InfoHub Logo

وقۋ-اعارتۋ مينيسترلىگى ورتا ءبىلىم كوميتەتىنىڭ حابارلاۋىنشا، 1-سىنىپقا قۇجاتتاردى قابىلداۋ 2023 جىلدىڭ 1 ساۋىرىندە باستالىپ، 1 تامىزعا دەيىن جالعاسادى.

بۇگىندە 1-سىنىپقا قابىلداۋعا 249 737 ءوتىنىش تۇسكەن. ونىڭ ىشىندە بالالاردىڭ 70%-عا جۋىعى مەملەكەتتىك تىلدە وقۋدى تاڭدادى.

«قۇجاتتاردى قابىلداۋ شتاتتىق رەجيمدە جۇرگىزىلىپ جاتىر. اتا-انالار بەلسەندى. بيىلعى ءبىرىنشى سىنىپقا قابىلدانۋشىلار اراسىندا مەملەكەتتىك تىلدە وقىعىسى كەلەتىندەر كوپ. قازاق تىلىندە وقىتاتىن سىنىپتارعا قابىلداۋ بويىنشا قىزىلوردا (94،1%)، ماڭعىستاۋ (93،2%)، ۇلىتاۋ (82،5%)، تۇركىستان (80،6%) جانە جامبىل (79،4%) وبلىستارى ەڭ جوعارى كورسەتكىشپەن الدا تۇر»، – دەدى كوميتەت ءتوراعاسىنىڭ ورىنباسارى جومارت قارامبايەۆ.

ءقازىر ءبىرىنشى سىنىپقا قابىلداۋ بويىنشا وتىنىمدەردىڭ جوعارى كورسەتكىشتەرى قىزىلوردا (92%)، ۇلىتاۋ (83،7%)، شىعىس قازاقستان (78%)، ماڭعىستاۋ (87،1%) تۇركىستان (79،8%) وبلىستارىندا بايقالادى.

ازاماتتارعا ىڭعايلى بولۋ ءۇشىن قۇجاتتاردى قابىلداۋ مەملەكەتتىك قىزمەتى تولىعىمەن اۆتوماتتاندىرىلعان. 1-سىنىپقا قابىلداۋ ەgov.kz ەلەكتروندى ۇكىمەت ۆەب-پورتالى ارقىلى جۇزەگە اسىرىلادى. ءبىرىنشى سىنىپقا بالالار 6 جاستان باستاپ اتا-اناسىنىڭ نەمەسە بالانىڭ زاڭدى وكىلىنىڭ ءوتىنىشى نەگىزىندە قابىلدانادى.

سونداي-اق دەنساۋلىق جاعدايى تۋرالى قۇجاتتار (026/ۋ-3 نىسانى جانە 065/ۋ) جانە 3ح4 ولشەمدى 2 فوتوسۋرەت قوسا بەرىلەدى. الدىن الا بولجام بويىنشا، جاڭا وقۋ جىلىندا 410 مىڭنان استام بالا ءبىرىنشى سىنىپقا بارادى.

---