InfoHub Logo

Almaty oblysy, Kerbulaq aýdany,
Sarybastaý orta mektebi KMM
Mektepaldy daıarlyq tobynyń tárbıeshisi
Nýrbekova Asem Jetpısovna

Taqyryby: «Úıshik» ertegisi.
Maqsaty: 1. Ertegini sahnalaýǵa úıretý.
2. Dostyq qatynasty baǵalaı bilýge baýlý.
3. Dostasa bilýge, adal dostyqqa tárbıeleý.
Kórnekiligi: toptyń ishi orman sekildi bezendirilip, úıshik qoıylady.
Júrgizýshiniń sózi:
Kún kúledi jadyraıdy,
Qustar kelip saıraıdy.
Kel, balalar, kelińder.
Ertegige enińder.
- Erte, erte, ertede ormanda bir úıshik bolǵan eken. «Úıshik» ertegisin tamashalańyzdar.
Ormanda kele jatqan tyqyrlaýyq tyshqan:
Men tyqyrlaýyq tyshqanmyn,
Óz inimnen shyqqanmyn.
Dos izdeımin ózime,
Tatý bolam ózińmen.
Úıshikti kóre tańǵalyp.
- Súp – súıkimdi, kip-kishkentaı ádemi úıde kim turady?
Úıshikte eshkim turmaǵan soń tyshqan úıshikke kirip turady.
Qoıan keledi.
Men qoıanmyn, qoıanmyn,
Sábizdi jep toıamyn.
Jemisterdi kóp jınap,
Qysqa saqtap qoıamyn.
Úıshikti kórgen qorqaq qoıan.
- Súp - súıkimdi, kip-kishkentaı ádemi úıshikte kim turady?
- Men tyqyrlaýyq tyshqanmyn, kel birge turaıyq.
Tıin keledi.
Men tıinmin, tıinmin,
Qysqa jyly kıindim.
Qoımam toly jańǵaqqa,
İshi jyly úıimniń.
- Súp - súıkimdi, kip-kishkentaı ádemi úıshikte turady?
- Men tyqyrlaýyq tyshqanmyn.
- Men qorqaq qoıanmyn kel birge turaıyq.
Sulý túlki keledi.
Men sulý túlkimin,
Jaı ótpes bir kúnim.
İshinde júremin,
Aıǵaı shý kúlkiniń.
- Súp – súıkimdi, kip-kishkentaı ádemi úıshikte kim turady.
- Men tyqyrlaýyq tyshqanmyn.
- Men qorqaq qoıanmyn.
- Men úlpildek tıinmin, kel birge turaıyq.
Túlki úıshikke kirip ózine jańa dostar tabady.
Kókjal qasqyr keledi.

Men kókjal qasqyrmyn,
Aýyldy torımyn.
Ańshydan qorqamyn,
Saılarda jortamyn.
- Súp – súıkimdi, kip-kishkentaı ádemi úıshikte kim turady.
- Men tyqyrlaýyq tyshqanmyn.
- Men qorqaq qoıanmyn.
- Men úlpildek tıinmin.
- Men sulý túlkimin, kel birge turaıyq.
Osylaısha qasqyrda dos bolyp úıshikke kirip turady.
Qorbańdaǵan aıý keledi.
Men aıýmyn qorbańbaı,
Qımyldaımyn qorbańdaı.
Omartany kórgende,
Bas salamyn oılanbaı.
- Súp - súıkimdi, kip-kishkentaı, ádemi úıshikte kim turady.
- Men tyqyrlaýyq tyshqanmyn.
- Men qorqaq qoıanmyn.
- Men úlpildek tıinmin.
- Men sulý túlkimin.
- Men kókjal qasqyrmyn, kel birge turaıyq.
Aıý denesiniń úlkendigine baılanysty úıshiktiń esiginen syımaı qoıady, úıshiktiń terezesinen kirýge tyrysady báribirde basy kirmeı qoıady.
Úıshiktiń shatyryna shyǵyp turýǵa tyrysady.
Shatyryna shyǵa bergen kezde úıshikti qulatyp qoıady.
Qapalanǵan aıý.
- Úıshikterińdi qulatyp qoıdym keshirińder.
Dostary:
- Qapalanba dostym bárimiz birge úı salaıyq.
Bári birge:
Baldyrǵan balamyz,
Dosty kóp tabamyz.
Qashan da, qaıda da,
Dostar bir - birine,
Senimdi bolamyz.