InfoHub Logo

Ejelgi Qazaqstan tarıhy 6 synyp
Taqyryby: Halyqtardyń uly qonys aýdarýy

Sabaqtyń maqsaty:
Bilimdik: Halyqtardyń uly qonys aýdarýy, ǵun joryqtarynyń mańyzy, tarıhtaǵy ǵundardyń oryn týraly aıta otyryp, Attılanyń ómirine toqtalý, jan - jaqty málimet berý.
Damytýshylyq: Memleketterdiń qalyptasýynyń alǵy - shartyn, onyń belgilerin anyqtaı bilýge daǵdylandyrý.
Tárbıelik: Tarıhı ańyz derekter negizinde balalardy ultjandylyqqa tárbıeleý, iri saıası tulǵany úlgi qylý.
Sabaqtyń ádisi: Aýyzsha baıandaý, suraq jaýap túrinde ótkizý.
Sabaqtyń túri: aralas
Sabaqtyń kórnekiligi: tirek - syzba, ınteraktıvti taqta
Pánaralyq baılanys: Etnologıa, antropologıa, dúnıe júzi tarıhy

Sabaqtyń barysy:
İ. Uıymdastyrý kezeńi (2 mınýt)
A) Oqýshylarmen amandasý
V) Oqýshylardyń sabaqqa qatysý deńgeıin anyqtaý
S) Ynta - zeıinderin sabaqqa aýdarý

İİ. Úı tapsyrmasyn tekserý (16 mınýt). Ǵundar tarıhy. Ǵun memleketiniń qalyptasýy taqyryby boıynsha suraqtar men tapsyrmalar arqyly ótilgen sabaqty tekserý. Ol boıynsha synyp 2 topqa «Qyran», «Suńqar» bólinedi.
1 - tapsyrma: Kesteni toltyr.
2 - tapsyrma: Syzbany toltyrý.
3 - tapsyrma: Sáıkestendirý (aýyzsha)
4 - tapsyrma: Sózderdi tolyqtyrý
5 - tapsyrma: Anagram qurý (aýyzsha).
6- tapsyrma: Test (aýyzshy)

1. B. z. b. 206 jyly Móde shanúı kimderdi baǵyndyrdy?
a) Úısinderdi.
b) Ǵundardy.
c) Vızantıany.
d) Qytaılardy.

2. Qytaı ımperatorlary ǵundar shabýylynan qalaı qorǵandy?
a) Uly Qytaı qabyrǵasyn turǵyzdy.
b) Eldi dýalmen qorshady.
c) Rım áskerlerin jaldady.
d) Salyq tóledi.

3. Ǵundardyń qoǵamy neshe rýǵa bólindi?
a) 24.
b) 25.
c) 14.
d) 15.

4. Jetisý men ońtústik Qazaqstandaǵy taıpalarda mońǵol tektes belgilerdiń paıda bolýy kimderdiń enýimen bastalady?
a) Mońǵoldardyń.
b) Túrkilerdiń.
c) Úısinderdiń.
d) Ǵundardyń.

5. Qańlylar men soltústik ǵundar arasyndaǵy odaqtyń buzylýynyń sebebi nede?
a) Kelisim ýaqytynyń bitýinde.
b) Qańlylardyń kúshtirek odaqtas tabýyna baılanysty.
c) Ǵundardyń qańlylarǵa baǵynǵysy kelmegendiginde.
d) Qańlylardyń ǵundarǵa baǵynǵysy kelmegendiginde.

6. Ǵundardyń quqyqtarynyń negizgi kózi ne boldy?
a) Qytaı zańdary.
b) Salt.
c) Babalar rýhyna tabyný.
d) Shanúıdiń tilegi.

7. Qaı taıpalardyń kóshýi «Uly kóshtiń» bastalýyna ákelip soqty?
a) Ǵundardyń.
b) Úısinderdiń.
c) Qańlylardyń.
d) Saqtardyń.

8. Berilgenderdiń qaısysy ǵundardyń Eýropada paıda bolýymen baılanysty emes?
a) Eýropanyń Rım ezgisinen azat etilýi.
b) Halyqtardyń uly qonystanýy.
c) Tildik toptaǵy ózgerister.
d) Qul ıelenýshilik qoǵamnyń ydyraýy.

9. Ǵundardyń áskeriniń negizin kimder qurady?
a) Jaldanbaly ásker.
b) Jaıaý ásker.
c) Atty ásker.
d) Sadaqshylar.

10. Ǵundardyń Eýropa elderine shabýylyn kim basqardy?
a) Toýmyn.
b) Móde.
c) Chjı - Chjı.
d) Attıla.

İİİ. Jańa sabaqty túsindirý (15 mınýt):
Jospar
1. Ǵundardyń qazaq jerine alǵash qonys aýdarýy.
2. Ǵundardyń joryqtarynyń mańyzy.
3. Edil patsha.

1. Ǵundardyń qazaq jerine alǵash qonys aýdarýy. Etnıkalyq quramy jaǵynan ár tekti kóshpeli taıpalardyń Ortalyq Azıadan Qazaqstan aýmaǵy arqyly batysqa qaraı jyljýy tarıhta – «Halyqtardyń uly qonys aýdarýy» dep atalady. B. z. b. 55 jyly ǵun memleketi ózara ishki tartystar men syrtqy qysymdardyń áserinen kúıreýge ushyrap, ońtústik jáne soltústik ǵundar memleketi bolyp ekige bólinedi. Memlekettiń ońtústik bóligin Hýanhe shanúı, al soltústik bóligin onyń inisi Chjı - Chjı basqardy. Soltústik ǵundardyń ordasy Monǵolıanyń soltústik - batysyndaǵy Qyrǵyz - Nur kóliniń mańyna ornalasady.