120 جاس عالىم، دوكتورانت پەن ماگيسترانتقا پاتەر كىلتى تابىستالدى
مۇعالىمدەر كۇنى قارساڭىندا س. سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ جاس عالىمدارىنا، دوكتورانتتارى مەن ماگيسترانتتارىنا جاڭا باسپانالاردىڭ كىلتىن تابىستاۋ سالتاناتى ءوتتى، دەپ حابارلايدى astana.gov.kz.
شاراعا استانا قالاسى اكىمىنىڭ ورىنباسارى اندرەي لۋكين، «س.سەيفۋللين اتىنداعى قازاق اتۋ» اق باسقارما ءتوراعاسى اقىلبەك كۇرىشبايەۆ قاتىستى.
ەلوردا اكىمىنىڭ ورىنباسارى اندرەي لۋكين ءوز سوزىندە مەملەكەت باسشىسى حالىقتى باسپانامەن قامتۋعا باسا نازار اۋداراتىنىن اتاپ ءوتتى. بۇگىنگى تاڭدا استانادا تۇرعىن ۇيمەن قامتاماسىز ەتۋ ءبىر ادامعا شاققاندا 29 شارشى مەترگە جۋىقتادى، جىل سايىن 2 ملن شارشى م جۋىق تۇرعىن ءۇي تاپسىرىلادى.
«باسپانالى بولعانداردى قۇتتىقتايمىن! قازاق اگروتەحنيكالىق ۋنيۆەرسيتەتىندە وسىنداي ءداستۇر قالىپتاسقان، بۇل ەلىمىزدەگى ۇزدىك جوعارى وقۋ ورىندارىنىڭ ءبىرى. مەردىگەرلەرىمىز رەكوردتى قىسقا ۋاقىتتىڭ ىشىندە - 10 ايدا ادەمى ۇيلەر سالىپ ءبىتىردى. 120 ادام قونىس تويىن تويلايدى. بۇل قالانىڭ ورتالىق بولىكتەرىنىڭ ءبىرى. مۇندا بالانىڭ سىڭعىرلاعان كۇلكىسى ەستىلىپ، اقساقالدارىمىز دەمالادى، ال ەڭ باستىسى، بۇل عىلىممەن، شىعارماشىلىقپەن، جاستارىمىزدى تاربيەلەۋمەن اينالىسۋدى جالعاستىرۋعا ىنتالاندىرادى. بارشاڭىزعا باقىت پەن كوتەرىڭكى كوڭىل-كۇي تىلەيمىن»، - دەدى ا. لۋكين.
ەلوردا اكىمدىگىنىڭ قولداۋىمەن ۋنيۆەرسيتەتتىڭ جاس وقىتۋشىلارى، دوكتورانتتارى مەن ماگيسترانتتارى ءۇشىن ەسىل وزەنىنىڭ سول جاعالاۋىندا 120 پاتەرلىك ءۇش بەسقاباتتى ءۇي بوي كوتەردى. اكادەميالىق موبيلدىلىك باعدارلاماسى اياسىندا شەتەلدە تاعىلىمدامادان وتكەن جاس وقىتۋشىلارعا جانە «بولاشاق» حالىقارالىق باعدارلاماسىنىڭ ستيپەندياتتارىنا پاتەر كىلتتەرى تابىستالدى.
You Might Also Like
-
ءبىلىم سالاسىندا ەڭ كوپ تالقىعا تۇسەتىن تاقىرىپ – ۇستازدىڭ ەڭبەكاقىسى. اركىم ەڭبەگىنىڭ لايىقتى بولعانىن قالايدى. ءمۇعالىم جالاقىسى جوعارى ەلدە ءبىلىم دە ساپالى دەيتىندەر كوپ. شىنىمەن، سولاي ما؟
-
ق ر پرەزيدەنتىنىڭ پاۆلودار وبلىسىنا ساپارى بارىسىندا پاۆلودار مەملەكەتتىك ۋنيۆەرسيتەتىنىڭ (پمۋ) ستۋدەنتتەرى وزدەرىنىڭ بيزنەس-جوبالارىن تانىستىردى.
