2016 جىلدىڭ ناۋرىزىنا دەيىن ەلىمىزدە ءبىلىم مەن عىلىمدى دامىتۋدىڭ جاڭا باعدارلاماسى قابىلدانادى
استانا. قازاقپارات - 2016 جىلدىڭ ناۋرىزىنا دەيىن ەلىمىزدە ءبىلىم جانەعىلىمدى دامىتۋدىڭ جاڭا مەملەكەتتىك باعدارلاماسى قابىلداناتىن بولادى.
بۇل تۋرالى بۇگىن پارلامەنت ماجىلىسىندەگى داعدارىسقا قارسى شارالارعا ارنالعان ۇكىمەت ساعاتىندا ق ر ۇلتتىق ەكونوميكا ءمينيسترى ەربولات دوسايەۆ ايتتى.
«داعدارىسقا قارسى شارالاردىڭ بەسىنشى باعىتى جاڭا الەۋمەتتىك ساياسات اياسىندا نەگىزىنەن مەملەكەت باسشىسىنىڭ بيىلعى قاراشا ايىنداعى جولداۋىندا جۇكتەلگەن شارالار اتقارىلادى. بۇل رەتتە 2030 جىلعا دەيىنگى الەۋمەتتىك دامۋ تۇجىرىمداماسى وزەكتەندىرىلەدى. وسىعان بايلانىستى ماقسات الەۋمەتتىك قامتاماسىز ەتۋ جۇيەسىن وڭتايلاندىرۋ، اتاۋلى الەۋمەتتىك كومەكتىڭ جاڭا فورماتىن ەنگىزۋ تاجىريبەسىن كەڭەيتۋ، كۇنكورىس سەبەتىنىڭ قۇرامىن قايتا قاراۋ كوزدەلەدى. 2016 جىلدىڭ ناۋرىزىنا دەيىن «جۇمىسپەن قامتۋ جول كارتاسى-2020» باعدارلاماسى قايتا قارالادى»، دەدى مينيستر.
ونىڭ ايتۋىنشا، دەنساۋلىق ساقتاۋدى دامىتۋدىڭ 2016-2019 جىلدارعا ارنالعان باعدارلاماسى اعىمداعى جىلدىڭ سوڭىنا دەيىن قابىلداناتىنى كۇتىلەدى.
«سونىمەن قاتار، 2016 جىلدىڭ 1 ناۋرىزىنا دەيىن ەلىمىزدە ءبىلىم مەن عىلىمدى دامىتۋدىڭ جاڭا مەملەكەتتىك باعدارلاماسىن قابىلداۋ كۇتىلەدى. 2017 جىلدان باستاپ «بارشاعا ارنالعان تەگىن كاسىپتىكتەحنيكالىق ءبىلىم بەرۋ» جاڭا جوباسىن ىسكە اسىرۋ جوسپارلانادى»، دەدى ە. دوسايەۆ.
inform.kz
You Might Also Like
-
قازاقتار استى ءدام دەپ اتايدى. حالىق اراسىندا بىرەۋدى ەسكە العاندا: «دامدەس بولىپ ەدىك. ۇيىنەن ءدام تاتىپ ەدىك»، - دەپ، رەنجىگەندە، وكپەلەگەندە: «ءدام-تۇزىم اتسىن! ءدام-تۇزىما سالدىم&...
-
ۇلىبريتانيانىڭ ەكستەرا ۋنيۆەرسيتەتىنىڭ پروفەسسورى فرەدەريكا پونتانىڭ مالىمدەۋىنشە، پلۋتون جانە ساتۋرن مەن يۋپيتەردىڭ كەيبىر سەرىكتەرى تەوريالىق تۇرعىدا تىرشىلىك ەتەتىن عالامشارعا اينالۋى مۇمكى...
