2023 جىلدان باستاپ اسكەردەن ورالعان ساربازدار 40-تان استام ۋنيۆەرسيتەتتە تەگىن وقي الادى
قورعانىس مينيسترلىگى مەن جوعارى وقۋ ورىندارى اسكەري قىزمەتتىڭ تارتىمدىلىعىن ارتتىرۋعا باعىتتالعان بىرلەسكەن جوبانى ىسكە اسىرۋعا كىرىسىپ كەتتى.
قورعانىس مينيسترلىگى تاراتقان مالىمەتكە سەنسەك، Narxoz ۋنيۆەرسيتەتىنىڭ وكىلدەرى الماتى وبلىسىنداعى بايلانىس اسكەرلەرىنىڭ وقۋ ورتالىعىندا بولىپ، اسكەري قىزمەتشىلەرگە مەرزىمدى قىزمەتتى وتكەرگەننەن كەيىن جوعارى وقۋ ورنىنا ءتۇسۋ شارتتارىن تۇسىندىرگەن.
ايتا كەتەيىك، ەكەۋارا كەلىسىمگە قورعانىس ءمينيسترى مەن 40-تان استام جوعارى وقۋ ورنىنىڭ رەكتورلارى قول قويعان.
وسىعان سايكەس بەلگىلەنگەن مەرزىمدە قىزمەتىن وتەگەن جانە قىزمەت ەتۋ كەزىندە ەرەكشەلەنگەن اسكەري قىزمەتشىلەرگە جوعارى وقۋ ورىندارى تەگىن وقۋعا مۇمكىندىك بەرەدى.
بۇعان دەيىن قۇرلىق اسكەرلەرى اسكەري ينستيتۋتى مەن راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ وكىلدەرى دە اسكەري بولىمدە بولىپ، وسىنداي كەزدەسۋ وتكىزگەنىن اتاپ وتكەن ءجون.
بۇدان وزگە الداعى ۋاقىتتا قازاق ۇلتتىق اگرارلىق ۋنيۆەرسيتەتىنىڭ ماماندارىمەن دە كەزدەسۋ وتكىزۋ جوسپارلانىپ وتىر.
مەرزىمدى قىزمەتتەگى اسكەري قىزمەتشىلەرگە جوعارى وقۋ ورىندارىندا جەڭىلدىكپەن ءبىلىم الۋ تۋرالى كەلىسىم 2023 جىلدان باستاپ كۇشىنە ەنەدى.
You Might Also Like
-
قۇنان بايگە — ءۇش جاسار قۇناندار جارىسى. بايگەگە قاتىساتىن قۇنانعا شاباندوز بالا مىنەدى. مارە مەن سورەنىڭ قاشىقتىعى 1 كم-دەن 10 كم-گە دەيىن. قۇنان بايگە كۇشتىلىكتى، شىدامدىلىقتى، ەپتىلىكتى ءارى...
-
30 جانە ودان دا كوپ جىل پەداگوگيكالىق ءوتىلى بار پەداگوگتەر ۇلتتىق بىلىكتىلىك تەستىلەۋىن (ۇبت) تاپسىرۋدان بوساتىلىپ، تەك قىزمەت ناتيجەسىنىڭ جان-جاقتى اناليتيكالىق قورىتىندىسىن، ياعني پورتفوليونى عانا...
