InfoHub Logo

ۇيىمداستىرىلعان وقۋ ىس-ارەكەتىنىڭ تەحنولوگيالىق كارتاسى
بىلىمدىك ايماعى: تانىم
ءبولىمى: ماتەماتيكا
تاقىرىبى: 1-دەن 5-كە دەيىنگى سانداردى قايتالاۋ
ماقساتى: ب.م: ساننىڭ قۇرامىن، تاڭبالارىن قايتالاۋ، العان بىلىمدەرىن بەكىتۋ، ويىن ارقىلى بىلىمدەرىن جەتىلدىرۋ.
د.م: بالالاردىڭ ءوي-ورىسىن دامىتۋ، ويىن ارقىلى ويلاۋ قابىلەتتەرىن ارتتىرۋ
ت.م: بالالاردى ۇلكەندى سىيلاۋعا، ءتىلىن الۋعا، كىشىگە قامقور بولۋعا تاربيەلەۋ
ىس-ارەكەت كەزەڭى
تاربيەشىنىڭ ارەكەتى. بالا ارەكەتى
موتيۆاسيالىق وياتۋشىلىق
تاربيەشى بالالاردى «بۇگىنگى كۇنىمىزدى باستايىق» اتتى شاتتىق شەڭبەرگە تۇرعىزادى.
كۇندەي جادىرا
ايداي ارايلاپ
جۇلدىزداي جارقىراپ
سۋداي ءمولدىر، تازا كوڭىلمەن
بۇگىنگى كۇنىمىزدى باستايىق!

ۇيىمداستىرۋشىلىق ىزدەنۋشىلىك
بۇگىن ءبىز سەندەرمەن ەرتەگىلەر ەلىنە ساياحاتقا شىعامىز. ماتەماتيكا ساباعىندا بۇگىنگە دەيىن نە ۇيرەنىپ، نە بىلگەنىمىزدى ەسكە ءتۇسىرۋىمىز كەرەك. ەرتەگى جەلىسى بويىنشا تاپسىرمالار بەرىلەدى.

«راۋشان مەن اسان» وقيعاسى

1- تاپسىرما: ورماندا ورمانشىنىڭ ءۇيى بار. ونىڭ راۋشان مەن اسان اتتى ەكى بالاسى بار ەكەن. راۋشان 5 جاستا، ال اسان ودان ەكى جاس كىشى. سوندا اسان نەشە جاستا ەكەن؟(3 جاستا)
ەندەشە اسان كىشكەنتاي ەكەن.
ءبىر كۇنى ەكەۋىنىڭ اكە-شەشەسى قىدىرىپ كەتەدى، كەتەردە راۋشانعا اساندى تاپسىرىپ كەتەدى. ەسىك الدىندا ويناپ وتىرىپ، راۋشان كەتىپ قالادى. سول كەزدە اساندى «عاجايىپ» اققۋ ۇشىپ كەلەدى دە الىپ كەتەدى. راۋشان كەلىپ ءىنىسىن ىزدەيدى. ءۇيىنىڭ جانىندا الما اعاشى بار ەدى. سودان سۇرايدى:
- الما اعاشى، مەنىڭ ءىنىمدى كوردىڭ بە؟ ءىنىمدى ىزدەپ تابۋعا كومەكتەسشى –دەيدى.
- سوندا الما اعاشى بىلاي دەپ جاۋاپ بەرەدى. كومەكتەسەيىن، ءبىراق سەن دە ماعان ءبىر كومەگىڭدى بەر. مىناۋ المالارىم قىپ-قىزىل بولىپ ءپىسىپ، باسىمدى كوتەرە الماي تۇرمىن. مەنىڭ المامدى جيناۋعا كومەكتەس. (راۋشان الماسىن جيناسادى)
قانە، بالالار ءبىز دە، راۋشانعا كومەكتەسەيىك.

1 تاپسىرما: ءۇي سالۋعا قانشا فيگۋرا قاجەت؟ سۋرەتتە نەشە ءۇشبۇرىش بار؟
- ءبىراز جۇرگەن سوڭ راۋشان ءبىر وزەنگە كەزدەسەدى. وزەن بالىقتارىن سۋعا سالۋدى تاپسىرادى.

