InfoHub Logo

Maqsaty:
Bilimdiligi: Zat esim, olardyń jazylý emlesi týraly 2 - synypta ótken bilimdi eske túsirý jáne keńeıtý.
Tárbıeliligi: Oqýshylardyń bir - birine degen syılastyq, jyly sezimderi týdyrý, izdenimpazdyqqa, uıymshyldyqqa, adaldyqqa tárbıeleý.
Damytýshylyǵy: Gramatıkalyq tapsyrmalar arqyly sózdik qorlaryn, tilin, saýatty jazý, elestetý arqyly shyǵarmashylyq oılaý qabiletin damytý.
Sabaq tıpi: Jańa sabaqty meńgertý
Sabaq túri: Aralas sabaq
Sabaq ádisi: Suraq - jaýap, áńgimeleý, qyzyǵýshylyqty oıatý, taldaý, jınaqtaý.
Sabaq kórnekiligi: sýretter, kespe qaǵazdar, ereje jazylǵan plakat,
ınteraktıvti taqta.

İ. Uıymdastyrý kezeńi.
Synyp urany:
Qaıyrly kún dep aıtamyz,
Túste birge qaıtamyz.
Otbasynyń gúlimiz,
Kóńildi ótsin kúnimiz!

İİ. Úı tapsyrmasyn tekserý
7 - jattyǵý. Sózder men sóz taptaryn sáıkestendirý.
1. Biz neni bilemiz? Ótken taqyrypqa toqtalý
Sóz taptary týraly oqýshylardan suraý.
Ár sóz tabynyń erejesine toqtalý, 2 - shi synyptaǵy ótilgen materıaldardy eske túsirý.

2. Oılan, tap:
3. Oıymyzdy jınaqtaıyq:
Sózder ------- Durys jaýaby --------- Sóz taptary
kóılek ----------------------------------- Syn esim
oqydy ------------------------------------ Zat esim
besinshi ------------------------------------ Etistik
sýyq -------------------------------------- Zat esim
qar --------------------------------------- San esim

İİİ. Jańa sabaq. Zat esim
1 - jattyǵý
Sýretterge qara. Sýrettegi qustardyń atyn bilmegen jaǵdaıda, olardy bilý úshin qandaı suraq qoıasyń?
* Bul ne? Sóılemde suraýlyq maǵyna berip turǵan sóz qaısy?
* Ne? Suraǵyna jaýap berip turǵan sózderdi ata.
*Kim? Suraǵyna qandaı sózder jaýap beredi?

Oqýshylar 2 - shi synypta ótken «Zat esim» týraly erejeni eske túsiredi.
Ereje: Zattyń atyn bildiretin sóz tabyn zat esim deımiz. Zat esimderge kim? ne? kimder? neler? degen suraqtar qoıylady.
Mysaly: aspan, ustaz, kóılekter, oqýshylar.

İÚ. Sergitý sáti
4. «Kim shapshań?» oıyny.
2 - jattyǵý. Sýretke qarap, zat esimderdi taýyp aıtý.
- Tapqan zat esimderińe qoıylatyn suraqtardyń ár basqa ekenin dáleldep kórý.
Kim? ----------- Ne? --------------- Kimder? ------------- Neler?
bala ----------- qarbyz ---------- balalar ------------- jemister
qyz ------------- kese ------------- oqýshylar ----------- ydystar

5. Taqtamen jumys.
3 - jattyǵý. Mátindi kóshirip jaz.
Qys. Qaqaǵan aıaz. Qalyń qar jándik bitkendi jatqan inderinen shyǵarmaı tastady. Ashyqqan túlki tún jamylyp aýyldyń mańyn torydy. Ol taýyq tárizdi ońaı olja aýlaýǵa kiristi. (J. Sadyqov)
* Mátinnen zat esimderdi taýyp, astyn syz.
* Zat esimderge suraq qoı.

6. Óz betindik jumys.
4 - jattyǵý. Kóp núkteniń ornyna tıisti zat esimdi qoıyp, kóshirip jaz.
Tórt túlik:...,...
Ańdar:...,...
Qustar:...,...
Otbasy músheleri:...,...

7. Kim zerek?
5 - jattyǵý. Oqy, ár qatardaǵy sózderdi jınaqtap bir sózben qalaı aıtýǵa bolatynyn aıt.
Túıe, jylqy, sıyr, qoı, eshki -...
Kese, qasyq, qazan, ojaý, tostaǵan -...
Qıar, sábiz, qyzylsha, qaýyn, qarbyz -...
*Sózderge suraq qoı.

Ú. Sabaqty bekitý.
ZAT ESİM
↓
Kim? kimder? Ne? Neler?
Zattyń atyn bildiredi
Jalpy, jalqy
Negizgi, týyndy

Úİ. Úıge tapsyrma: 6 - jattyǵý, ereje jattaý.
Úİİ. Baǵalaý.