30 جىل جانە ودان كوپ پەداگوگيكالىق ستاجى بار مۇعالىمدەر ۇلتتىق بىلىكتىلىك تەستىن تاپسىرمايدى
30 جانە ودان دا كوپ جىل پەداگوگيكالىق ءوتىلى بار پەداگوگتەر ۇلتتىق بىلىكتىلىك تەستىلەۋىن (ۇبت) تاپسىرۋدان بوساتىلىپ، تەك قىزمەت ناتيجەسىنىڭ جان-جاقتى اناليتيكالىق قورىتىندىسىن، ياعني پورتفوليونى عانا تاپسىرادى.
سونداي-اق ەسكى جۇيە بويىنشا «ءبىرىنشى»، «جوعارى» ساناتتارى بار مۇعالىمدەر جۇمىس ناتيجەلەرىن جان-جاقتى قورىتىندىلاۋ ارقىلى «پەداگوگ-مودەراتور» بىلىكتىلىك ساناتىنا اۋىسسا، وندا ۇبت-دان بوساتىلادى.
سونىمەن قاتار زەينەت جاسىنا شىعۋعا ءتورت جىلدان اسپايتىن ۋاقىت قالعان مۇعالىمدەر اتتەستاسيادان بوساتىلادى.
«وقۋ-اعارتۋ مينيسترلىگى مۇعالىمدەردىڭ اتتەستاسيادان ءوتۋ ەرەجەسىنە وزگەرىستەر ەنگىزدى. بۇل رەتتە پەداگوگتەردىڭ ۇسىنىستارى مەن تىلەكتەرى ەسكەرىلدى. مىسالى، بۇرىن ەڭبەك وتىلىنە جانە تاجىريبەسىنە قاراماستان بارلىق ءمۇعالىم ۇبت تاپسىرسا، ەندى جەكەلەگەن ساناتتار ۇبت-دان بوساتىلادى. بۇل ۇلكەن، 30 جىل پەداگوگيكالىق ءوتىلى بار، زەينەتكە شىعۋعا 4 جىل قالعان مۇعالىمدەرگە دە قاتىستى. اتتەستاسيا مۇعالىمدەردىڭ بىلىكتىلىك دەڭگەيىن انىقتاۋ ماقساتىندا وتكىزىلەتىنىن، ونىڭ ناتيجەلەرى بويىنشا ولارعا بىلىكتىلىك ساناتتارى تاعايىندالاتىنىن نەمەسە بەكىتىلگەنىن جانە جالاقىنىڭ 30-دان 50%-عا دەيىنگى مولشەرىندە اي سايىنعى ۇستەمەاقى تولەنەتىنىن اتاپ وتەمىن»، - دەدى وقۋ-اعارتۋ مينيسترلىگىنىڭ ورتا ءبىلىم كوميتەتى ءتوراعاسى گۇلميرا كاريموۆا.
اتتەستاسيادان ءوتۋ كەزەڭدەرى دە قايتا قارالدى. ءبىرىنشى كەزەڭدە مۇعالىمدەر ءبىلىم بەرۋدى ۇيىمداستىرۋ بارىسىندا بىلىكتىلىك باعالاۋدان وتەدى.
ودان كەيىن ءوز قىزمەتىنىڭ ناتيجەلەرىنىڭ جان-جاقتى اناليتيكالىق قورىتىندىسىن تاپسىرادى، ياعني ولار پورتفوليوسىن ساراپتاماعا ۇسىنادى.
كەلەسى كەزەڭ – ۇلتتىق بىلىكتىلىك تەستى.
You Might Also Like
-
قورعانىس مينيسترلىگى مەن جوعارى وقۋ ورىندارى اسكەري قىزمەتتىڭ تارتىمدىلىعىن ارتتىرۋعا باعىتتالعان بىرلەسكەن جوبانى ىسكە اسىرۋعا كىرىسىپ كەتتى.
-
وقۋ-اعارتۋ مينيسترلىگى پيلوتتىق رەجيمدە ۇلتتىق ءبىلىم اكادەمياسىنىڭ مىندەتتى قولداۋىنا جاتاتىن قاجەتتى رەسۋرستارى مەن الەۋەتى بار مەكتەپتەرگە اكادەميالىق ەركىندىك بەرۋگە مۇمكىندىك بەرەتىن بۇيرىق جوب...
