2-سىنىپ وقۋشىلارىنا جاڭا ءپان ەنگىزىلەدى
2030 جىلى الەمدە 85 پايىز جاڭا ماماندىق پايدا بولادى. بۇل تۋرالى بۇگىن ماجىلىستەگى «سيفرلىق قازاقستان» مەملەكەتتىك باعدارلاماسىنا ارنالعان ۇكىمەت ساعاتىندا ق ر اقپارات جانە كوممۋنيكاسيالار ءمينيسترى داۋرەن ابايەۆ ايتتى.
ونىڭ دەرەگىنشە، «سيفرلىق قازاقستان» باعدارلاماسىنىڭ «ادام كاپيتالىن دامىتۋ» باعىتى اياسىندا جاس ۇرپاقتىڭ شىعارماشىلىق مۇمكىندىكتەرىن ارتتىرۋ ماقساتىندا «باعدارلامالاۋ نەگىزدەرى» ءپانى ەلىمىزدىڭ ورتا مەكتەپتەرىندە 2-سىنىپتان باستاپ ەنگىزىلەدى.
«تەحنيكالىق، كاسىبي، جوعارى جانە جوعارى وقۋ ورنىنان كەيىنگى رەفورمالار اياسىندا، ءبىلىم بەرۋ باعدارلامالارىن زاماناۋي ترەندەر بويىنشا دامىتۋ جۇرگىزىلىپ جاتىر. ساراپشىلاردىڭ بولجامى بويىنشا، 2030 جىلى الەمدە 85 پايىز جاڭا ماماندىق پايدا بولادى»، - دەدى ول.
ءمينيستردىڭ ايتۋىنشا، ولاردىڭ قاتارىندا دەرەكتەرمەن جۇمىس جۇرگىزەتىن دەتەكتيۆ، قالالىق كيبەرساراپشى، گەنەتيكالىق كود رەداكتورى، سيفرلىق تىگىنشى جانە تاعى باسقا ماماندىقتار بولۋى مۇمكىن.
«سوندىقتان قازىردەن باستاپ، وسى ترەندتەردى ەسكەرىپ، مامانداردى نارىققا ساي دايىنداۋ ماڭىزدى»، - دەدى مينيستر.
داۋرەن ابايەۆ ەل تۇرعىندارىن سيفرلىق سالاعا ماشىقتاندىرۋ ءۇشىن 700 مىڭ ادام وقىتىلعاندىعىن، «اتامەكەن» ۇلتتىق كاسىپكەرلەر پالاتاسىنىڭ بازاسىندا 15 مىڭ ادام ءبىلىم العانىن ايتتى.
«ولار سيفرلىق تەحنولوگيالار بويىنشا كاسىپكەرلىكتى جۇرگىزۋ، ماركەتينگ، قارجىلىق ساۋاتتىلىق پەن بيزنەس-جوسپارلاردى يگەردى»، - دەدى ول.
قازاقپارات
![«قۇردىمعا كەتكەن ەلدەر» ماقالاسىن سىناۋشىلارعا [سۇراقتارعا جاۋاپ]](http://infohub.kz/uploads/thumbnail/20240119231446871_small.png)
You Might Also Like
-
وسپانوۆا گۇلماريا تۇرىسبەك قىزى قازاق ءتىلى مەن ادەبيەتى ماماندىعىنىڭ 2- كۋرس ستۋدەنتتەرى
-
شىن حاكىم، ءسوزىڭ اسىل- باعا جەتپەس، ءبىر ءسوزىڭ مىڭ جىل جۇرسە ءدامى كەتپە- دەپ الاش كوسەمى ماعجان جۇمابايەۆ ايتقانداي اباي ەسىمى، اباي ءۇنى ماڭگى قازاق جۇرەگىندە ەرەكشە ورىن الماق. اباي شىعارمالارىنىڭ ...
