InfoHub Logo

Halyqtyń murasy – fızıka sabaǵynda
Qazaqstan Respýblıkasyndaǵy bilim berý salasyndaǵy basty mindetteriniń biri ulttyq erekshelikterdi eskere otyryp, shákirtterge tereń bilim men tárbıe bere otyryp, quzyretti jeke tulǵa tárbıeleý. Urpaǵyn oılamaıtyn el bolmaıdy. Onsyz ósip ónýi, órkendeý, ilgeri júrý joq. Halyqtyń oqý tárbıeligi negizgi maqsatty jalpy adamdy, eń aldymen balany sulýlyq dúnıesinen tanystyra otyryp tárbıeleý. Bul oqýshylardy ultjandylyqqa, halqyn qasterleýge, oǵan adamgershilikke, qaıyrymdylyqqa tárbıeleıdi. Bilim men tárbıeniń qaınar kózi - halyqtyq pedagogıka.

Halyq pedagogıkasynyń negizgi maqsaty – óziniń baı tarıhı tájirıbesine súıene otyryp keler urpaqty eńbekke, Otanyn súıýge, ar - namysyn qorǵaýǵa, izgi jaýapkershilik qasıetterge tárbıeleý. Qazaq halqy óziniń búgingi kúnin baǵalaıtyn, ótken ómirge kóz salý, tarıhı tájirıbeden sabaq alý, mádenı dástúrin, ómir saltyn zertteý, olardy urpaqtan - urpaqqa jetkizý máselesimen ustazdar qaýymy tikeleı aınalysýy kerek dep oılaımyn. Halyqtyq pedagogıkamen halyqtyq psıhologıa taǵylymdary paıdalaný, fızıka pániniń ár taraýynda oqýshynyń pánge qyzyǵýshylyǵyn, belsendiligin arttyryp jaqsy meńgerýge kómektesedi. Olardyń óz pikirin, oıyn ashyq aıtýǵa úıretedi.

Halyqtyq pedagogıkanyń taǵylymdary fızıka sabaǵynda qoldaný - onyń bilimdik jáne tárbıelik mańyzdylyǵyn júzege asyrady. Sonymen qatar halyqtyń sat - dástúrlerin qasterlep, oqýshylardy ulttyq maqtanysh rýhynda tárbıeleýge kómektesedi.

Mysaly: ata - babalarymyzdan kele jatqan kıiz úıdi alatyn bolsaq, «jylý ótkizgishtik» taqyrybyn ótý kezinde alýǵa bolady. Sebebi: jún, kıiz, túbit, ań terileri arasyndaǵy aýa qabattary bolǵandyqtan jylýdy nashar ótkizedi. Al jylýdy nashar ótkizetin zattar jylýdy saqtap otyrady.