InfoHub Logo

Mańǵystaý oblysy,
Beıneý aýdany,Ústirt orta mektebiniń
bastaýysh synyp muǵalimi Qarjaýbaeva Záýresh

Sabaqtyń taqyryby: Zat esim.
13-18-jattyǵýlar.
Sabaqtyń túri: aralas (İ kezeń – 5 mınýt; İİ kezeń – 25 mınýt; İİİ kezeń – 15 mınýt)

1. Sabaqtyń maqsaty:
Bilimdilik: zat esimniń túrlerimen jáne olardyń jasalý joldaryn óz betimen anyqtaýyna, zat esimniń jasalýyndaǵy erekshelikterdi ózindik jumystar arqyly meńgerýine, jattyǵý jumystaryn oryndaǵanda alǵan bilimin óz betimen qoldana alýyna jaǵdaı týǵyzý;
Tárbıelik: óz betinshe derbes jeke jumys jasaýǵa, jaýapkershilikti sezine bilýge, nátıjege jetýge umtylý úshin bilim básekesine túsýine, ózindik shyǵarmashylyq izdenimpazdyqqa,erinbeı eńbek etýge jáne jergilikti erekshelikterdi, ulttyq erekshelikterdi, ana tiliniń qundylyǵyn eskeretin, olardy kúndelikti ómirde qoldanýǵa baǵyttalǵan tapsyrmalar berý arqyly tárbıeleý;
Damytýshylyq: árbir oqýshynyń úsh deńgeılik tapsyrmalardy birtindep oryndaýyna jaǵdaı jasaý arqyly onyń qabiletine sáıkes jeke quzyrlyǵyn damytý.
2. Sabaqtyń mazmuny: İ –İİİ kezeńdik tapsyrmalar (tómende oqýshynyń jumys dápterinde jáne muǵalimge arnalǵan jaýaptar - kiltinde berilgen)
3. Sabaqtyń ádis-tásili:
İ kezeńde – suraq-jaýap;
İİ kezeńde – a) oqýlyqpen óz betimen izdený ádisi; b) dıskýssıa; v) praktıkada bekitý ádisi.
İİİ kezeńde – úsh deńgeılik tapsyrmalardy óz betimen birtindep oryndatý arqyly baǵalaý ádisteri.
4. Formasy:
İ kezeńde – frontaldy, jeke;
İİ kezeńde – a) toptyq; b) frontaldy; v) ujymdyq.
İİİ kezeńde – jeke.
5. Kórnekilikter:
İ kezeńde – jumys dápteri, taqtadaǵy «ashyq jýrnal», muǵalim men oqýshylardyń jeke jýrnaldary;
İİ kezeńde – a) oqýlyq; slaıdtar, On-line taqtasy
b) oqýlyq, jumys dápteri
v) oqýlyq, jumys dápteri, taqta, bor.
İİİ kezeńde – jumys dápteri, taqtadaǵy «ashyq jýrnal», muǵalim men oqýshylardyń jeke jýrnaldary.

Sabaqtyń ótý barysy:
İ kezeńde:
a) uıymdastyrý;
b) úı tapsyrmasyn tekserip taqtadaǵy ashyq jýrnalǵa belgileý;
v) «kópir tapsyrmalaryn» tekserý.

Bul saıahatshy Dara men Botıdyń bastan keshken oqıǵalary.
- Balalar, búgingi sabaq bizder úshin erekshe ótedi. Sebebi Dara jáne Botımen birge saıahatqa shyǵamyz. Saıahatqa shyqpas buryn biz qaqpadan ótýimiz kerek. Ol úshin úı tapsyrmasyn tekseremiz.

- Birinshi kezeń – kópir tapsyrmasyn oryndaımyz. Bul úı tapsyrmasyn qorytyp, jańa taqyrypqa jeteleıdi.
- Ne kórip turmyz?

