2016 جىلعى مەملەكەتتىك ءبىلىم گرانتتارى يەگەرلەرىنىڭ ءتىزىمى
بۇگىن مەملەكەتتىك ءبىلىم گرانتتارى يەلەرىنىڭ ءتىزىمى رەسمي باق-تا جاريالاندى. ەلىمىزدىڭ بارلىق وڭىرىندەگى جۇرتشىلىق اسىعا كۇتىپ وتىرعان ءبىلىم گرانتتارى يەگەرلەرىنىڭ ءتىزىمىن مىنا جەردەن جۇكتەپ الۋعا بولادى.
وسى ءتىزىم «ەگەمەن قازاقستان» جانە «كازاحستانسكايا پراۆدا» گازەتتەرىندە دە جارىق كورەدى.
وسىلايشا، مەملەكەتتىك ءبىلىم گرانتتارىنىڭ يەلەرىن انىقتايتىن كوميسسيا بولگەن 31 702 گرانت يەگەرلەرىن تولىق انىقتادى. ونىڭ ىشىندە 2 950 ورىن جوعارى وقۋ ورىندارىنىڭ دايىندىق بولىمدەرىندە وقۋعا، 28 752 گرانت 1 كۋرسقا قابىلداۋعا قاراستىرىلدى.
بيىل مەملەكەتتىك تاپسىرىستى قالىپتاستىرۋ ەلدىڭ الەۋمەتتىك-ەكونوميكالىق دامۋ باسىمدىقتارىنا نەگىزدەلدى. وسى ورايدا اتالعان باسىمدىقتاردى ەسكەرە وتىرىپ، 12 593 گرانت تەحنيكالىق جانە تەحنولوگيالىق ماماندىقتارعا ەسكەرىلگەن. سونىمەن قاتار، 5 000 گرانت - پەداگوگيكالىق، 2 690 گرانت - اۋىل شارۋاشىلىعى مەن ۆەتەريناريا ماماندىقتارىنا، 3 000 گرانت - مەديسينالىق سالاعا ماماندىقتارعا ءبولىنىپ وتىر.
ق ر ءبىلىم جانە عىلىم مينيسترلىگىنىڭ مالىمەتىنشە، كونكۋرستىق نەگىزدە مەملەكەتتىك تاپسىرىس بەرىلەتىن جوو-لار ءتىزىمى ايقىندالدى. ەلىمىزدىڭ 112 ازاماتتىق جوعارى وقۋ ورىندارى اراسىندا وقۋ گرانتتارى 87 جوو-عا ءبولىندى. وتكەن جىلى 64 وقۋ ورنى قامتىلعان ەدى.
بيىل جىلعى وقۋ گرانتتارىن الۋ كونكۋرسىنا 59 677 ادام قاتىسۋدا، ولاردىڭ ىشىندە 47 342ء-سى - قازاق تىلىندە ءبىلىم الۋعا (80 پايىزعا جۋىعى)، 12 335 تالاپكەر ورىس تىلىندە وقۋعا تاپسىرعان.
جالپى كونكۋرستارعا قاتىسۋشىلار اراسىندا 2 208 «التىن بەلگى» يەگەرلەرى؛ 303 كوللەدج تۇلەكتەرى؛ 169 حالىقارالىق جانە رەسپۋبليكالىق وليمپيادالاردىڭ جەڭىمپازدارى؛ 854 حالىقارالىق جانە رەسپۋبليكالىق عىلىمي جارىستاردىڭ جەڭىمپازدارى، 948 حالىقارالىقجانە رەسپۋبليكالىق سپورتتىق جارىستاردىڭ جەڭىمپازدارى؛ 9 پرەزيدەنتتىك وليمپيادانىڭ جەڭىمپازدارىى قامتىلعان. ولار گرانتتى الۋدا باسىمدىققا يە بولىپ وتىر.
كونكۋرسقا ءى، ءىى توپ مۇگەدەكتىگى بار 363 ادام، قازاقستان رەسپۋبليكاسىنىڭ ازاماتتىعى جوق قازاق ۇلتى وكىلدەرىنەن قامتىلعان 1 053 ادام، سونداي-اق 492 اتا-اناسىنىڭ قامقورلىعىنان ايىرىلعان بالالار مەن جەتىم بالالار قاتىسۋدا. بۇل ادامدارعا كۆوتالار بەلگىلەنگەن.
ايتا كەتەيىك، اعىمداعى جىلى ۇلتتىق ءبىرىڭعاي تەستىلەۋدەگى ورتاشا بالل - 81،2 بالل.
You Might Also Like
-
سوڭعى ءۇش جىلدا 1 032 تۇلەك ۇبت-دان بوساتىلعان. بۇل تۋرالى بۇگىن «دارىن» رەسپۋبليكالىق عىلىمي-تاجىريبەلىك ورتالىقتىڭ ديرەكتورى شولپان قيرابايەۆا ءمالىم ەتتى.