2 تاپسىرما: كورشى ساندى جاز.
سەرگىتۋ ءساتى: 1 دەگەندە تۇرايىق
2، 3، 4 الاقاندى سوعايىق
وڭ جاققا بۇرىلىپ
سول جاققا بۇرىلىپ
ءبىز شىنىعىپ الايىق
- راۋشان ەگىستىك القاپقا كەلەدى. ەگىستىك القاپ: ماتەماتيكالىق جۇمباق –ەسەپتەر شەشسىن، سودان كەيىن بارىپ، مەنىڭ ەگىستىك القابىمنان وتەسىڭ دەيدى.
بەستەن ءتورتتى الايىق
قانشا قالدى قارايىق
قارايىق تا سانايىق
سانايىق تا تابايىق

-3 تاپسىرما: لوگيكالىق ەسەپ شىعارۋ.
قاراپ ال دا، ساناپ ال
ەكى ەشكىنىڭ ءمۇيىزى قانە؟
قانشا بولادى؟
- تاباقتا ءۇش الما
قولىمدا ەكى الما
قوسقاندا بارلىعىن
بولادى نەشە الما؟
- راۋشان اق اجەگە كەزدەسىپ، سالەم بەرەدى. سالەمەتسىز بە اجە؟
- نەگە رەنجىپ كەلەسىڭ؟ ءىنىمدى جوعالتىپ الدىم، كومەكتەسىڭىزشى! ۇلكەن كىسى تاياققا سۇيەنبەسە ورنىنان كوتەرىلىپ جۇرە المايدى. سەن ماعان مىنا «سيقىرلى تاياعىمدى» الىپ بەرىپ جىبەرشى.
- ساندارعا بايلانىستى كوڭىلدى ساناماقتار ايتقىزۋ.
- اق اجە: مەنىڭ تاياعىمدى الىپ بەردىڭ، كوپ راقمەت!ۇلكەندى سىيلاي بىلەتىن ءتارتىپتى بالا ەكەنسىڭ. ءبىراق سەن كىشكەنتاي ءىنىڭدى جالعىز تاستاپ كەتكەنىڭ دۇرىس بولمادى. مەن «عاجايىپ اققۋىمدى» جىبەرىپ، ءىنىڭدى الدىرتتىم. ەكىنشى بۇلاي ەتۋشى بولما.
سەن ۇيىڭە قايتا بەر، ءىنىڭدى ۇيىڭە جەتكىزىپ سالامىز دەيدى. راۋشان ۇيىنە كەلسە، ەسىك الدىندا ءىنىسى وتىر. مىنە، وسىمەن بۇگىنگى ءبىزدىڭ ەرتەگىمىز اياقتالدى.
*3* *2* *4*
- بالالار ماتەماتيكالىق جۇمباقتاردى شەشەدى
بالالاردىڭ جاۋابى: 5 الما

ءبىر دەگەنىم-بۇركىت
قالادى اڭدار ۇركىپ
ەكى دەگەنىم-ەسەك
بىلمەيدى ول ەسەپ
ءۇش دەگەنىم-ۇكى
ۇستاپ جەدى تۇلكى
ءتورت دەگەنىم-تيىن
ەسەبى ونىڭ قيىن
بەس دەگەنىم-بۇلبۇل
سايراعاندا ءدۇلدۇل

رەفلەكسيۆتى تۇزەتۋشىلىك
ۇ.و.ىس-ارەكەتىن قورىتىندىلاۋ سانداردى كەرى ساناۋعا بايلانىستى «ورنىڭدى تاپ»، «كورشىڭدى اتا» ويىندارىن ويناتۋ. «كىم العىر» ويىنىن ويناتۋ. بەلسەندى قاتىسقان بالالاردى ماداقتاۋ
1+2
3+2
1+1
2+2
امالدارىن ورىندايدى

كۇتىلەتىن ناتيەجە:
نەنى بىلەدى: بالالار 5-كە دەيىنگى رەتتىك سانداردى اۋىزشا ساناۋ ارقىلى سالىستىرا ءبىلۋدى ءبىلدى
ءبىلۋى كەرەك: سانداردى تانىپ، كورسەتە ءبىلۋدى، نەشە دەگەن سۇراققا تولىق جاۋاپ بەرۋدى،سانداردى رەتىمەن قويۋدى مەڭگەردى
تۇسىنە بىلەدى: ءوز بەتىمەن ىس-ارەكەت جاساپ،ماتەماتيكالىق ەسەپتەردى شىعارا الادى