InfoHub Logo

Synyptan tys jumys taqyryby: Informatıka bilgirleri men tapqyrlary
Maqsaty:
1. Aqparat jáne aqparattyq tehnologıaǵa baılanysty oqýshylardyń alǵan bilimderin nyǵaıtý, tıanaqtaý bir júıege keltirip, teksere otyryp, qorytyndylaý;
2. Oqýshylar óz oılaryn tıanaqty jete aıta bilip, sahnada ózderin sabyrly ári tártipti ustaýdy eskerip, qarsylastaryn tyńdaı bilýge tárbıeleý;
3. Oqýshylardyń kompúter týraly tolyq oı qalyptastyrý, oqýshylardyń tapqyrlyq, izdenimpazdyq qasıetterin qalyptastyrý, shyǵarmashylyqqa baýlý, pánge qyzyǵýshylyǵyn arttyrý.
Kórnekiligi: Interaktıvti taqta, slaıdtar, logıkalyq tapsyrmalar.
Qatysatyndar: 8 - 10 synyp oqýshylary (ár synyptan 6 oqýshydan)
Ótiletin orny: AKT zaly

Barysy:
Júrgizýshi: Qurmetti ustazdar men oqýshylar, kórermender, ádil - qazylar alqasy. «Informatıka bilgirleri men tapqyrlary» atty saıysymyzǵa qosh kelipsizder! Biz búgin 8 - 10 synyp oqýshylarynyń arasynan toptastyrylyp alynǵan úmitkerlerdiń saıysyn tamashalaımyz.
Mynaý ushqyr zamanda
Jańalyq endi ǵalamǵa
Kompúter tilin meńgerý
Qajeti týdy adamǵa

Saıys kezeńderi: Bul saıys 7 kezeńnen turady:
İ kezeń. «Tanystyrý» (komandalar óz atyn, uranyn jáne jasaǵan emblemalaryn tanystyrady).
İİ kezeń. «Kim epti?» (komandanyń bir múshesi shyǵyp, ózgelerge zattyq sıpattamany aıtady, komanda músheleri sıpattama boıynsha zat ataýyn tabý kerek)
İİİ kezeń. «Kim júırik?» (aldaryńyzǵa berilgen quraldar men jabdyqtardy derbes kompúterge jalǵaý kerek. Jalǵanǵan kompúter dybystyq, jeke faıldarmen jumysty qamtamasyz ete alýy tıis. Tapsyrmany oryndaýǵa 4 mınýt ýaqyt beriledi).

IV kezeń. Úı tapsyrmasy. Kompúterge baılanysty tanystyrylym qurý.
Sharty: tańdap alynǵan taqyryp boıynsha prezentasıa qurady. Bul prezentasıa jaı prezentasıa emes. Prezentasıa qurý barysynda anımasıalardy paıdalana otyryp, effekt berý. 1 bet bolatyn prezentasıa. 5 mınýt ýaqyt beriledi.
V kezeń. «Oıly bolsań ozyp kór». Internetpen jumys isteý qabiletterin anyqtaý maqsatynda ár komanda saıtta elektrondy pochta ashý, paról ózgertý, faıl jiberý kerek.
VI kezeń. «Tapqyrlyq» suraq - jaýap
Úİİ kezeń. «Shıratý» Kompúterdiń aınalasyndaǵy ázil - qaljyńdar.
VİIİ kezeń. Qorytyndy, marapattaý.

