مەرزىمدى قىزمەت وتكەرگەن 1500 سارباز جوو-دا تەگىن وقۋ مۇمكىندىگىن الدى
2022 جىلعى كوكتەمدە شاقىرىلعان مەرزىمدى قىزمەت ساربازدارىن جوو-عا ىرىكتەۋ كونكۋرسى اياقتالدى.
ىرىكتەۋ ىڭعايلى ءارى اشىق ءوتۋى ءۇشىن «سروچنيكي 2.0» سيفرلىق پلاتفورماسى ەنگىزىلدى. پلاتفورمادا ق ر قارۋلى كۇشتەرى، توتەنشە جاعدايلار مينيسترلىگى، مەملەكەتتىك كۇزەت قىزمەتىنىڭ 110-نان استام جاۋىنگەرلىك ءبولىمى تىركەلگەن.
«بۇل جۇيەدە بارلىق مەرزىمدى قىزمەت جاۋىنگەرلەرىنىڭ قىزمەت ەتۋ كەزەڭىن باعالاۋ كورسەتىلگەن. ونى قانداي دا ءبىر جولمەن اۋىستىرۋ مۇمكىن ەمەس. اي سايىن بارلىق پاندەر بويىنشا اسكەري قىزمەتشىلەردىڭ اعىمدىق باعالارىنىڭ رەيتينگى شىعارىلىپ وتىرادى. اسكەرلەردەگى جاۋىنگەرلىك دايىندىق جۋرنالدارىندا جانە وسى ەلەكتروندىق پلاتفورمادا ەسەپ جۇرگىزىلەدى. ەلەكتروندىق جۇيەدە ءار ساربازعا جەكە رەيتينگ جاسالادى»، - دەپ ءتۇسىندىردى ق ر قورعانىس ءمينيسترىنىڭ كەڭەسشىسى ايگۇل تولەمبايەۆا ورتالىق كوممۋنيكاسيالار قىزمەتىندە.
ونىڭ ايتۋىنشا، كانديداتتاردى ىرىكتەۋ كەلەسى كريتەرييلەر بويىنشا جۇرگىزىلەدى: جاۋىنگەرلىك دايىندىق؛ جەكە ءتارتىپ؛ ارناۋلى مىندەتتەمەلەردى ورىنداۋدىڭ تولىقتىعى؛ پسيحولوگيالىق جاعدايدى باعالاۋ.
ءار سارباز ءۇش ۋنيۆەرسيتەتتى تاڭداي الادى. «سروچنيكي 2.0» ەلەكتروندى جۇيەسىندە ساربازداردى جوو-لار بويىنشا ءبولۋ اۆتوماتتى تۇردە جۇرگىزىلەدى.
«قورعانىس مينيسترلىگىندە جوعارى وقۋ ورىندارىنا سارباز ءبولۋدى باقىلاۋ ءۇشىن كوميسسيا قۇرىلعانىنا ەرەكشە نازار اۋدارعىم كەلەدى. كوميسسيا قۇرامىنا قارۋلى كۇشتەردىڭ باسشىلىق قۇرامى، ۇلتتىق ۇلان، توتەنشە جاعدايلار مينيسترلىگى سەكىلدى كۇشتىك قۇرىلىمداردىڭ وكىلدەرى، ازاماتتىق جوعارى وقۋ ورىندارىنىڭ جانە سارباز انالارى كوميتەتىنىڭ وكىلدەرى كىردى»، - دەدى سپيكەر.
ءقازىر كونكۋرستىق ىرىكتەۋگە 2022 جىلعى كوكتەمدە شاقىرىلعان 12 548 مەرزىمدى قىزمەت ساربازى قاتىسۋدا. ونىڭ ىشىندە قورعانىس مينيسترلىگى، مەملەكەتتىك كۇزەت قىزمەتى، توتەنشە جاعداي مينيسترلىگىنەن – 6539 سارباز، ۇلتتىق ۇلاننان – 6007 سارباز بار.
2022 جىلعى كۇزدە شاقىرىلعاندار ءۇشىن كۆوتانىڭ ەكىنشى بولىگى وسى جىلدىڭ كۇزىندە وتەدى.
ساربازدار جوعارى وقۋ ورىندارىنا ءتۇسۋ سەرتيفيكاتتارىن «سروچنيكي 2.0» پلاتفورماسىنان جسن ارقىلى تەكسەرە الادى. سونداي-اق، تىزىمدەر الەۋمەتتىك جەلىلەردە جاريالانىپ، جوعارى وقۋ ورىندارىنا جىبەرىلەدى.
«ءقازىر جوو ءبىلىمىن الۋعا 1500 ورىن بولىنەدى. ەكرانان ساربازداردىڭ ونلاين رەجيمدە قالاي بولىنەتىنىن كورەمىز. مۇندا ۇبت-عا ۇقساس، QR كودى بار سەرتيفيكاتتار بار. ولاردى قولدان جاساي المايدى. ماسەلەن نوميروۆسكيي روديون الەكسەيەۆيچ وقۋعا 100 پايىزدىق جەڭىلدىك ۇسىنىسىن الدى. قۇتتىقتايمىز! 1500 ساربازدىڭ 350ء-ى اسكەري وقۋ ورىندارىن تاڭداعان»، - دەدى ا. تولەمبايەۆا.
سونىمەن بىرگە، قورعانىس مينيسترلىگىندە جەدەل جەلى قۇرىلدى، بارلىق تولعاندىرعان ماسەلەلەر بويىنشا +77051200417، +77087641616، +77172565360 نومىرلەرىنە حابارلاسۋعا بولادى.
You Might Also Like
-
وقۋ-اعارتۋ مينيسترلىگى ورتا ءبىلىم كوميتەتىنىڭ حابارلاۋىنشا، 1-سىنىپقا قۇجاتتاردى قابىلداۋ 2023 جىلدىڭ 1 ساۋىرىندە باستالىپ، 1 تامىزعا دەيىن جالعاسادى.
-
ەرتەدە جەتىسۋ ەلىندە قابانباي دەگەن باتىر ءوتىپتى. قابانبايدىڭ وتىز ۇلى، وتىز اۋىلى بولىپتى. جەر قايىسقان مالى بار ەكەن. جاز جايلاۋعا شىعاردا مال، جان تاس-وتكەل ارقىلى سۋدان تەگىس وتكەنشە باي ءوزىنىڭ...
