ءبىلىم گرانتتارىن ءبولۋ پروسەسىنە ەشكىم ارالاسا المايدى — بعم
ءبىلىم گرانتتارىن ءبولۋ پروسەسىنە بوگدە ادامدار ارالاسا المايدى، دەپ حابارلايدى ءبىلىم جانە عىلىم مينيسترلىگىنىڭ باسپا ءسوز قىزمەتى.
كيبەر شابۋىلداردى زەرتتەۋ جانە تالداۋ ورتالىعىنىڭ (ساركا) وكىلدەرى ءبىلىم گرانتتارىن ءبولۋ ءراسىمىن تەكسەرىپ، ءوز قورىتىندىسىن شىعاردى. قازاقستان رەسپۋبليكاسى ءبىلىم جانە عىلىم مينيسترلىگىنىڭ «ۇلتتىق تەستىلەۋ ورتالىعى» باكالاۆريات جانە ماگيستراتۋرا بويىنشا ءبىلىم گرانتتارىن بولۋگە جاۋاپ بەرەتىن اقپاراتتىق جۇيەنىڭ باستاپقى كودتارىن ساركا ماماندارىنا تەكسەرۋگە بەرگەن بولاتىن. تەكسەرۋ ناتيجەسى بويىنشا، گرانتتاردى ءبولۋ ۇردىسىنە بوتەن ادام ارالاسا المايتىنى انىقتالدى.
«اتالعان تەكسەرۋ گرانت ءبولۋدىڭ جاريالانعان ناتيجەلەرى باعدارلاما بەرگەن دەرەكتەرمەن تولىق سايكەس كەلەتىنىن كورسەتتى. وسىلايشا، گرانت ءبولۋ تۋرالى دەرەكتەر ءتىزىم جاسالعان ساتتەن باستاپ ناتيجەلەر جاريالانعانعا دەيىن ءوز تۇتاستىعى مەن قۇپيالىلىعىن ساقتاپ قالعان دەپ سەنىممەن ايتۋعا بولادى» دەلىنگەن حابارلامادا.
ورتالىق ماماندارى ءتىزىم جاساۋعا جاۋاپ بەرەتىن اقپاراتتىق جۇيەگە بوگدە ادامدار ارالاسپاعان دەگەن قورىتىندىعا كەلدى.
ايتا كەتەيىك، اتالعان تەكسەرۋ بارىسىندا 76 009 قاتىسۋشى اراسىندا 58 126 گرانتتى تاعايىنداۋ ءۇردىسى تەكسەرىلگەن.
You Might Also Like
-
شۆەد كورولدىك عىلىم اكادەمياسى 2019 جىلعى فيزيكادان نوبەل سىيلىعى فيزيكالىق عارىشناما سالاسىنداعى تەوريالىق جاڭالىقتار ءۇشىن دجەيمس پيبلسكە، سونداي-اق، كۇن تارىزدەس جۇلدىزدى اينالاتىن ەكزوپلانەتان...
-
قۇرمەتتى اعايىن! مىنە، جەلىپ وتىرىپ، [جاسى] دەگەن بەلەسكە دە كەلىپ قالىپتى. مەن ءوزىم پايعامبار جاسى 63 جاسقا كەلسەم، ارتىمنان ەرگەن وكشەلەس ءىنىم بۇل دا [جاسى] شىعىپ وتىر. وتكەن ءومىر كوز الدىڭا كينو...
