InfoHub Logo

«Zerde» ıntellektýaldyq oıyn
Maqsaty: oqýshylardyń tanymdyq qabiletin arttyryp, ıntellektýaldy, ónerli de jigerli, shyǵarmashyl, erkin oılaı alatyn jeke tulǵa etip tárbıeleý. Oqýshylardyń bilimderin pysyqtaý. Alǵan bilimderin saralaı otyryp, oqý is – áreketine degen qyzyǵýshylyqtaryn arttyrý.
Kórnekiligi: túrli tapsyrmalar, jumbaqtar, maqal - mátelder slaıd.
Túri: saıys

Barysy:
Júrgizýshi: Qaıyrly kún, qadirli kórermender! «Zerde» ıntellektýaldyq oıynyna qosh keldińizder! Búgin oıyn saıys túrinde ótedi. /oqýshylar ortaǵa shyǵady/
Júrgizýshi:
Ýa, halaıyq, halaıyq,
Bárińe jar salaıyq!
Búgin saıys tórine,
Esep sheship talasyp,
Jumbaq aıtyp ańdysyp,
Shabyt tasyp shalqysyp,
Keń peıildi jigermen,
Keldi mine kóp bilgen,- demekshi endi kópshilik qaýym, kúsh jigeri shalqyǵan, bul jeńis meniki dep artynǵan oqýshylardy ortaǵa shaqyraıyq.

Jospary: Saıys úsh bólimnen turady:
1. « Ǵajaıyp jetilik» apta kúnderin tańdaý arqyly suraqtarǵa jaýap berý.
2. «Doda» uıashyqtar tańdaý arqyly suraqtarǵa jaýap berý
3. «Báıge» jumbaqtar sheshý, maqaldardy jalǵastyrý.

Júrgizýshi: Endi saıyskerlerimizdiń bilimi men ónerine baǵa beretin ádil qazylar alqasymen tanysyp óteıik.

Oıyn barysy boıynsha saıysta senderge ártúrli qyzyqty suraqtar men tapsyrmalar usynylady. Saıysta jeńý úshin sender belsendilik tanytyp, berilgen suraqtarǵa ózgelerden tezirek oılanyp, jaýap berýlerin qajet.

Júrgizýshi:
Ómirde oılap tursań, bári de esep,
Aýyrsań, ishetuǵyn dári de esep.
Esepsiz súrgen ómir mazmunsyz aý,
Dúnıeniń bar tulǵasy esep desek,- dep, « Ǵajaıyp jetilik» bóliminde árkim óz tańdaǵan uıashyqtaryndaǵy apta kúnderiniń berilgen suraqtaryna jaýap beredi. /ár durys jaýapqa 1 - upaı/

Dúısenbi:
1. Keńistikti qalaı baǵdarlaımyz?
2. 1 - den, 10 - ǵa deıin ósý retimen sana.
Seısenbi:
1. Zattardy ólshemi boıynsha qalaı salystyramyz?
2. 1 - den, 10 - ǵa deıin kemý retimen sana.
Sársenbi:
1. 10 - ǵa deıin rettik sanaý.
2. 5 - sanynyń kórshilerin tap.
Beısenbi:
1. 12 - sanynan keıin qandaı san turady dep oılaısyń?
2. Qandaı sandardy eki tańbaly sandar deımiz?
Juma:
1. Salystyrýdyń qandaı tásilderin bilesiń?
2. 10 11 sandardy salystyr.
Senbi:
1. 1 - aptada neshe kún bar?
2. 1 - den, 20 - ǵa deıin ósý retimen sana
Jeksenbi:
1. 1 - den, 10 - ǵa deıin Reti boıynsha sana
2. 15 19 sandardy salystyr.

Júrgizýshi:
Búgingi kún saıysta,
Eshkimnen sen qalyspa,
Bilimi kimniń kóp bolsa,
Sol ozady saıysta,- degendeı kelesi bólimimiz «Doda» dep atalady.
Bul bólimde pán ataýlary jazylǵan uıashyqtardy tańdap, uıashyqta jasyrylǵan suraqtarǵa jaýap beredi. Oılanýǵa ýaqyt beriledi. Ár durys jaýapqa 5 upaıdan.
1 - kitap:
1. Sóılemniń neshe túri bar? / 3 - túri bar /
2. Baqa sózinde neshe býyn bar? /2 - býyn /
2 - kitap:
1. Dybysty neshege bólemiz? /daýysty, daýyssyz /
2. A - dybysy qandaı dybys? / daýysty jýan /
3 - kitap
1. Sóz degenimiz ne?
2. N - dybysy qandaı dybys?
4 - kitap
1. Tabıǵatta ózin - ózi ustaý erejesin aıtyp ber.
2. Q. R. Memlekettik rámizderin ata.
5 - kitap
1. Qandaı mamandyq ıelerin bilesiń?
2. Otbasy múshelerin ata
6 - kitap
1. Oqýǵa qajetti quraldardy ata
2. Dene tazalyǵy úshin qandaı zattar qajet
İİİ - týr Báıge:
Jumbaqtar:
1. Sansyz oılar betimde,
Saırap jatyr bar tilde.
Kerekpin men ár kúnde
Óshpeıdi bir árpim de \kitap\

2. Tili joq ózinde,
sózi bar izinde. \qalam

3. Qate jazyp jańylsań,
Tazalaıdy ol bárin \óshirgish\

4. Ózi tas, ózi aq
Dámin tatsań ashshy - aq. \tuz\
5. Arqama asamyn,
Mektepke asyǵamyn. \sómke\
6. Qabat – qabat qattama,
Aqylyń bolsa attama. \kitap\

Maqaldy jalǵastyr:
1. Eńbek adamdy ósiredi,
Jalqaýlyq adamdy óshiredi.
2. Jaqsynyń jaqsylyǵyn aıt, nury tasysyn.
3. Kitap – asyl dos
4. Mektebim – altyn besigim
5. Jaqsydan úıren,
Jamannan jıren

6. Oqýsyz bilim joq
Bilimsiz kúniń joq.

Júrgizýshi:
Jarystyń sońǵy sáti taıap qaldy,
Demeńizder biz ónerdi aıap qaldy.
Ádilqazy, sizderge sóz beremiz,
Jeńimpazdar kim bolyp saraptaldy?
Qorytyndy:
Qorytyndy shyǵarý úshin sóz kezegin qazylarǵa beremiz. Ádilqazy alqasyna sóz berý.