Saıysymyzdy bastamas buryn osy saıysymyzǵa ádil tóreligin beredi degen úmitpen shaqyrylǵan ádil - qazylardy tanystyraıyn.
1. Dırektordyń oqý isi jónindegi orynbasary Mambetıarova Jadyra apaı, Ahmetova Mıra apaı.
2. Dırektordyń baǵdarly isi jónindegi orynbasary Erkinbekova Ardaq apaı.
3. Dırektordyń tárbıe isi jónindegi orynbasary: Tólejanova Merýert apaı
4. Mektebimizdiń baǵdarlamashysy Muhtar aǵaı.
Bizde baldyq júıe 5, 10 dep alynyp otyr. 5 - bul jerde tómengi upaıdy bildiredi, 10 - eń joǵarǵy upaıdy bildiredi. Saıystyń ár kezeńinen keıin upaı sany birden berilip otyrady.
Ómirge ózek bolǵan naqty ǵylym
Álemge aqparattyń shashty nuryn.
Keledi tárbıelep erkin eldiń,
Erteńgi alǵyr qyzyn, tapqyr ulyn
Búgingi keshte óz bilimderimen saıysqa túskeli kelip otyrǵan saıyskerlerimizdi tanystyryp ótelik. 8 - 10 synyp oqýshylarynan qurylǵan «Google» toby, «Interfeıs» toby, «Evrıka» toby

İ kezeńi. Tanystyrý (komandalar óz atyn, uranyn jáne jasaǵan emblemalaryn tanystyrady).
Ómir degen kók muhıttyń tolqyny,
Bir - birimen jatqan shýlap, jalǵasyp,
Bir - birimen jatqan týlap arbasyp.
O tolqyndar, arpalysyp alǵa shyq.
Ómir degen máńgi gúldep jatatyn
Qushtarlyqtyń tolǵaǵy men kóktemi – dep T. Aıbergenov jyrlaǵandaı ómirdiń ózi saıys. Endeshe saıysymyzdyń kelesi kezeńine kezek bereıik.

İİ kezeńimiz «Kim epti?». Saıystyń sharty boıynsha árbir komandaǵa 6 sýret kórsetiledi. Komandanyń árbir múshesi shyǵyp, ózgelerge zattyq sıpattamany aıtady, komanda músheleri sıpattama boıynsha zat ataýyn tabý kerek. Árbir durys jaýapqa 10 upaı.
Armandarǵa qol sozýmen kelemiz,
Ómir teńiz júzip keledi kememiz.
Bilimmenen qarýlanǵan tobymyz,
Qarsylasty qalaıda biz jeńemiz, - dep, saıyskerlerimizge sáttilik tileımiz.
İİİ kezeń. «Kim júırik?». Aldaryńyzǵa berilgen quraldar men jabdyqtardy derbes kompúterge jalǵaý kerek. Jalǵanǵan kompúter dybystyq, jeke faıldarmen jumysty qamtamasyz ete alýy tıis. Tapsyrmany oryndaýǵa 4 mınýt ýaqyt beriledi.

IV kezeń. «Úı tapsyrmasy». Kompúterge baılanysty tanystyrylym qurý.
Saıystyń sharty: tańdap alynǵan taqyryp boıynsha prezentasıa qurady. Bul prezentasıa jaı prezentasıa emes. Prezentasıa qurý barysynda anımasıa, effekt berý otyryp, 1 bet bolatyn prezentasıa qurý. Qorǵaýǵa 5 mınýt ýaqyt beriledi.
V kezeń. «Oıly bolsań ozyp kór». Internetpen jumys isteý qabiletterin anyqtaý maqsatynda ár komanda saıtta elektrondy pochta ashý, paról ózgertý, faıl jiberý kerek.

VI kezeń. «Tapqyrlyq»
Kelesi kezeńdi bastaıyq
Uıashyqtardy ashaıyq.
Asyǵystyq qylmaımyz,
Upaılardy jınaımyz –
Bul kezeńde berilgen 1 mınýt ishinde durys ári jyldam jaýap berýi tıis. Ár durys jaýapqa 1 upaıdan beriledi.
İ top
1. Aqparatty shyǵarý qurylǵysy (Prınter)
2. Jalpy jelige qosylý úshin qajetti qurylǵy (Modem)
3. Aqparatty óńdeý qurylǵysy (Prosesor)
4. Dybys jazý qurylǵysy (mıkrofon)
5. Adam densaýlyǵyna zıandy kompúter qurylǵysy (Monıtor)
6. Oryndaýshy oryndaı alatyn komandalar tizbegi (Algorıtm)
7. Málimetter qorymen jumys jasaýda qoldanylmaıtyn uǵym (uıashyq)
8. Aqparattyń ólshem birligi (bıt, baıt)
9. Belgili bir atpen jazylǵan málimetter jıyntyǵy (faıl)
10. Derekterdi saqtaýǵa arnalǵan qurylǵy (jady)

