InfoHub Logo

Búgin «WorldSkills Kazakhstan 2019» - V respýblıkalyq kásibı sheberlik chempıonaty bastaldy. Oǵan elimizdiń 17 aımaǵynan 22 jasqa deıingi 400-den astam maman qatysýda.

«WorldSkills Kazakhstan 2019» – V Respýblıkalyq kásibı sheberlik chempıonaty jas kadrlardy ekonomıkanyń óndiristik sektoryna tartýǵa jáne eldegi tehnıkalyq jáne kásiptik bilimdi damytýǵa yqpal etedi.

Chempıonatqa qatysýshylar aldaǵy eki kúnde WorldSkills-tiń 38 mamandyǵy boıynsha saıysqa túsedi. Baıqaýǵa qatysýshylardyń jumysyn 500-ge jýyq sarapshy baǵalaıdy.

Aıta keteıik, sharanyń ashylý saltanatynda QR Bilim jáne ǵylym mınıstri Ashat Aımaǵambetov baıqaý qatysýshylaryna sáttilik tilep, atalǵan chempıonattyń el ekonomıkasy úshin mańyzy zor ekendigin atap ótti.

«Bul - shyn máninde elimiz úshin, respýblıkamyz úshin óte mańyzdy is-shara. Prezıdent Qasym-Jomart Toqaev bilim salasyna óte úlken kóńil bóledi. Memleket basshysynyń qabyldaýynda tehnıkalyq jáne kásiptik bilim salasyn damytý boıynsha naqty tapsyrmalar berdi. Sonyń ishinde WorldSkills qozǵalysyn damytý máselesin de kóterdi. WorldSkills mamandyǵyn bilim baǵdarlamalaryna engizý máselesi - bizdiń aldymyzda turǵan basty maqsat», - dedi mınıstr.

Chempıonattyń konkýrstyq bóligi 12-14 qarasha aralyǵynda Nur-Sultan qalasyndaǵy Táýelsizdik saraıynda ótedi. Jastardy kásibı baǵdarlaý maqsatynda Chempıonatqa mektep oqýshylary, kolej jáne joǵary oqý oryndarynyń stýdentteri, memlekettik organdar ókilderi, sheteldik jáne qazaqstandyq áriptester, kásiporyndar qyzmetkerleri men elimizdiń barlyq aımaqtarynyń kásiptik jáne tehnıkalyq bilim berý uıymdarynyń pedagogteri,sondaı-aq, basqa da múddeli taraptar qatysady.

WorldSkills-tiń ekonomıkamyzǵa mańyzdylyǵyn eskere otyryp, Qazaqstan Premer-Mınıstri Asqar Mamın osy qozǵalysty basqarý týraly sheshim qabyldaǵan bolatyn.

Atalǵan chempıonat bilikti kadrlardy daıarlaýǵa jańa ıdeıalar men trendter jasaýǵa, kásibı bilim sapasyn arttyrýǵa múmkindik beredi jáne kásibı sheberlik daǵdylaryn jetildirý ortalyǵyna aınalady.

Chempıonat mynadaı mamandyqtar boıynsha myqtylardy anyqtaıdy: «Kirpish qalaý», «Plıtkamen qaptaý», «Qurǵaq qurylys jáne sylaq jumystary», «Syrlaý jáne sándik jumystary», «Santehnıka jáne jylytý», «Elektromontaj jumystary», «Aǵash isi», «Dánekerleý tehnologıasy», «Elektronıka», «Sandyq baǵdarlamalyq basqarý bar stanoktar tokarlyq jumystary», «Kórneki merchendaızıng ı vıtrınıstıka», «Jeńil avtomobılderdi jóndeý jáne qyzmet kórsetý», «Kýzov jóndeý», «Prototıpteý», «Shatyr jumystary», «Mehatronıka», «Zerthanalyq jáne hımıalyq saraptaý», «Veb dızaın jáne ázirleý», «Grafıkalyq dızaın», «Jelilik jáne júıelik basqarý», «CAD ınjenerlik grafıkasy», «Bızneske arnalǵan IT sheshimder», «Uıaly robototehnıka», «Aqparattyq-kabeldik jeliler», «Internet zattar», «Óndiristik avtomatıka», «Ushqyshsyz ushý apparattaryn basqarý», «Meıramhanalyq qyzmet kórsetý», «Kondıterlik isi», «Aspaz isi», «Naýbaıhana isi», «Qonaq úıdi basqarý», «Medısınalyq jáne áleýmettik kútim», «Shashtaraz óneri», «Sán tehnologıasy», «Mektepke deıingi oqytý», «Bastaýysh synyptarda oqytý», «Florıstıka».

---