InfoHub Logo

ءبىلىم بەرۋ سالاسى: تانىم
وقۋ ءىس – ارەكەت ءتۇرى: ماتەماتيكا
تاقىرىبى: «1، 2، 3، 4، 5 سيفرلارى تۋرالى وتكەندى پىسىقتاۋ»

ماقساتى:
ا) 1 - دەن 5 – كە دەيىنگى ساندار تۋرالى وتكەندى پىسىقتاۋ؛
ءا) گەومەتريالىق فيگۋرالاردى تابۋ قابىلەتىن دامىتۋ؛
ب) لوگيكالىق تاپسىرمالاردى شەشۋدى ۇيرەتۋ؛

موتيۆاسيالىق - قوزعاۋشىلىق: امانداسۋ
قۋان، شاتتان! الاقاي!
قۋاناتىن كۇن كەلدى!
قايىرلى تاڭ،
قايىرلى كۇن.
كۇلىپ شىقتى كۇن بۇگىن.

ۇيىمداستىرىلعان وقۋ ءىس - ارەكەت بارىسى:
تاربيەشى: جارايسىڭدار! بالالار، بۇگىن ءبىز ءۇشىن ەرەكشە ساباق. بىزگە بۇگىن كوپ قوناقتار كەلىپتى.
- بالالار ءقازىر جىلدىڭ قاي مەزگىلى؟
- كوكتەم.
- كوكتەم مەزگىلىندە نەشە اي بار؟
- 3 اي
- ناۋرىز، ءساۋىر، مامىر.

قىزىقتى ءسات.
جۇگىرىپ قويان كىرەدى. قولىندا سىيلىعى بار.
قويان: سالەمەتسىزدەر ما! بالالار.
تاربيەشى: سالەمەتسىز با قويان، كوڭىلدىسىڭ عوي؟
قويان: يا بالالار بۇگىن مەنىڭ تۋعان كۇنىم، ماعان قاسقىر سىيلىق بەردى.
تاربيەشى: سىيلىعىڭدى بىزگە كورسەتەسىڭ بە؟ قاسقىر ساعان نە سىيلادى ەكەن؟
قويان: بىلمەدىم؟ ەندەشە سىيلىقتى بىرگە اشىپ كورەيىك.
قويان: وي بالالار مىنا قوراپتىڭ ىشىندە دىم جاق قوي! سوندا مەنى قاسقىر الداعانى ما؟
تاربيەشى: قويان توقتا رەنجىمە قوراپتىڭ ىشىندە حات جاتىر. حاتتى اشىپ كورەيىك.
تاربيەشى: قويان قاسقىر ساعان تاپسىرمالار بەرىپتى سول تاپسىرمانى ورىنداساڭ سىيلىعىڭدى تاباسىڭ دەپتى.
قويان: قانداي تاپسىرما؟
تاربيەشى: تاپسىرما ماتەماتيكا ساباعىنا بايلانىستى ەكەن.
قويان: وووووي، بالالار تاپسىرمانى ورىنداۋعا ماعان كومەكتەسەسىڭدەر مە؟
تاربيەشى: بالالار قويانعا كومەكتەسەمىز بە؟
1 تاپسىرما: «سان قاتارى»
بالالارعا جەكە كارتوچكالار تاراتىلىپ بەرىلەدى.
0.... 2.... 4..... 1..... 3..... 5
5.... 3.... 1......... 4..... 2..... 0

2 - تاپسىرما: «قاي پىشىنگە ۇقساس؟»
جەكە كارتوچكالاردا زاتتاردىڭ سۋرەتتەرى بەرىلەدى. جانىنداعى بوس توركوزگە قاي پىشىنگە ۇقساس ەكەنىن سالىپ كورسەتەدى.

3 - تاپسىرما:
ەكى قاز ۇشىپ بارادى،
بيىكتەن تومەن قارادى.
اياق نەشەۋ، باس نەشەۋ؟
جاۋابىن كىم تابادى؟

الما باعى جايناعان،
قىزىل الما اينالام.
الدىم ءۇزىپ ەكەۋىن،
تاعى دا الدىم ەكەۋىن،
الدىم سوندا نەشەۋىن؟

سەرگىتۋ ءساتى:
كەل سانايىق، ەكەۋمىز.
باس بارماعىم - پاپام،
بالاڭ ۇيرەك - اپام.
ورتان تەرەك - اعام
شىلدىر شۇمەك - مەن
تيتتەي بوبەك - سەن.
ءبىر ۇيدە ءبىز نەشەۋمىز؟
ءبىر ۇيدە ءبىز بەسەۋمىز.

تاربيەشى: مىنە، بالالار، ساباققا وتە جاقسى قاتىستىڭدار. قويانعا كوپ كومەك كورسەتتىڭدەر. قاسقىردىڭ تاپسىرمالارىن ورىنداپ قوياننىڭ سىيلىعىن تاۋىپ بەردىڭدەر. وزدەرىڭنىڭ ويلارىڭدى، تاپقىرلىقتارىڭدى، قيىندىقتان قورىقپايتىندارىڭدى كورسەتتىڭدەر. جارايسىڭدار بالالار.