InfoHub Logo

Saýat ashý 1 klasy
Sabaqtyń taqyryby: V dybysy men árpi. Bekitý (prezentasıasymen)

Sabaqtyń maqsaty:
1) Bilimdilik: V dybysynyń aıtylý ereksheligin baıqatý, v dybysy bar sózderdiń orys tilinen engendigin ańǵartý, v áripi bar sózderdiń maǵynasyn túsindirip, olardy durys jazýǵa úıretý, v dybysy týraly alǵan bilimderin keńeıtý.
2) Damytýshylyǵy: Balalardyń oılaý, este saqtaý, qıaldaý qabiletterin damytý, sózdik qoryn arttyrý. Balalardy v áripi bar sózderdi durys aıtýǵa jáne qatesiz jazýǵa mashyqtandyrý
3) Tárbıelik: Oqýshylardy tapqyrlyqqa, ózara syılastyqqa, sanalylyqqa baýlý, uıymshyldyq pen eńbek súıgishtikke tárbıeleý.
Kórnekiligi: Sújetti sýretter, oqýlyq, akvarıým sýreti, ınteraktıvti taqta, elektrondy oqýlyq, úlestirmeli qaǵazdar.
Ádisi: Suraq - jaýap, túsindirý, áńgime, oıyn, juptyq jumys
Tıpi: Bilim bekitý
Túri: Saıahat sabaq
Pánaralyq baılanys: Deneshynyqtyrý, dúnıetaný, orys tili

Sabaqtyń barysy: 1) Uıymdastyrý kezeńi
Oqýshylardyń zeıinin sabaqqa aýdarý.
Qyzyǵýshylyǵyn oıatý.
«5» bolsyn alar baǵamyz
Bilimnen baqyt tabamyz
Ónermenen óristep,
Óse bersin sanamyz.

2) Úı tapsyrmasyn tekserý
- Balalar, biz «Ǵajaıyp V dybysy» áleminde saıahattap baramyz. Saıahatymyzdy velosıpedpen bastaımyz.
Al, balalar júrelik
Asyqpaı ǵana minelik
Ǵajaıyp V - nyń syrlaryn,
Búginde oqyp bilelik.
Al, endeshe, balalar,
Jyldamyraq júrelik.
Búgingi saıahatymyzdyń alǵashqy aıaldamasy «Bilgenge marjan» dep atalady.
Munda úıge berilgen tapsyrmamen tanysý, bilimderin keńeıtý.

Balalar ǵajaıyptar elindegi tapsyrmany jaqsy oryndadyq, endi ary qaraı júrip, v dybysy áleminiń ǵajaptarynyń syryn uǵýǵa asyǵaıyq.
7) slaıd
Al, balalar júrelik
Vagonǵa tez - tez minelik
Aınalyp ótip bul jerden
Kelesi elge jetelik.

- Balalar, bizdiń aldymyzdan kezdesken el « Sıqyrly áripter» eli dep atalady eken.
- Káne, bul jerde bizge qandaı tapsyrma berilipti. « Qaı áripti joǵalttym?» oıynyn oınatý.

- Balalar, biz «Ǵajaıyp V dybysy» áleminde saıahattap júrmiz ıá. Keshegi sabaǵymyzda biz sıqyrly poezǵa birneshe vagondardy tirkep alyp saıahatqa shyqqan bolatynbyz. Búgingi sabaǵymyzda da sol saıahatymyzdy jalǵastyramyz. Búgin biz taǵy da V árpin álemdegi sıqyrly vagondardyń kómegimen jolda kezdesetin tapsyrmalardy oryndaıtyn bolamyz.
- Al káne, saıahatty jalǵastyraıyq, jolǵa shyǵýǵa daıyndalyńdar?
Káne, vagondarǵa jaıǵasaıyq.
2) slaıd
Al, balalar júrelik
Asyqpaı ǵana minelik
Ǵajaıyp V - nyń syrlaryn,
Búginde oqyp bilelik.
Al, endeshe, balalar,
Jyldamyraq júrelik
- Al, balalar, sıqyrly vagonǵa jaıǵastyq.
Saıahattaǵan adamnyń aldynan nebir qyzyq, jumbaǵy kóp álemder qaq ıa. Endeshe bizdi de jolymyzda «Ǵajaıyp jumbaqtar álemi» kútip tur eken. Bul jerde bizge birneshe jumbaqtardy sheshýge týra keledi, káne, daıynbyz ba? Sheshýin tapsaq qana bul elge kire alady ekenbiz.

- Óte jaqsy balalar, endeshe oqýlyǵymyzdy ashalyq. V álemindegi kezekti tapsyrmamyz jumbaqty sheshý kerek.
Úı ishinde - bólme,
Bólme ishi - kólde.
Túrli usaq - balyq,
Júzdi saıran salyp.
- Sheshýi ne eken? - Akvarıým
- Akvarıým degenimiz ne, bilemiz be? Kórgenbiz be?
4) slaıd Akvarıým sýretin kórsetý.
Akvarıým sózi de orys tilinen engen eken. Bul sózdiń qazaqshasy qandaı maǵyna beredi dep oılaısyńdar? ( oqýshylardy sóıletý)
- Durys. Akvarıým - qolda balyq ósirýge arnalǵan sý quıylǵan shyny ydys.
- Óte jaqsy balalar, al endi osy jumbaqtyń sheshýin qatystyryp sóılem qurap kóreıikshi.
1. Men akvarıýmnen túrli balyqtardy kórdim.
2. Arman akvarıýmdegi balyqtarǵa jem berdi.
Akvarıým sózin býynǵa bóldire otyryp, v dybysynyń ornyn anyqtatý.
- Óte jaqsy balalar, akvarıýmnen basqa taǵy qaı jerlerde balyqtar bolady?
- Ózen, kól, sý toǵandarynda.
5) slaıd ( ózen, kól, aǵyn sý sýretterin kórsetý)
6) slaıd Okeanarıým sýretin kórsetý, bas qalanyń maqtanyshynyń biri ekenin aıtý.