InfoHub Logo

Toptamadaǵy oıyn taqyryptary:
1. Ǵajaıyp alań (slaıdymen)
2. Informatıka alǵyry (slaıdymen)
3. Juldyzdy sát
4. Info- Bıngo

«Ǵajaıyp alań» tanymdyq oıyny
Maqsaty:
Bilimdilik: Oqýshylardyń matematıka, fızıka, ınformatıka pánderinen meńgergen bilim deńgeıin anyqtaý, oılaý qabiletterin damytý, sóıleý mádenıetin jetildiry, bilimdi, jan - jaqty bolýǵa úıretý;
Damytýshylyq. Oqýshylardyń oı - órisin, qyzyǵýshylyǵyn, tanymdyq qabiletterin damytý. Logıkalyq oılaý arqyly tolyq jáne nanymdy jaýap berýge daǵdylandyrý, oılaryn durys tujyrymdap suraqtarǵa qorytyndy jasaı bilýge úıretý;
Tárbıelik. «Oqý ınemen qudyq qazǵandaı», – eńbekti súıe bilýge, óz ýaqytyn durys paıdalana alýǵa, uqyptylyqqa, tazalyqqa, shapshańdyqqa tárbıeleý.
Kórneki quraldar: qamshy, menzýrka, jumyrtqa, sý, tuz.

Armysyzdar ma, qurmetti ustazdar, oqýshylar jáne oıynǵa qatysýshy saıyskerler!

Oıyn tolqyn, aınalǵan qatty aǵysqa,
Tabylǵandaı tanymda, jat daýysta.
Bireý ozyp keledi qatarynan,
Bireý qalyp jatady asyǵysta.

Oıyn tolqyn jatqanda asyp, tasyp,
Bireý myǵym, bireýler shalys basyp.
Bul oıynnan ótedi ǵulama oılar,
Jeńse de, jeńilse de qalma jasyp.

«Bilekti birdi jyǵady, bilimdi myńdy jyǵady» degen dana halqymyz. Biz bilim teńizinen júzip ótkende ǵana elimizdiń tiregi, súıenishi bolamyz! Sondyqtan da búgingi «Ǵajaıyp alań» oıynyna qosh kelipsizder!

Oıynymyzdy bastamas buryn búgingi oıynǵa qatysýshylardyń bilimi men biliktilik sheberligin saralaý maqsatynda ádil – qazylar alqasynyń múshelerimen tanystyryp ótemiz.

Oıynnyń sharty: Oıynǵa 8 synyp oqýshylary qatysady. Ár toptyń óziniń urany, emblemasy bolady.
8 «A» synyp – Tapqyrlar toby
8 «Á» synyp – Bolashaq toby
8 «B» synyp – Asyltas toby
8 «V» synyp – Alǵyrlar toby
Ár toptyń top basshysy óz tobynyń urany men top múshelerin tanystyrady.
«Ǵajaıyp alań» tanymdyq oıyny bes kezeńnen turady.
1. «Asý»
2. «Ǵajaıyp úshtik»
3. «Polıglot»
4. «Tapqyrlyq»
5. «Shapshańdyq»

1 kezeń. Asý – bul kezeńde oqýshylarǵa matematıka, fızıka, ınformatıka pánderinen jalpy suraqtar beriledi. Jaýap berý úshin qoldarymyzdaǵy qamshymyzdy kóterip, jaýap beremiz. Árbir durys jaýap 5 upaımen baǵalanady.

Bilimniń ushqyrlyǵyn tanyp sen,
Asyp, tasyp, asyqpa, qalyspa sen.
Ýaqyt degen zymyrap, zýlap jatyr,
Shapshańdyq bul saıysta kerek eken.

1. Zarádtalǵan bólshekterdiń rettelgen qozǵalysy (tok)
2. Eki qabyrǵasy teń bolatyn úshburysh (teń búıirli)
3. Kompúterdiń atasy kim? (Ch. Bebbıdj)
4. Suıyqtyń býǵa aınalý qubylysy. (kebý)
5. Baspaǵa shyǵarý qurylǵysyn ne dep ataıdy? (prınter)
6. Kompúterdiń negizgi qurylǵylaryn ata (júıelik qorap, monıtor, pernetaqta)
7. Birlik aýdanǵa túsiriletin kúsh (qysym)
8. Kompúter janyndaǵy ósimdik (kaktýs)
9. Grafıkalyq aqparatty oqýǵa arnalǵan qurylǵy (skaner)
10. Óz suıyqtyǵymen dınamıkalyq tepe - teńdikte bolatyn bý (qanyqqan bý)