InfoHub Logo

Sabaqtyń taqyryby: VISUAL BASIC – te programmalaýdyń negizderi
Sabaqtyń maqsaty:
Bilimdiligi: VISUAL BASIC - te baǵdarlamalaý negizderi týraly túsinik berý.
Bazalyq komponentterdiń taǵaıyndalýyn, qasıetin, oqıǵasyn jáne tásilin bilý qajet. Olardy qoıylǵan esepterdi sheshýde paıdalaný jolyn úıretý. betterimen tanystyrý.
Damytýshylyǵy: VISUAL BASIC - te baǵdarlamalaý negizde júıeli jumys jasaýǵa úırete otyryp, oılaý qabiletterin damytý.
Bilimdiligi: Oqýshylardy shapshańdyqqa, uıymshyldyqqa, uqyptylyqqa tárbıeleý
Sabaqtyń kórnekiligi: Kompúter, ınteraktıvti taqta
Sabaqtyń túri: Teorıalyq sabaq
Sabaqtyń tıpi: Kórsete – túsindire baıandaý

Sabaqtyń barysy:
İ. Uıymdastyrý kezeńi
İİ. Úı tapsyrmasyn tekserý
İİİ. Jańa sabaqty túsindirý:
İV. Tapsyrmalar oryndaý
V. Sabaqty bekitý
VI. Baǵalaý
VII, Úıge tapsyrma

Úı tapsyrmasyna sholý jasaý:

1. VISUAL BASIC ortasyn qalaı ashamyz?
2. VISUAL BASIC ortasy neshe bólikten turady?
3. Forma neden turady?
4. Oqıǵa, qasıet, ádis degenimiz ne?
5. Formaǵa syzyq salý úshin qoldanylatyn komponent?
6. Formanyń negizgi qandaı qasıetteri bar?

Jańa sabaqty túsindirý
VISUAL BASIC ózin ınstrýmentterdiń úlken jıyntyǵyn paıdalana otyryp, pishinder men grafıkalyq obektilerdi kórneki qurastyrýǵa bolatyn grafıkalyq orta retinde usynady. VISUAL BASIC - te baǵdarlamalaý tili degenimiz – kópke tanys BASIC standarttyq tiliniń keńeıtilgen versıasy.
VISUAL BASIC algorıtmdeý negizderin ıgerýge jáne Windows baǵdarlamasy erekshelikterin oqyp - úırenýge óte saı keledi, sondaı - aq kez kelgen turpattaǵy qýatty qoldanbalar jasaý úshin barlyq múmkindigi bar. Jasalynyp jatqan baǵdarlamalarda Windows Api quraldaryn paıdalaný qoldanbalarynyń múmkindikterin sheksiz keńeıtýge jol ashady.
VISUAL BASIC – ti iske qosqanda ekranda Project Wizart jobalarynyń menejeri óziniń New Project terezesimen paıda bolady.. Tereze úsh qosymsha betten turady: New – Jańa jobalar, Existing – Qoldanystaǵy jobalar, Recent – Jaqynda paıdalanylǵan jobalar. New qosymsha betinde jańa qoldanba úshin shablon tańdaısyńdar.
Existing qosymsha betinde qoldanystaǵy jobany tańdaıǵa bolady. Bul senderdiń nemese basqa bireýdiń buryn dıskige jazylǵan jobasy bolýy múmkin. Sondaı – aq VISUAL BASIC komplektisinen áldebir úlgini tańdap alýǵa bolady.
Recent - qosymsha beti Existing qosymsha betine uqsas, biraq onda ózderiń sońǵy kezderde jumys istegen jobalar ǵana túsedi.
VISUAL BASIC - pen jumys isteýdi kez kelgen qosymshamen bastaýǵa bolady, alaıda biz jańa jobany bastap otyrmyz, sondyqtan Newqosymsha betindegi Standart EXE tańbashasyn eki márte shertińder, bul Project Wizart jobalarynyń menejeri jumysyn aıaqtaýǵa ákeledi. Ekranda Progect1 - Microsoft Visual Basic /desigh/ jańa jobasynyń únsizdik boıynsha menshiktelgen aty, ony kez kelgen ýaqytta ózgertýge bolady. Bul terezede mynalar bar: ol - terezeler, menúler, ınstrýmentter panelderi, olar - daıarlamanyń jınaqtalǵan ortasy dep atalady. IDE – Visual Basic - ti negizgi quraýshylardyń biri, onda daıarlanyp jatqan qoldanbalardyń quraýyshtary qurastyrylady jáne baǵdarlamanady. IDE birneshe elementterden turady:
• Basty menú;
• Instrýmentter paneli;
• Joba terezesi;
• Qasıetter terezesi;
• Pishin maketiniń terezesi;
• Elementter paneli;
• Pishinder konstrýktory;
• Obektilerdi qaraý terezesi
Basty menú dep Visual Basic terezesiniń joǵarǵy jaǵynda ornalasqan mátin jolyn aıtady. Ol senderge Windowstyń basqa qoldanbalary boıynsha tanys menúlerge óte uqsaıdy. Sol jaqta faıl menú tur. Ol qoldanbalaryńdy quraıtyn faıldarmen jumys isteýge arnalǵan. Onda jobalardy jasaýǵa, ashýǵa, basýǵa jáne saqtaýǵa bolady.