InfoHub Logo

Qojanasyr tósek tartyp aýyryp jatyp qalypty. Qojanasyrǵa bilgirsingen táýip:

— Úırektiń sorpasyn ishseń, terlep, túzelesiń, jaqsy bolyp ketesiń? — depti.

Qojanasyr qoınyna nanyn tyǵyp, qolyna taıaǵyn alyp, aýyldyń syrtyndaǵy kólge qaraı aıańdapty. Kólge jaqyndaı berip, kóldegi úırekterge kózi túsipti. Qojanasyr qýanyp ketip, qolyndaǵy taıaǵyn bulǵaqtatyp:

— E, Qudaı, shıpa bere gór, tilegimdi qabyldaı gór, — dep tura umtylyp edi, úırekter úrkip ushyp ketti. Qojanasyr qoınyndaǵy nanyn alyp, kól sýyna batyryp jeı beripti.

Sol ýaqytta baǵanaǵy táýip taǵy da kez bolyp:

— Ne istep otyrsyń, Qojeke? — depti.

Sonda Qojanasyr:

— Iá, siz ekensiz ǵoı! Ózińizdiń aıtýyńyz boıynsha úırektiń sorpasyna nan týrap jep otyrmyn, — degen eken.

 

---