- Buzylǵan kópir.
- Ony jóndeý úshin ótken sabaqtaǵy İİİ kezeńniń ekinshi, úshinshi deńgeıdegi tapsyrmalardy aıaqtap, óz pikirlerińdi jazyp kelý tapsyrylǵan bolatyn. Búgingi sabaqta kópir tapsyrmasy. sol bilimderińdi tekserý jáne jańa taqyrypqa baılanystyrý maqsatynda berilgen kópir tapsyrmany sátti oryndaýymyz kerek. Oryndaǵandarymyz sıgnal taıaqshalarymyzben belgileımiz. Ol úshin kórshi otyrǵandar birin-biri tekseredi. Durys oryndalǵanyna kózderiń jetse - qyzyl, shala bolsa – jasyl. (Baǵalaý)

İİ kezeńde:
a) oqýshylardyń topta óz betimen jumys dápterinde berilgen jeteleýshi tapsyrmalarǵa oqýlyqtan jaýap izdeýi. Muǵalimniń taqtadaǵy «ashyq jýrnaldaǵy» aldynda ótken taqyryp boıynsha jınalǵan jalpy upaı sanyn óziniń jeke jýrnalyna jáne synyp jýrnalyna baǵa túrinde tirkeýi.
b) muǵalimniń kómegimen zat esimniń túrleri men onyń jasalý jolynyń erekshelikterine baılanysty dıskýssıa júrgizý;
v) taqtamen, oqýlyqpen jeke jumys.

- Balalar, ekinshi kezeńge ótý úshin bizge otarbaǵa miný kerek. Ekinshi kezeń jańa taqyrypty óz betimen meńgerý kezeńi. Tapsyrmalary belgili. Mátindi oqyp, zat esimderdi taýyp, syzbany toltyramyz. Óz betimen jumys jasaımyz. Kelesi tapsyrmany tez toltyramyz.

- Oryndadyq Dara men Botı qýandy. Saıahatty jalǵastyrady. Tapsyrmalardy oryndasańdar árqaısysyń juldyzǵa ıe bolasyńdar.Kelesi tapsyrma baǵyt syzyqtary arqyly kóptik jalǵaýlaryn taýyp qosyńdar. Ary qaraı biz oqýlyqpen jumys júrgizemiz.(Berilgenin oqytyp,taqtamen jumys jasalady)
İİİ kezeńde – durys oryndalǵan deńgeılik tapsyrmalardy muǵalimniń tekserýinen keıin oqýshylardyń ózine taqtadaǵy «ashyq jýrnalǵa» belgiletip otyrý, jıǵan alǵashqy upaılaryn qorytý, olardy oqýshylardyń jeke jýrnaldaryna tirketý jáne qalǵan tapsyrmalardy úıde aıaqtap kelýge berý. Úsh deńgeıdi tolyq oryndaǵan oqýshyǵa tórtinshi deńgeıdiń olımpıadalyq nemese ǵylymı jobadan fragment tapsyrmalaryn berý. Qosymsha, kelesi taqyryptyń birinshi kezeńindegi «kópir tapsyrmalaryn» oryndap kelýge berý.

- Sergitý sáti
- Saıahatymyzdy jalǵastyramyz. Balalar bizdiń aldymyzda kedergi tur. Ol - Trol tapsyrmasy. Joǵaryǵa óz oıyńdy jaz degen tapsyrmada sózdiń quramy meńzelip tur. Iaǵnı sózdiń túbir men qosymshadan quralǵanyn eskere otyryp, sózdiń suraqtary men qurylymynda qandaı ózgeriske ushyraǵanyn jazyńdar.
- Balalar Trol tapsyrmasyn oryndap bolǵan soń sıgnal taıaqshalaryn kóterińder. (ashyq jýrnalǵa belgilep, juldyzshalar taratylady. )
- Úshinshi kezeń shyǵarmashylyq deńgeıge keldik.
-
- Balalar ne kórip turmyz? Dara men Botı saıahatty atpen jalǵastyrýda. Aldynan ne kórindi?
- Úńgir. Odan ótý úshin birinshi deńgeıdiń tapsyrmasyn oryndaımyz. Sıgnal taıaqshasyn kóteremiz.
- Joldaǵy iri tastardan ótý úshin kelesi tapsyrmany oryndaımyz.
- Úıge jetý úshin tapsyrmalar oryndaımyz. (sıgnal taıaqshalaryn kóteremiz juldyzshalar beremiz)
-
Qorytyndy:
- Balalar biz Dora men Botımen júrip jańa sabaqty meńgerdik.Oǵan bizge dálel ashyq jýrnaldaǵy +,- belgileri.12 bal- 5, 9bal- 4, al 3 degen baǵa joq. 5 bal alǵandar kelesi sabaqtyń kópir tapsyrmasymen tolyqtyrylady. (oqýshylar baǵalanady)

Úıge tapsyrma:
- Úıge 3-deńgeı tapsyrmalaryn oryndap kelesi sabaqtyń kópir tapsyrmasyna baǵalanýǵa daıyndalyp kelemiz.
Saý bolyńdar,balalar! Dara men Botıda bizben qoshtasýda.