2020 جىلدان باستاپ جوو-عا قۇجات تاپسىرۋ قاجەت بولمايدى
ءبىلىم بەرۋ سالاسىندا 60-تان استام مەملەكەتتىك قىزمەت ەلەكتروندى تۇردە قولجەتىمدى. بۇل تۋرالى ق ر ءبىلىم جانە عىلىم ۆيسە-مينيسترى رۇستەم بيعاري ايتىپ بەردى.
«ءبىلىم بەرۋ جۇيەسىندە 67 قىزمەت ەلەكتروندى تۇردە قولجەتىمدى. ماسەلەن، قازىرگى ۋاقىتتا جوعارعى وقۋ ورنىنا قۇجات تاپسىرۋ قيىن جۇمىس بولىپ كورىنەدى. 2020 جىلدان باستاپ ونىڭ قاجەتى بولمايدى، سەبەبى جىل سوڭىنا دەيىن بارلىق اقپارات سيفرلانادى. «كۇندەلىك» جۇيەسىندەگى دەرەكتەر اۆتوماتتى تۇردە جوو-عا بەرىلەدى، سايكەسىنشە قۇجاتتاردى قايتا تاپسىرۋ قاجەت ەمەس. جالپى، مەكتەپتەر مەن بالاباقشالارداعى وقۋ پروسەسى اۆتوماتتاندىرىلعان»، — دەدى رۇستەم بيعاري بۇگىن Astana Hub تەحنوپاركىندە الەۋمەتتىك يننوۆاسيالار زەرتحاناسىنىڭ اشىلۋىندا.
سونىمەن بىرگە، سيفرلىق دامۋ، يننوۆاسيالار جانە اەروعارىشتىق ونەركاسىپ ۆيسە-مينيسترى ابىلايحان وسپانوۆ مەملەكەتتىڭ بالالارعا قاتىستى قىزمەتتەردى كوبىرەك ۇسىنىپ جاتقانىن جەتكىزدى.
«وتكەن جىلى SMS-حابارلاما ارقىلى جاڭا تۋعان سابيگە ات قويىپ، تۋۋ تۋرالى كۋالىك الۋ قىزمەتىن ىسكە قوستىق. ەشقايدا بارۋدىڭ قاجەتى جوق. ەلەكتروندى قىزمەتتەردىڭ باسىم بولىگى بالالارعا كورسەتىلۋى ءتيىس»، — دەدى ابىلايحان وسپانوۆ.
ايتا كەتەيىك، Astana Hub حالىقارالىق IT-ستارتاپتار تەحنوپاركى مەن بۇۇ بالالار قورى (يۋنيسەف) بالالار مۇددەسىن قورعايتىن «Social Innovation» الەۋمەتتىك يننوۆاسيالار زەرتحاناسىن اشتى. ونىڭ قىزمەتى زاماناۋي تەحنولوگيالار ارقىلى بالالاردى ءتۇرلى سىن-قاتەردەن قورعايتىن جوبالاردى جۇزەگە اسىرۋعا باعىتتالعان.
You Might Also Like
-
ق ر ءبىلىم جانە عىلىم ۆيسە-مينيسترى رۇستەم بيعاري ءبىلىم بەرۋ سالاسىن سيفرلاندىرۋ تەتىكتەرى جونىندە ايتىپ بەردى.
