InfoHub Logo

Kóp tilekti kókseıdi ǵoı kókeıim,
Jaryqtarym, sadaǵań bop keteıin.
«Qyz-jat jurttyq» -
Degen babamyz,
Et júregim eljireıdi, ne deıin?

Ómir joly túzý emes, buralań.
Talaılardy talqyǵa sap synaǵan.
Qarlyǵashtaı qanatymen sý sepken,
Bir-birine qamqor bol dep suranam.

Ul-ata izin,
Qyz basady ana izin,
Úlken syılaý – ekeýińniń paryzyń.
Týys-týǵan, ata-anańdy qadirlep,
Aıaýlysy bola bilgin jaryńnyń.

Báıteregim eń, jaıqalsyn jasyl jelegiń,
Órisiń keńip, yrysyń tassyn, órenim.
Shańyraǵyń shalqyp,
Ózgege júrseń úlgi bop,
Marqaıyp biz,
Baǵymyz jandy der edim.

Erteńińdi oılap,
Eljirep júrek, tolqydym,
Kúıeýi-tirek,
Jan-jary bolar kórki úıdiń.
Qıa ótpeı, qyzym,
Babańnyń saltyn saqtaǵyn,
Keregesi altyn –
Kelini jaqsy bolsa úıdiń!

---