![Zámzám sýy](http://infohub.kz/uploads/thumbnail/20240119213532820_big.jpg)
- 14 sáý. 2015 00:00
- 250
Zámzám sýy
Dúnıejúzilik densaýlyq saqtaý uıymynyń (DDSU) málimdeýinshe álemniń eń paıdaly sýlarynan bolǵan zámzám sýynyń kóptegen syrlary, qazirgi tehnologıanyń damyǵan zamannyń ózinde de ashyla qoıǵan emes.
Bulaǵy tabylmaǵan sýdyń teńizden 80 kılometr alysta bolsa da jáne aınalasynda basqa eshqandaı qudyqtar bolmasa da ǵasyrlar boıy sýy sarqylmaı turýy zertteýshilerdi tań qaldyrýda. 1,5 metr tereńdikte bolǵan qudyqtan qajylyqta mıllıondaǵan qajylar sý ishse de, sýdyń deńgeıi esh azaımaıdy.
Evropada laboratorıalarda jasalǵan zertteýler nátıjesinde zámzám sýynyń quramynda óte az mólsherde kúkirt bar ekeni anyqtaldy. Al AQSHta jasalǵan test nátıjeleri boıynsha quramynda mıkroorganızm jáne bakterıa joq sý ekendigi anyqtaldy. DDSU tarapynan zámzám sýy álemdegi ishýge bolatyn jáne densaýlyqqa paıdaly eń jaqsy sý retinde jarıalandy.
Múbárák zámzám sýynyń qasıetteri:
♦ Sýlardyń eń jumsaǵy jáne eń ústemi. Qasıetti zámzám ishken adamdy toıǵyzady.
♦ Shóldegender ishse sýǵa qanady.
♦ İshken aýrýlar shıpaǵa qaýyshady.
♦ Paıǵambarymyzdyń júregi jýylǵan sý.
♦ Zámzámdi ishý súnnet.
♦ Qanǵansha ishý, ekijúzdilikten saqtaıdy.
♦ Qandaı nıetpen ishilse de shıpasyn kóredi.
♦ İshetin kezde qyblaǵa burylady.
♦ Bısmılláh aıtyp toıǵansha turyp ishedi.
♦ İsher kezde úsh ret dem alady.
♦ Taýaftyń sońynda ishý mústahab.
♦ Quramynda mıkrob, bakterıa joq.
♦ Quramynda kúkirt óte az.
♦ Kálsı jáne magnıı tuzdarynyń mólsheri kóp.Múkter men parazıtter joq.
♦ Myńdaǵan jyldar boıy qansha ishilse de jáne qanshama syrtqa áketilse de azaıaǵan emes.