İİ top
1. Kompúterdiń atasy dep kimdi aıtamyz? (Charlz Bebbıdj)
2. Kompakt dıskini oqýǵa arnalǵan qurylǵy (CD - ROM)
3. Dúnıejúzilik kompúter arasyndaǵy baılanys ortasy (Internet )
4. Kompúterde oryndalatyn programmalar qandaı toptarǵa jikteledi? (Júıelik, qoldanbaly, programmalaý).
5. Dúnıe júzindegi eń baı adam? (Bıll Geıts)
6. Atalǵan baıttar tizbegi (faıl)
7. Adam men kompúter arasyndaǵy qarym – qatynas (Interfeıs)
8. Vırýstyń keri áserin joıatyn programma (Antıvırýs )
9. Bos oryn qaldyrý pernesi (probel)
10. Standartty programmalar (Bloknot, Word Pad, Paint, Kálkýlátor)

İİİ top
1. Dıskilerdi oqý qurylǵysy (dısk engizgish)
2. Aqparat sózi qaı tilden shyqqan (latyn)
3. Aqparattyq prosesterdi júzege asyratyn negizgi qural (kompúter)
4. Adam kózi men monıtor arasyndaǵy ara qashyqtyq qansha bolý kerek? (60 - 70 sm)
5. 1 Kbaıt qansha baıtqa teń (1024 baıt)
6. Meńzerdiń sol jaǵyndaǵy sımvoldy óshiretin perne (Backspase)
7. Kompútermen jumys jasaýdy jeńildetetin qosymsha qurylǵy (tyshqan)
8. Sandardyń atalý jáne jazylý tásili (sanaý júıesi)
9. Eń alǵashqy programma jazǵan ǵalym (Ada Lavleıs)
10. Prınter túrleri (Lazerlik, matrısalyq, sıa búrikkish)
***************************
Úİİ kezeń. «Shıratý». Bul kezeńde ár komandanyń bir múshesi shyǵyp, kompúterge baılanysty 3 ázilin ortaǵa salady. Ázilderi unamaǵan toptar shyǵyp otyrady.
***************************
Kórermen jınalǵan bul tamashaǵa,
Qur qarap, jym otyrý jarasa ma,
Týys, dosqa, synyptas tanys emes,
Soq qolyńdy bilimdi jas talapqa.
Qolyńdy bekerge bos, soǵa berme,
Oısyz, soqyr sezimniń sońyna erme.
Zerdelep, suraq - jaýap sanańa túı,
Sonda ortaq bolasyń, bar jeńiske.

VİIİ kezeń. Qorytyndy, marapattaý.
Al ádil qazylar alqasy sizderdiń oılaryńyzdy bilsek. Osy saıysymyzdy qorytyndylaý úshin ortaǵa dırektordyń oqý – isi jónindegi orynbasary Mambetıarova Jadyra apaıdy shaqyramyz.
Informatıka nyq basyp ǵalamatta,
Oı bólisip zamandy saralapty.
Qosh bolyńdar, qymbatty kórermender,
Qaıta aınalyp kóriskenshe salamatta.
Búgingi keshimiz osymenen aıaqtaldy! Barshańyzǵa kóp - kóp rahmet!

Qyzylorda oblysy, Qyzylorda qalasy,
№4 S. Seıfýllın atyndaǵy orta mekteptiń
ınformatıka pán muǵalimderi Omarbekova S. K.
Kalıeva E. J.