeler bir dene ekinshi deneniń betimen qozǵalǵan kezde qozǵalys jyldamdyǵyna qarama – qarsy baǵyttalǵan jáne deneniń qozǵalysyna kedergi jasaıtyn kúsh paıda bolatynyn kórsetedi.
Bir dene ekinshi deneniń betimen qozǵalǵan kezde paıda bolatyn kúsh úıkelis kúshi dep atalady. F úık. árpimen belgilenedi.

Úıkelis kúshi. júkteý