InfoHub Logo

Bilim salasy: «Tanym»
Bólimi: «Sensorıka»
Taqyryby: «Uzyn - qysqa»
Maqsaty: «Uzyn», «qysqa» uǵymdarymen tanystyrý, bettestirý betine qoıý ádisi arqyly uzyndyqty salystyrýdy úıretý, sondaı - aq zattarmen tájirıbelik áreket barysynda uzyndyq týraly bilimdi qoldana bilýge úıretý, qashyqtan zattardy uzyndyqtary boıynsha salystyrýdy, kóz mólsherdi damytý, saýsaqtyń usaq bulshyqetteriniń qozǵalysyn jetildirý. Uqyptylyqqa tárbıeleý.
Qajetti qural - jabdyqtar: uzyndyqty bettestirip salystyrýǵa arnalǵan jolaqsha joldar uzyny – jasyl jáne qysqasy - kók, ár balaǵa ártúrli tústen 1 mashına, túrli uzyndyqtaǵy lentalar, ár balaǵa joldardyń túsindeı úıdiń sýreti beınelengen 2 danadan kartochkalar.
Sózdik jumys: Uzyn, qysqa.
Bılıngvaldy komponent: úı - dom, jol - doroga.

Motıvasıalyq qozǵaýshylyq
Balalar, qazir jyldyń qaı mezgili?
Kúz mezgili.
Kúz mezgilinde neshe aı bolady?
Úsh aı bolady.
Qane, kúz aılaryn atap aıtaıyqshy?
Qyrkúıek, qazan, qarasha. İzdený uıymdastyrýshylyq:
Tosyn sát: Esik qaǵylyp, mýzyka áýenimen ishke Saıqymazaq keledi. Qolynda úsh túrli shary bolady. Saıqymazaq balalarmen amandasady. Sálemetsizder me, balalar!
Sálemetsiz be!
Saıqymazaq: Balalar meniń atym - Saıqymazaq. Men senderge qur qol kelgenim joq. Myna qolymdaǵy sharlardyń ishinde, senderge alyp kelgen tapsyrmalarym bar, sol tapsyrmalarymdy durys oryndasańdar, men senderge syılyq beremin.
Tárbıeshi: Qane, balalar Saıqymazaq bizge qansha tapsyrma alyp kelgenin bilý úshin, onyń qolyndaǵy sharlardy sanap, túsin aıtaıyq.
Al, balalar Saıqymazaqtyń qolyndaǵy sharlaryn sanaıyqshy?
Bireý, ekeý, úsheý.
Barlyǵy qansha shar boldy?
Úsh shar boldy.
Saıqymazaqtyń tapsyrmasy osy sharlardyń ishinde, ony oryndaý úshin shardy bir - birlep jarýymyz kerek. Bir bala shyǵyp, shardy jarady da, ishinen tapsyrmany alyp oryndaıdy.

I - tapsyrma: Teledıdar arqyly sýretterdi kórsetý. Suraq - jaýap arqyly.
Endeshe, barlyǵymyz myna teledıdarǵa qaraıyqshy? Mynaý kimderdiń sýreti?
Balalardyń sýreti.
Myna balanyń boıy uzyn ba, qysqa ma?
Qane, kim aıtady?
Uzyn bala.
Al myna balanyń boıy she? Qysqa.
Mynaý qandaı karandash?
- Uzyn karandash.
Al, mynaý qandaı karandash?
- Qysqa karandash.
Mynaý neler?
- Joldar.
Mynaý qandaı jol?
- Uzyn jol. Ia, uzyn jol.
Al, myna jol qandaı? Qysqa jol.
Durys aıtasyńdar, balalar!
Al, kelesi tapsyrmany oryndaý úshin, ekinshi sharymyzdy jaryp kóreıikshi, onyń ishinde qandaı tapsyrma bar eken? Qane, kim shardy jarady?

II - tapsyrma: Geometrıalyq pishinderdi ata? (Úshburysh, tórtburysh, dóńgelek ).
Balalar pishinderdiń atyn atap, túsin aıtady.

III - tapsyrma: Uzyn - qysqa zattardy salystyra bilesińder me?
Bul tapsyrmany oryndaý úshin, bir oıyn oınaýymyz kerek, balalar.
Dıdaktıkalyq oıyn: «Baıqaǵysh».
Maqsaty: Zattyń túrin, kólemin ajyrata bilý. Balanyń oılaý qabiletin damytý.
Balalar mynaý ne?
Qoıan.
Qoıannyń neshe qulaǵy bar?
Qoıannyń eki qulaǵy bar.
Al, aıaǵy nesheý eken, sanaıyqshy?
Bireý, ekeý, úsheý, tórteý.
Qoıannyń mynaý nesi?
Quıryǵy.
Al, osy qoıannyń quıryǵy uzyn ba, qulaǵy uzyn ba?
- Qulaǵy uzyn.
Durys aıtasyńdar, qulaǵy uzyn eken. Qoıan ne jeıdi?
- Sábiz jeıdi.

Qımyldy oıyn: «Sábizderdi jına».
Maqsaty: Balalardy jyldamdyqqa, eptilikke tárbıeleý.
Saıqymazaq:
- Qandaı qyzyq oıyn boldy, maǵan unap qaldy.
Jaraısyńdar, balalar. Endi barlyǵymyz ornymyzdan turyp, Saıqymazaqpen birge boıymyzdy sergitip alaıyq.

Sergitý sáti:
Terbeledi aǵashtar,
Aldymnan jel esedi
Kip - kishkentaı aǵashtar,
Úp - úlken bolyp ósedi.