InfoHub Logo

ءبىلىم سالاسىندا ەڭ كوپ تالقىعا تۇسەتىن تاقىرىپ – ۇستازدىڭ ەڭبەكاقىسى. اركىم ەڭبەگىنىڭ لايىقتى بولعانىن قالايدى. ءمۇعالىم جالاقىسى جوعارى ەلدە ءبىلىم دە ساپالى دەيتىندەر كوپ. شىنىمەن، سولاي ما؟

حالىقارالىق ەكونوميكالىق بىرلەستىك پەن دامۋ ۇيىمىنىڭ ماماندارى جۇرگىزگەن «Education at a Glance 2015» كىتابىنا سۇيەنە وتىرىپ، «mel.fm» سايتى ارنايى زەرتتەۋجۇرگىزىپتى. مۇندا ءار ەلدەگى ءتۇرلى ءبىلىم بەرۋ مەكەمەلەرىندە جۇمىس ىستەيتىن ۇستازداردىڭ ورتاشا جالاقىسى جاريالانعان. دەسە دە، سونىڭ ىشىندە تەك مەكتەپتەردە جوعارى سىنىپقا ساباق بەرەتىن مۇعالىمدەردىڭ ورتا ەسەپپەن الىنعان ايلىعىنا كوز جۇگىرتىپ كورەيىك. الدىڭعى ورىندا – مەكسيكا ۇستازدارى، ايلىق جالاقىسى 5 695 دوللار (68 343 دوللار – جىلدىق تابىسى). ەكىنشى ورىندا – گەرمانيا مۇعالىمدەرى، ايلىعى – 5110 دوللار (جىلدىق جالاقىسى – 61 317 دوللار)، ءۇشىنشى ورىندا – اقش مۇعالىمدەرى، ولاردىڭ دا ايلىعى وسال ەمەس – 3558 دوللار (جىلدىق تابىسى – 42 695 دوللار). يسپانيا ۇستازدارى دا قاتاردان قارا ۇزگەن – 3396 دوللار (40 752 دوللار جىلدىق تابىسى)، اۆستراليا، نيدەرلاندى مۇعالىمدەرىنىڭ دە جالاقىسى 3000 دوللاردان جوعارى. جىلدىق تابىستارى 38 000-39 000 دوللارعا جۋىقتايدى.

ال عىلىمدا سونى سەرپىلىس جاساپ جۇرگەن جاپونيا، وڭتۇستىك كورەيا ەلدەرىنىڭ ۇستازدارى شە؟ ماسەلەن، جاپونيادا جوعارى سىنىپقا ساباق بەرەتىن ۇستازدىڭ ايلىعى – 2 302 دوللارعا (27 627 دوللار – جىلدىق تابىسى)، ال وڭتۇستىك كورەياداعى وقىتۋشىنىڭ ەڭبەگى 2 438 دوللارعا باعالانعان (29 252 دوللار – جىلدىق تابىسى). انگليا، فرانسيا ەلدەرىنىڭ مۇعالىمدەرى دە 2000 دوللاردان جوعارى جالاقى الادى ەكەن. جىلدىق تابىستارى 27 000-30 000 دوللارعا جەتىپ جىعىلادى. تەك الەم الپاۋىتتارىنىڭ قاتارىنان كورىنەتىن رەسەيدەگى ۇستاز ەڭبەگىنىڭ «وتەۋى» كوڭىل كونشىتپەيدى ەكەن. ايلىعى ورتا ەسەپپەن بار-جوعى 477 دوللار توڭىرەگىندە. جىلدىق تابىسى – نەبارى 5700 دوللار. سوعان قاراعاندا، كەي ەلدەگى ۇستازدىڭ ايلىق جالاقىسىن رەسەيدەگى وقىتۋشىلار جىلداپ جينايتىن كورىنەدى. ءبىزدىڭ ەلدەگى كورىنىس تە كورشىدەن الىس كەتپەگەنىنە ءشۇبا جوق. «Mel.fm» سايتى زەرتتەۋلەرگە سۇيەنە وتىرىپ، ۇستاز جالاقىسى مەن سول ەلدەگى مەملەكەت باسشىلارىنىڭ ايلىعىن سالىستىرىپتى. قىزىق بولسا، ءسىز دە كوز جۇگىرتىپ كورىڭىز:

قۇرالاي ءسلام قىزى

دەرەككوز: baq.kz

---